FME: Stærstu málin varða 10 ára fangelsi

Gunnar Andersen, forstjóri Fjármálaeftirlitsins, segir stærstu málin sem eftirlitið hefur til skoðunar eftir bankahrun gætu verið sakamál sem varða allt að tíu ára fangelsi.

Gunnar segir öll þau mál sem Fjármálaeftirlitið hefur haft til skoðunar eftir bankahrun það stór og umfangsmikil að þau hafa verið send áfram til sérstaks saksóknara vegna bankahrunsins. Gunnar segir málin snúast um milljarða og milljarðatugi og refsingar fyrir meint brot geti því orðið allt að 10 ára fangelsi. Í einstaka tilfellum er um yfir hundrað milljarða að ræða.

Gunnar segir að í mörgum þeirra mála sem eftirlitið hefur til skoðunar sé um skýr lögbrot að ræða jafnt eftir á að hyggja og á þeim tíma sem brotin voru framin en mönnum hafi láðst að taka á þeim þá. Hann segir málin meðal annars snúast um sýndarviðskipti, innherjaviðskipti og markaðsmisnotkun af ýmsu tagi svo eitthvað sé nefnt.(ruv.is)

Forstjóri FME segir málin snúast um milljarða,milljarðatugi og allt að hundrað milljarða.Málin hafa verið sent sérstökum  saksóknara. Mönnum finnst ganga nokkuð seint hjá honum en viðurkenna verður að hér er um mjög tímafrek  mál að ræða. Þess verður þó að gæta að menn brenni ekki úti á tíma.

 

Björgvin Guðmundsson