60+ mótmælir niðurskurði á vasapeningum vistmanna á stofnunum aldraðra

Félags-og tryggingamálaráðherra hefur hoggið á ný í sama knérunn.Hann hefur ráðist á kjör vistmanna á stofnunum aldraðra og hyggst  lækka vasapeninga þeirra um helming skv. frv til fjárlaga.Þetta er svívirðilegt og auðmýkjandi fyrir eldri borgara á þessum heimilum.Landssamband eldri borgara og Félag eldri borgara í Rvk. hefur barist fyrir því að hætt verði að seilast ofan í vasa eldri borgara til þess að rífa af þeim lífeyri,sem þeir eiga rétt á og er þeirra.En þetta hefur tíðkast hér. Það hefur verið tekið af lífeyri eldri borga fyrir gjöldum vegna vistunar á stofnunum fyrir aldraða.Síðan hafa eldri borgarar fengið smá hungurlús til baka,sem kölluð  hefur verið vasapeningar. Þetta er niðurlægjandi kerfi og   tíðkast hvergi á hinum Norðurlöndunum. Stjórnvöld höfðu lofað að breyta þessu þannig að eldri borgar fengju sinn lífeyri og mundu síðan borga sjálfir af honum kostnað vegna vistunar.En ekki hefur verið staðið við þessa breytingu enn. 60+ samtök eldri borgara í Samfylkingunni hafa mótmælt harðlega við ráðherra að vasapeningar skuli hafa verið skertir og farið fram á að umrædd breyting verði framkvæmd þannig að eldri borgarar haldi sínum lífeyri og greiði af honum kostnað.Væntanlega verður orðið við því.

 

Björgvin Guðmundsson