Friðrik Már: Lán AGS þau hagstæðustu,sem eru í boði

Friðrik Már Baldursson, prófessor í hagfræði við Háskólann í Reykjavík segir mikilvægt að menn átti sig á því að jafnvel þótt Seðlabankinn beiti sér ekkert á gjaldeyrismarkaði til að hemja gengi krónunnar þurfi þjóðarbúið að verða sér út um stór erlend lán til að geta staðið við skuldbindingar sínar á næstu árum.

 Auk þess þurfi að endurfjármagna lánin. Hann segir lán frá Alþjóða gjaldeyrissjóðnum vera hagstæðustu fjármögnun sem íslenska ríkinu stendur til boða. Of dýrar lántökur ríkisins myndu bitna hart á fyrirtækjum í landinu og þá einkum og sérílagi orkufyrirtækjunum.

Nú sé brýnast að menn átti sig á því hvaða lán séu hagstæðust í þessum tilgangi. Litháen hafi til að mynda brugðið á það ráð að gefa út skuldabréf á alþjóðlegum markaði. Litháar þurfi að greiða hátt verð fyrir þá lántöku eða um 8% í vexti. Ef þessi leið yrði farin hér á landi þyrfti Ísland að greiða hærri vexti eða um 10%. Friðrik bendir á að vextir af lánum frá Alþjóðagjaldeyrissjóðnum séu mun lægri eða um 3%. Mögulegar lánalínur frá Norðurlöndunum kosti ekki neitt nema á þær yrði dregið. Þá segir óskynsamlegt fyrir íslenska þjóðarbúið að reyna þá leið sem farin var í Litháen.(ruv.is)

Það eru tvær hliðar á öllum málum.Almenningur er mjög andsnúinn AGS og vill slíta samstarfi  við sjóðinn. En Friðrik Már bendir á,að þá yrði Ísland að taka lán með óhagstæðari vöxtum.Rétt er að  skoða báðar hliðar málsins.

 

Björgvin Guðmundsson