Markaðsmisnotkun Kaupþings til sérstaks saksóknara

Almenningur hefur furðu lostinn lesið fréttir um langt skeið  af markaðsmisnotkun stjórnenda Kaupþings. Bankinn hefur greinilega stuðlað að sýndarviðskiptum og  gert ráðstafanir til þess að hækka verð hlutabréfa í bankanum með hæpnum aðferðum.Völdum hluthöfum og viðskiptavinum hefur verið lánað stórfé,margir milljarðar og jafnvel hundruð milljarða til hlutabréfakaupa.Það er undarlegt að þetta skuli ekki hafa verið  fyrir löngu sent til sérstaks saksóknara. Seinagangurinn í kerfinu er svo mikill að það má búast við að málið liggi lengi hjá saksóknara.En það er ekki nóg að rannsaka meinta markaðsmisnotkun. Það þarf einnig að láta stjórnendur bankans endurgreiða  svimandi háar upphæðir,sem þessi aðilar hafa fengið í bónusa og kaupauka á  sama tíma og bankinn var rekinn svo illa,að hann stefndi í gjaldþrot Almenningur er orðinn þreyttur á seinagangi í rannsókn bankahrunsins.

 

Björgvin Guðmundsson

Meint allsherjarmisnotkun Kaupþings til saksóknara