Það er næg orka til

Nokkrar umræður hafa átt sér stað að undanförnu um það hvort næg orka sé til fyrir ný álver.Hefur því verið slegið fram,að bygging nýrra álvera mundi stranda á því að það vantaði  orku .En hverjar eru staðreyndir málsins? Þær eru þessar:Álver í Helguvík þarf 625 megavött þegar það verður komið í fullan rekstur og fulla stærð.En samtals er um að ræða  1415 megavött,sem stendur til að virkja eða er þegar búið að virkja,þar á meðal  eru 80 megavött af óseldri orku Landsvirkjunar.Það virðist því vera til næg orka fyrir álver í Helguvík og það sem er í gangi nú og þarf orku. Mér sýnist því að í frammi sé hafður hræðsluáróður um orkumagn og orkuþörf.

Græna netið leitar að raforku fyrir 360 þúsund tonna álver á Suðurnesjum – fundur á Sólon  laugardaginn 24. október kl. 11.00.

Þeir Sigmundur Einarsson jarðfræðingur, Dofri Hermannsson varaborgarfulltrúi og Ágúst Hafberg upplýsingafulltrúi Norðuráls eru málshefjendur á fundi Græna netsins á laugardag um orkumál, þar sem leitað verður svara við áleitnum spurningum um orku fyrir áformuð álver á Suðvesturhorninu og fyrir norðan. Fundurinn er haldinn á Sólon við Bankastræti í Reykjavík og hefst kl. 11 árdegis. Fundarstjóri verður Sigrún Pálsdóttir.

 Þeir Sigmundur og Dofri eru meðal þeirra sem hafa efast um orkuöflun til framkvæmdanna en Norðurál á hinn bóginn birt á heimasíðu sinni yfirlit um ýmsa orkukosti sem til greina komi. Svipaðar spurningar eru uppi um áformaðar álversframkvæmdir við Húsavík.

Áformað Helguvíkurálver er daglega í fréttum vegna þessara orkumála, suðvesturlínu og úrskurðar umhverfisráðherra, stöðugleikasamningsins, fjáröflunarvanda og atvinnustefnu.

 

Björgvin Guðmundsson