Það þarf að hraða byggingu álvers í Helguvík

Miklar deilur hafa sprottið upp um álver í Helguvík vegna ákvörðunar umhverfisráðherra um að ógilda mat skipulagsstofnunar á suðurlínu.Þessi ákvörðun ráðherra getur frestað byggingu álversins.Ég tel,að það sé alger nauðsyn að þetta álver rísi. Framkvæmdir eru komnar í gang og verða ekki stöðvaðar. Atvinnuleysi er meira á Suðurnesjum en nokkurs staðar annars staðar á landinu. Það er nægileg röksemd fyrir byggingu álversins.Það má hins vegar fremur setja spurningamerki við álver á Bakka,þar eð þar eru framkvæmdir ekki byrjaðar og undirbúningur skammt á veg kominn. En með 7-8% atvinnuleysi verður að gera allt sem mögulegt er til þess að auka atvinnu í landinu. Það er algert forgangsmál.Það þarf að hraða byggingu álvers í Helguvík.

 

Björgvin Guðmundsson