Ráðherrar á almennu farrými

Fjölmiðlar skýra frá í dag,að  forsætisráðherra  og fjármálaráðherra hafi verið á almennu farrými í flugvél til Stokkhólms  í stað þess að vera á Saga Class eins og venja hefur verið   þegar ráðherrar ferðast. Það er gott,að ráðherrar spari á þennan hátt. En ennþá meira má spara með breytingu á dagpeningareglum ráðherra og æðstu embættismanna.Það hefur tíðkast,að  ráðherrar þyrftu ekki að greiða hótelkostnað af dagpeningum sínum,heldur hefur hótelreikningur verið sendur heim og greiddur af ríkinu.Af þessum sökum hafa dagpeningar ráðherra og æðstu embættismanna verið alltof ríflegir. Þessu þarf að breyta. Ráðherrar og aðrir "toppar" eiga auðvitað að greiða hótelkostnað af dagpeningum sínum eins og aðrir opinberir starfsmenn. Það mundi spara mikið að breyta í þá átt.

 

Björgvin Guðmundsson