Kjarasamningar voru framlengdir

Á fundi stjórnar Samtaka atvinnulífsins í gærkvöldi var ákveðið að kjarasamningar á almennum vinnumarkaði skyldu framlengdir til nóvemberloka 2010. Í tilkynningu frá samtökunum segir hinsvegar að þau geti ekki fallist á ákveðin atriði í fyrirliggjandi drögum að yfirlýsingu forsætis- og fjármálaráðherra, fyrir hönd ríkisstjórnarinnar, um framgang stöðugleikasáttmálans.

Ágreiningur er í skattamálum og hefur verið óskað eftir áframhaldandi viðræðum við ríkisstjórnina um þau. Samtök atvinnulífsins leggja áherslu á að þær viðræður hefjist sem allra fyrst.

Samninganefnd ASÍ fagnar því að tekist hefur að verja kjarasamninginn og þar á bæ segjast menn treysta því að ásættanleg niðurstaða náist um framhald stöðugleikasáttmálans.(visir.is)

Það er fagnaðarefni,að kjarasamningar skuli hafa verið framlengdir.Við þurfum ekki á því að halda nú að fá harða kjaradeilu.Kröfur SA um,að ríkisstjórnin falli frá orkusköttum eru hins vegar óeðlilegar.Aðilar vinnumarkaðarins fengu því framgengt sl. vor ,að skattar væru ekki meiri en ákveðið hlutfall heildarfjárþarfar.En það er ekki þar með sagt,að SA geti ráðið því hvernig skattar eru innheimtir og  frá hverjum. Það  er hlutverk stjórnmálamanna að ákveða það. SA er komið út fyrir sitt svið þegar það vill ráða því hvernig skattar eru lagðir á einstaklinga og atvinnulíf.