Verðvísitala sjávarafurða hefur hækkað um 17,2% frá sept.2008

Vísitala framleiðsluverðs í september 2009 var 186,5 stig (4. fjórðungur 2005 = 100) og hækkaði um 2,7% frá ágúst 2009. Vísitala framleiðsluverðs fyrir sjávarafurðir var 220,1 stig, sem er lækkun um 2,0% (vísitöluáhrif -0,7%) frá fyrri mánuði og vísitala fyrir stóriðju var 214,7 stig, hækkaði um 12,1% (4,1%). Vísitalan fyrir matvæli hækkaði um 0,2% frá ágúst og vísitala fyrir annan iðnað lækkaði um 4,1% (-0,8%).

Vísitala framleiðsluverðs fyrir vörur sem framleiddar voru og seldar innanlands lækkaði um 0,7% (-0,2%) milli mánaða en vísitala fyrir útfluttar afurðir hækkaði um 4,1% (2,9%).

Frá september 2008 hefur vísitala framleiðsluverðs hækkað um 12,4% og verðvísitala sjávarafurða um 17,2%. Á sama tíma hefur verð á afurðum stóriðju lækkað um 1,2% en matvælaverð hefur hækkað um 13,4%. (Hagstofan)

Það kemur ekki á óvart,að verð sjávarafurða skuli hafa hækkað mest undanfarandi ár. Vísitala framleiðsluverðs hefur hækkað um 12,4% frá sept. í  fyrra en  verð á afurðum stóriðju hefur lækkað um 1,2%.

 

Björgvin Guðmundsson