Öryrkjar mótmæla kjaraskerðingu.Ríkisstjórnin verður að leiðrétta kjör lífeyrisþega

Öryrkjabandalagið birtir heilsíðuauglýsingu í blöðum í dag,þar sem kynnt er ályktun samtakanna um kjaramál frá aðalfundi þeirra 24.þ.m .Þar segir svo m.a:

Alvarlegt ástand í efnahagsmálum þjóðarinnar hefur lagst mjög þungt á öryrkja.Þeir hafa orðið að Þola skerðingar framfærslífeyrisumfram aðra þegna þessa lands.Um áramótin síðustu voru bætur almannatrygginga skertar um allt að 10% og 1.júlí  sl. voru greiðslur til fjölmargra skertar enn frekar með nær engum fyrirvara.Þar að auki var þátttaka ríkisins í  kostnaði við sjúkra-iðju og talþjálfun skert til muna 1,oktober. Öryrkjar nutu ekki góðærisins og eiga því sérstaklega  erfitt með að takast á við kreppu og kjaraskerðingar. Aðalfundur ÖBI skorar á ríkisstjórn VG og Samfylkingar að bæta öryrkjum þær  skerðingar,sem þeir hafa orðið fyrir,sem fyrst.

Þetta á nær allt við aldraða einnig. Ríkisstjórnin hefur ráðist á kjör þessara tveggja hópa,hún hefur ráðist á garðinn,þar sem hann er lægstur. Það er ekki í samræmi við kosningafyrirheit. Ríkisstjórnin verður að leiðrétta kjör lífeyrisþega strax.

 

Björgvin Guðmundsson