Viðskiptaráðherra: Stærsta einstaka áfallið

Rætt var á alþingi í morgun um tap Seðlabankans vegna lána til viðskiptabankanna í aðdraganda bankahrunsins. En ríkisendurskoðun segir,að  þetta tap Seðlabankans skýri að stórum hluta hallann á rekstri ríikissjóðs á sl. ári. En ríkissjóður þurfti að  leggja Seðlabankanum til 270 milljarða af þessum sökum vegna tapaðra veðlána Seðlabankans til viðskiptabankanna.Telur ríkisendurskoðun að unnt hefði verið að draga úr tjóni ríkissjóðs og Seðlabankans með því að herða fyrr kröfur um veð.Björn Valur Gíslason þingmaður VG gagnrýndi lánveitingar Seðlabankans til viðskiptabankanna og varpaði fram þeirri spurningu hvort ekki þyrfti að rannsaka þessar lánveitingar Seðlabankans. Viðskiptaráðherra taldi ekki tímabært að taka ákvörðun um slíka rannsókn. Fyrst væri rétt að sjá skýslu rannsóknarnefndar alþingis. En ráðherra sagði,að tap Seðlabankans og ríkissjóðs vegna lánveitinga Seðlabankans  til viðskiptabankanna  væri stærsta einstaka áfall þjóðarbúsins í tengslum við bankahrunið.Það er stærra en höfuðstóll Icesave.

 

Björgvin Guðmundsson