Hræsni og lýðskrum Sjálfstæðisflokksins

Þingmenn Sjálfstæðisflokksins hafa lagst algerlega gegn frumvarpi ríkisstjórnarinnar um Icesave og þeir hafa einnig lagst gegn tillögum um, skattahækkanir vegna mikils halla á ríkissjóði.Afstaða Sjálfstæðisflokksins í Icesave málinu er undarleg þegar haft er í huga að það var Geir H. Haarde sem lýsti því yfir 8.oktober í fyrra að Ísland ætlaði að greiða Icesave. Þá var hann forsætisráðherra  og formaður Sjálfstæðisflokksins.Nokkru síðar gerði Árni Mathíesen þá fjármálaráðherra samkomulag við  fjármálaráðherra Hollands um greiðslu á Icesave skuldinni í Hollandi. Í nóvember 2008 sagði Bjarni Benediktsson nú formaður Sjálfstæðisflokksins,að Ísland yrði að greiða Icesave. Það er því ljóst,að Sjálfstæðisflokkurinn hefði beitt sér fyrir greiðslu Icesave ef flokkurinn hefði verið í ríkisstjórn. Það er því ekkert annað en lýðskrum  þegar flokkurinn í dag þykist vera á móti því að greiða Icesave skuldbindingarnar.

Hið sama  má raunar segja um afstöðu Sjálfstæðisflokksins til skattahækkana.Ríkisstjórn Geirs H. Haarde fékk það samþyjkt hjá AGS að fresta ráðstöfunum til þess að  draga úr halla  í ríkisútgjöldum.Því var frestað í  eitt  ár. En það lá fyrir þegar fyrir sl. áramót að það yrði að hækka skatta nú ef jafna ætti ríkissjóðshallann eða  draga úr honum.Sjálfstæðisflokkurinn hefði staðið að skattahækkunum nú,ef flokkurinn hefði verið í stjórn en   þegar flokkurinn þykist nú vera á móti skattahækkunum er það ekkert annað en lýðskrum og hræsni.

 

Björgvin Guðmundsson