Steingrímur stendur sig vel

Steingrímur J. Sigfússon fjármálaráðherra var gestur Sigurjóns Egilssonar í þættinum á Sprengisandi á Bylgjunni í morgun.Sigurjón þjarmaði að Steingrími og fór vítt yfir sviðið. En Steingrímur svaraði öllu mjög vel og Sigurjón komst ekkert með hann . M.a. gagnrýndi  Sigurjón ,að leggja ætti mikla skatta á þjóðina. En Steingrímur sagði,að ekki væri um annað að ræða vegna mikils fjárlagahalla sem væri tilkominn vegna þess að fyrri ríkisstjórnir hefðu sett þjóðfélagið  á hliðina.Ekki kæmi til greina að seilast i lífeyrissjóðina vegna þessa. Það væri eins og að taka lán hjá lífeyrissjóðunum.Þetta er rétt hjá Steingrími. Núverandi kynslóð verður að greiða upp fjárlagahallan en ekki gengur að velta honum yfir á framtíðina.

Mér finnst Steingrímur J. hafa staðið sig mjög vel í þeirri orrahríð,sem geisað  hefur á alþingi undanfarið.Hann hefur staðið sig vel sem fjármálaráðherra að leysa skattamálin og fjármál ríkisins. Hann hefur einnig staðið sig vel í Icesave málinu en öll þessi mál hafa hvílt mest á honum. Steingrímur J. hefur alveg hreinan skjöld í bankahruninu. Hann var andvígur einkavæðingu bankanna og var utan stjórnar þegar  áráðsían var ákveðin.

 

Björgvin Guðmundsson