Íraksstríðið 5 ára

 

Í dag  eru liðin fimm ár síðan herför undir forustu Bandaríkjamanna til Íraks var hafin. Friðarsinnar ætla að efna til fjölda samkoma víða í heiminum af þessu tilefni, og George W. Bush Bandaríkjaforseti mun flytja ávarp í varnarmálaráðuneytinu í tilefni dagsins.

 Þessi styrjöld er brot á alþjóðalögum.Hún var ekki samþykkt af Öryggisráði Sþ. Og ráðist var í hana á fölskum firsendum. Sagt var,að Saddam Hussein hefði yfir gereyðingarvopnum  að ráða og því yrði að ráðast inn í landið og uppræta þau. En það var fyrirsláttur. Það voru engin gereyðingarvopn í Írak. Þá var röksemdum breytt og sagt,að það hefði þurft að koma Hussein frá völdum.En ríki heims geta ekki gert innrás í önnur ríki vegna þess að þeim líkar ekki við stjórnandann.

Íslenskir ráðamenn gleyptu röksemdir Bandaríkjamanna hráar. Þeir Davíð og Halldór ákváðu upp á sitt eindæmi að láta  Ísland lýsa yfir stuðningi við innrásina í Írak. Þeir báru málið ekki undir utanríkismálanefnd

 alþingis né ríkisstjórn. Með því brutu þeir reglur og lög.Þeir voru ekki  látnir sæta ábyrgð af þessu athæfi sínu en hrökkluðust báðir frá völdum.

Björgvin Guðmundsson

Fimm ár frá byrjun stríðsins

Ríkisstjórn og Seðlbanki geta ekki setið með hendur í skauti

Geir H. Haarde, forsætisráðherra, sagði eftir ríkisstjórnarfund, að ástæður gengisfalls krónunnar það sem af er vikunni megi rekja til vandræða sem bandaríski fjárfestingarbankinn Bear Stearns lenti í um helgina. Ríkisstjórnin áformi ekki að grípa til sérstakra aðgerða nú.  

Geir tók fram, að menn hefðu lengi talið að gengi krónunnar væri of hátt og búast mætti við lækkun. Lækkunin nú væri hins vegar nokkuð snörp og það ætti eftir að koma í ljós hvort um væri að ræða svonefnt yfirskot.

Þegar Geir var spurður, hvort hann teldi, að Seðlabankinn ætti að grípa til aðgerða vegna gengisþróunarinnar vildi hann ekki tjá sig um það.  

Ég tel ,að ríkisstjórn og Seðlabanki eigi að grípa til aðgerða til þess að draga úr lækkun gengis krónunnar.Það hafa seðlabankar erlendis gert.

 

Björgvin Guðmundsson

 

Engar aðgerðir fyrirhugaðar vegna gengisfalls krónu

Kísilvinnsla i Þorlákshöfn

Við höfum gengið frá viljayfirlýsingu um að taka upp viðræður við aðila sem ætlar að vera með framleiðslu í Þorlákshöfn,“ segir Hjörleifur Kvaran, forstjóri Orkuveitu Reykjavíkur (OR), um mögulega orkusölu fyrirtækisins til kísilvinnsluverksmiðju sem fyrirhugað er að rísi um fjóra kílómetra vestur af Þorlákshöfn. Ef af framkvæmdinni verður skapast allt að 350 störf.

Samkvæmt heimildum  er um að ræða bandarískt fyrirtæki og hafa viðræður við það staðið yfir frá því á síðasta ári. Viljayfirlýsingin var samþykkt á stjórnarfundi OR síðastliðinn fimmtudag en hún snýr að sölu á 90 til 100 MW (megavött) af orku til verksmiðjunnar. Til samanburðar má nefna að orkuþörf álvers Alcan í Straumsvík er um 300 MW. Í yfirlýsingu OR er auk þess gert ráð fyrir að fyrirtækið geti útvegað 85 MW í viðbót til starfseminnar síðar.

Hjörleifur segir framleiðsluna vera mjög vistvæna og þurfi ekki útblásturskvóta.

Þetta eru ánægjulegar fréttir. Það er áríðandi að greiða fyrir vistvænni starfsemi,sem ekki þarf útblásturskvóta. Sennilega er næg eftirspurn eftir slíkri starfsemi hér á landi.

 

Björgvin Guðmundsson

Ný kísilvinnsla í Þorlákshöfn

Samkomulagið við LEB drýgra en yfirlýsingin 5.des.!

Árið 2006 náðist samkomulag milli Landssambands eldri borgara ( LEB) og þáverandi ríkisstjórnar  um kjaramál aldraðra og  vistunarmál þeirra. Það mátti að vísu ekki kalla þetta samkomulag,heldur var það  kallað yfirlýsing. Þar var gert ráð fyrir nokkurri hækkun á lífeyri aldraðra, minni skerðingum og  aðgerðum í hjúkrunar-ig vistunarmálum aldraðra. Mér þótti samkomulag þetta eða yfirlýsing slakt nema í hjúkrunar-og vistunarmálum aldraðra. Sá kafli var góður. En eftir að yfirlýsing núverandi ríkisstjórnar var birt 5.desember sl.,sem nú hefur verið lögfest, virðist samkomulagið frá 2006 vera  dágott eða a.m.k mun drýgra en yfirlýsingin  frá desember 2007. Ástæðan er sú,að það er ekki gert ráð fyrir neinni hækkun lífeyris til aldraðra frá almannatryggingum í yfirlýsingunni 2007 en  það voru slíkar kjarabætur í yfirlýsingunni frá 2006 þó þær væru ekki mjög miklar.Aldrei  hefði hvarflað að mér,að útkoman yrði verri fyrir aldraða, ef Samfylkingin kæmi í ríkisstjórnina í stað Framsóknar en enn sem komið er virðist það svo.

Björgvin Guðmundsson

24 stundir gott blað

24 stundir  hefur bætt sig verulega sem dagblað og er nú orðið hið besta blað. Hvað eftir annað hefur blaðið verið fyrst með mikilvæg mál á forsíðu,ritstjórinn,Ólafur Þ.Stephensen, skrifar skynsamlega leiðara,sem einkennast af frjálslyndi.Efnistök almennt eru góð. Blaðið er fjölbreytt.Blaðið  þorir að taka á  mikilvægum málum og gagnrýnir ríkisstjórnina,ef því finnst ástæða til.

 

Björgvin Guðmundsson

Ríkisstjórnin grípur ekki i inn í vegna falls krónunnar

Björgvin G. Sigurðarson viðskiptaráðherra segir fall krónunnar gríðarlegt áhyggjuefni. „Þessi þróun ýtir undir þá umræðu sem verið hefur í gangi um framtíðarskipulag peningamála hér á landi. Ég sé ekki fyrir mér að ríkisstjórnin grípi inn í málin á neinn hátt strax. Seðlabankinn hefur lögbundnu hlutverki að gegna í þessum málum og hann mun væntanlega grípa til þeirra aðgerða sem hann telur að gagnist í því skyni að koma á stöðugleika.“

Björgvin segir að til umræðu sé innan ríkisstjórnarinnar að fara í aðgerðir til að draga úr högginu sem fall krónunnar og aukin verðbólga eru fyrir neytendur. „Það verður hiklaust gert þar sem það á við. Til að mynda eru þegar farnar af stað viðræður í landbúnaðarráðuneytinu við búvöruframleiðendur vegna hækkunar á áburðarverði. Það verður farið yfir þessi mál.“

Þess er að vænta,að ríkisstjórnin geri ráðstafanir til þess að draga úr verðhækkunum vegna gengislækkunar krónunnar,t.d. með því að koma í veg fyrir búvöruhækkanir. Einnig gæti ríkisstjórnin lækkað skatt á bensíni svo það  lækki í verði. Það væri full þörf á því.

Björgvin Guðmundsson

Ríkisstjórnin grípur ekki inn í

Ingibjörg Sólrún í Afganistan: Stolt af Íslendingunum

Í samtölum mínum við fulltrúa þeirra mannúðar- og félagasamtaka sem hér eru að störfum kom fram að þeir teldu sig ekki geta starfað í Afganistan ef hér væru ekki alþjóðlegar öryggissveitir,“ segir Ingibjörg Sólrún Gísladóttir utanríkisráðherra en opinber heimsókn hennar til Afganistans hófst í gær.

Henni  finnst aðdáunarverðast að hitta allt það hæfa fólk sem vinni fyrir hin margvíslegu félagasamtök, mannúðarsamtök og ríkisstjórnir, af fúsum og frjálsum vilja af því það hafi svo mikla löngun til þess að sjá breytingar, þ.a. að hlutirnir geti færst til betri vegar í Afganistan.

„Þetta er gríðarlega öflugt, hæft og vel menntað fólk sem ég hitti hér í kvöld. Við getum verið mjög stolt af Íslendingum sem starfa hérna. Ég er mjög stolt yfir því hvað Íslendingar sem  hér starfa vinna gott starf

Ég hefi sagt það áður,að ég tel,að Ísland ætti að draga lið sitt brott frá Afganistan og senda það annað En víssulega er ánægjulegt að heyra,að Íslendingarniur,sem þar eru séu að standa sig vel.

Björgvin Guðmundsson

„Getum verið stolt af Íslendingunum“

Vextir Seðlabankans verða sennilega óbreyttir

Davíð Oddsson, seðlabankastjóri, sagði í fréttum Útvarps, að miklir óvissutímar væru framundan og afar þýðingarmikið sé við þessar aðstæður að menn fari varlega. 

Seðlabankinn hafði spáð lækkandi gengi krónunnar á árinu, en þó mun minna og hægar en raunin hefur orðið. Davíð sagði ekki gott að segja fyrir um hvort gengið lækki enn meira.

Þá er talið líklegt, að gengisfallið nú hafi áhrif á næstu vaxtaákvörðun Seðlabankans vegna þess að verðbólgumarkmið bankans er enn fjær en áður og verð innfluttra vara hækkar með lækkandi gengi krónunnar.  

Trúlegt er,að eitthvað af lækkun krónunnar gangi til baka en þó er það ekki víst.Sú gengislækkun sem orðið hefur er ekki meiri en spáð  hafði verið að yrði á  árinu en hún hefur gerst hraðar en búist var við.Nauðsynlegt er,að fólkl fari að taka tillit til breyttra aðstæðna en haldi ekki áfram eins og ekkert hafi í skorist.

Björgvin Guðmundsson

 

Miklir óvissutímar framundan

"Íslenska krónan einungis brúkleg í matador"

Peningamálastefna stjórnvalda hefur beðið afhroð og kjaraskerðing er orðin staðreynd hjá almenningi að mati framkvæmdastjóra Starfsgreinasambandsins. Þá segir hann íslensku krónuna einungis brúklega í Matador.

 

Skúli Thoroddsen, framkvæmdastjóri Starfsgreinasambandsins, gerir hræringar í efnahagslífinu að umtalsefni í pistil á heimasíðu sambandsins. Þar segir hann að það sé gömul saga og ný að beita gengisfellingum til að hirða aftur umsamdar kauphækkanir. Það kunni að vera meginástæða þess að stjórnvöld haldi í krónuna, að velta efnahagsvandanum yfir á launafólk með kjaraskerðingum í formi gengisfelling. Sú sé raunin nú því gengið sé látið falla.

Þetta eru þung orð  hjá framkvæmdastjóra Starfsgreinasambandsins. Hann telur,að nýsamþykkt kjarabót  hverfi vegna kjaraskerðingar af völdum gengisfellingqar.

Björgvin Guðmundsson

 

Kína kúgar Tíbet

Þingflokkur Vinstrihreyfingarinnar – græns framboðs hefur óskað eftir því að utanríkismálanefnd Alþingis komi saman hið fyrsta til að ræða þá alvarlegu stöðu sem nú er uppi í Tíbet, að því er segir í tilkynningu.

Áríðandi er,að sem flestar þjóðir fordæmi athæfi Kínverja í Tíbet.Kínverjar eru að reyna að uppræta Tíbeta sem þjóð. Þeir hafa flutt til Tíbet mikinn fjölda Kínverja.Þeir hafa beitt miklum yfirgangi gegn Tíbet og  miskunnarlaust kúgað þá. Alþjóðasamfélagið hefur lokað augunum fyrir þessu. Nú þegar 50 ár eru  liðin frá því að Kínverjar hernámu Tíbet og sviptu landsmenn sjálfstæði hafa orðið mikil mótmæli í landinu gegn Kínverjum.Það hefur komið til blóðugra átaka og hafa Kínverjar drepið allmarga Tíbeta.

Sameinuðu þjóðirnar þurfa að taka þetta mál fyrir og stuðla að því að  Tíbet fái sjálfstæði á ný.

Björgvin Guðmundsson

Óska eftir fundi í utanríkismálanefnd vegna Tíbet