Mikill áhugi á teiknisamkeppni fyrir börn

Úrslit liggja fyrir í teiknisamkeppni Alþjóðalega skólamjólkurdagsins. Mjólkursamsalan stendur fyrir keppninni en þátttakendur eru nemendur í 4. bekk í grunnskólum landsins. Mikill fjöldi teikninga barst í keppnina en tíu nemendur fengu viðurkenningu fyrir teikningar sínar. Alþjóðlegi skólamjólkurdagurinn er haldinn hátíðlegur síðasta miðvikudag í september ár hvert að undirlagi Matvælastofnunar Sameinuðu þjóðanna, FAO, samkvæmt tilkynningu.

Þorgerður Katrín Gunnarsdóttir, menntamálaráðherra er formaður dómnefndar teiknisamkeppni Alþjóðlega skólamjólkurdagsins. Hún tilkynnti fyrir skömmu hvaða tíu teiknarar hlutu verðlaun í samkeppninni. Verðlaun er veitt fyrir þær tíu myndir sem þóttu skara fram úr. Hver verðlaunahafanna fékk 25 þúsund krónur, sem renna í bekkjarsjóð vinningshafana.

Vinningshafarnir eru:Arngrímur Guðmundsson,Hlíðaskóla Bjarney Björt Björnsdóttir, Fellaskóla á Fljótdalshéraði; Þuríður Nótt Björgvinsdóttir, Fellaskóla á Fljótdalshéraði; Álfey Sól Haraldsdóttir, Hvaleyrarskóla; Eyjalín Harpa Eyjólfsdóttir, Grunnskóla Hornafjarðar; Andrea Thorsteinsson, Flúðaskóla; Camilla Rós Þrastardóttir Grunnskóla Stykkishólms; Hróbjartur Höskuldsson, Hvassaleitisskóla; Kjartan Tryggvason, Hvassaleitisskóla;  og Anna Jónína Guðmundsdóttir. Grunnskóla Önundarfjarðar.

Það er ánægjulegt hvað mikill áhugi er meðal íslenskra skólabarna á teikningu. Margir  efnilegir teiknarar tóku þátt í samkeppninni. Ef  til vill eru þar á meðal myndlistarmenn framtíðarinnar.

 

Björgvin Guðmundsson

 

 

Til baka

Tíu börn fengu viðurkenningar fyrir teikningar

Koma þarf í veg fyrir einkavæðingu heilbrigðiskerfisins

„Það er ekkert að óttast,“ sagði Ásta R. Jóhannesdóttir, þingmaður Samfylkingarinnar, í utandagskrárumræðum um heilbrigðiskerfið á Alþingi í gær en þingmenn stjórnarandstöðunnar höfðu áhyggjur af fyrirhuguðum breytingum á heilbrigðisþjónustu. „Íslenskt heilbrigðiskerfi er í hættu,“ sagði Álfheiður Ingadóttir, þingmaður VG, og Siv Friðleifsdóttir, þingmaður Framsóknar, sagði sporin hræða í þessum efnum. Ásta blés á þessar áhyggjur og sagði fyrirmyndina að þeim breytingum sem fyrirhugaðar eru vera sótta til Norðurlandanna. „Ef ætlunin hefði verið að einkavæða hefði þá ekki verið leitað eitthvað annað?“ spurði Ásta og áréttaði að nýtt greiðslukerfi í heilbrigðisþjónustunni ætti að auka jöfnuð og réttlæti.

Kristinn H. Gunnarsson, málshefjandi og þingmaður Frjálslynda flokksins, sagði ljóst að víða í samfélaginu væri ótti við áformaðar breytingar og að hann ætti kannski rót sína í landsfundarsamþykktum Sjálfstæðisflokks. Hins vegar væri ljóst að ekki væri búandi við óbreytt ástand en að miklu máli skipti hvernig breytingarnar eru gerðar.

Guðlaugur Þ. Þórðarson heilbrigðisráðherra tók undir það og áréttaði að með breytingunum ætti að tryggja fólki gott aðgengi að heilbrigðisþjónustunni, óháð búsetu. Ekki hafi verið rætt um aðrar leiðir við fjármögnun en þá sem nú er, að hið opinbera greiði sinn hlut með almennum sköttum. Hvað þjónustugjöld varðaði standi til að gera kerfið skilvirkara og réttlátara.

 Ég er í hópi þeirra sem er uggandi um þróun heilbrigðskerfisins., Það er ills viti,að mjög góður stjórnandi hafi veriið flæmdur úr forstjórastóli Landspítalans. Nefnd Vilhjálms Egilssonar hefur hreyft þeirri hugmynd að gera spítalann að hlutafékagi. Slík breyting er alltaf undanfari  einkavæðingar. Það er því  full ástæða til   þess að vera vel á verði og koma  í veg fyrir einkavæðingu heilbrigðiskerfisins.,

 

Björgvin Guðmundsson

 

Heilbrigðiskerfi í hættu?

Pakkinn fyrir eldri borgara 2006 stærri en nú

Jóhanna  Sigurðardóttir ráðherra segr,að aldrei hafi verið gert jafnmikið fyrir eldri borgara á jafn skömmu tíma og  í tíð núverandi stjórnar. Þetta er ekki rétt.Það,sem hefur  fyrst og fremst verið gert og tekið gildi er tvennt: Afnám skerðingar á tryggingabótum aldraðra og öryrkja  vegna tekna maka.Og ákvörðun sumarþingsins 2007 um að hætta skerðingu  tryggingabóta vegna  atvinnutekna 70 ára og eldri.Annað sem skiptir verulegu mali hefur ekki tekið gildi. Þessi " pakki" fyrir eldri borgara er ekki stærri en "pakkinn" sem fólst í samkomulagi eldri borgara við ríkisstjórnina 2006.Þá voru ákveðnar hækkanir á  lífeyri aldraðra umfram það  sem eingöngu leiddi af  gerð kjarasamninga.Nú hefur lífeyrir  aldraðra ekkert verið hækkaður umfram það,sem leiðir af nýjum kjarasamningum og 9100 kr. á mánuði vantar upp á,að hækkun lífeyris sé jöfn hækkun lágmarkslauna í feb. Í þessum samanburði þýðir ekki að telja upp hluti,sem ekki hafa tekið gildi,

Kostnaður við  afnám bótaskerðingar vegna tekna maka er áætlaður  1350 millj. kr. á þessu ári en  1800 millj. kr. á heilu ári.  Kostnaður   við að draga úr ofgreiðslum og vangreiðslum er áætaður  345 millj, kr í ár og 460 millj. kr á heilu ári. Kostnaður við að  auka vasapeninga vistmanna á hjúkrunarheimilum er  35 millj., kr í ár en  5o millj,  á ´heilu ári. Alls er kostnaður  1,7 milljarðar í ár en  2,8 milljarðar á heilu ári, Ef við bætum við kostnaðinum við  100 þús. kr.  frítekjumark vegna atvinnutekna aldraðra og öryrkja,sem tekur gildi, 1.júli ( ásamt kostnaði af 25 þús. kr. lífeyri á mánuði fyrir þá,sem ekki eru í lífeyrissjóði)  þá hækkar kostnaður í ár í 2,7 milljarða og á heilu ári í 4,8 milljarða.Samt er pakkinn nú minni en pakkinn 2006  enn sem komið er.

 

Björgvin Guðmundsson

Alþingi gagnrýnir slæm kjör aldraðra

Miklar umræður urðu í dag á alþingi um bág kjör lífeyrisþega og það að eldri borgarar skyldu ekki fá sömu hækkun á lífeyru eins og launþegar fengu  á launum sínum í feb.sl. Þingmennirnir Kristinn Gunnarsson,Guðjón Arnar Kristjánsson og Birkir Jón Jónsson gagnrýndu harðlega að launþegar skyldu hlunnfarnir í kjölfar kjarasamninga. Vísuðu þeir í samkomulag við eldri borgara frá 2006 um viðmið. Jóhanna Sigurðardóttir félagsmálaráðherra sagði,að samkomulagið 2006 hefði ekki gilt á þessu ári.En þegar lífeyrisþegar,sem  ekki væru   í lífeyrissjóði hefðu fengið 25 þús. kr. viðbóarlífeyri þá yrðu þeiir komnir með meira en  145 þús. á mánuði,eða yfir 150  þús. Guðjón Arnar sagði,að vegna skerðinga og skatta yrðu ekki nema 8-10 þús. kr. eftir af 25 þús krónunum.

Ég tel furðulegt,ef ríkisstjórnin ætlar fyrst að skerða kjör lífeyrisþega um 9100 kr. á mánuði  í kjölfar kjarasamninga    og síðan að segja,að það verði bætt með  25 þús. ( 8-10 þús)  sem búið var að ákveða um kosningar að þeir sem væru ekki í lífeyriussjóði mundu fá. Umræddar   25 þús. kr. hafa ekkert með kjarasamningana í feb. að gera.

 

Björgvin Guðmundsson

 

 

Ólafur F.kominn í spillinguna!

Ólafur F. Magnússon borgarstjóri  hefur ráðið Jakob Frímann  Magnússon  í hátt launað starf á borgarskrifstofunum. Réði Ólafur Jakob Frímann án auglýsingar og á hærri launum en gengur og gerist í Ráðhúsinu.Mun Jabob Frímann hafa í kringum 900 þús. á mánuði þegar allt er talið.Hann heyrir beint undir borgarstjóra.Áður hafði  Ólafur borgarstjóri ráðið sér pólitískan aðstoðarmann.Er líkast  því  sem hann sé að ráða sér annan slíkan. Ólafur hefur verið gagnrýndur harðlega fyrir ráðninguna,þar eð staðan var ekki auglýst og ekki staðið rétt að málum. Þykir þetta lykta af spillingu hjá Ólafi.- Jakob Frímann á að sinna miðborgarmálum.

 

Björgvin Guðmundsson

Það þarf að byrja á Sundabraut

Full samstaða er um það í borgarstjórn að velja Sundagöng, þ.e. leið I, þegar valið um Sundabraut stendur á milli leiðar I og III. Vilhjálmur Þ. Vilhjálmsson formaður borgarráðs ítrekaði þetta á opnum fundi um Sundabraut í ráðhúsinu í gær og sagði leið I betri þótt hún væri dýrari en leið III sem Vegagerðin mælti með.

 „Þegar þessar tvær tillögur eru bornar saman hvað varðar þá framtíðarsýn sem við viljum sjá í umferðarmálum borgarinnar, þá finnst mér leið I bera af,“ sagði Vilhjálmur. „Hún er vissulega dýrari,“ bætti hann við. „Það er auðvitað það, sem ráðamenn eru að velta fyrir sér og það er skiljanlegt. Auðvitað munar um níu milljarða króna þegar horft er til þeirrar miklu upphæðar sem þetta kostar. Vegagerðin mælir með leið III og ég skil það ósköp vel. Vegagerðin horfir kannski þeim augum á framkvæmdina að leið III dugi og þess vegna mæla þeir með henni. En þarna erum við ekki sammála. Ég veit ekki af hverju við erum ekki sammála.“

Í máli Jónasar Snæbjörnssonar umdæmisstjóra Vegagerðarinnar kom fram að leið I, Sundagöng, kosti 32 milljarða en leið III 23 milljarða. Kostir leiðar I fram yfir leið III eru minni heildarumhverfisáhrif og betri landnýting. „Við vitum að jarðgangaleiðin er í meiri sátt við íbúasamtök og leiðir til minni umferðar á austurhluta Miklubrautar og mið- og norðurhluta Sæbrautar. Þá mun hún ekki trufla siglingaleiðir.“

Leið III mun leiða til minni umferðar á Ártúnsbrekku, Höfðabakka og Gullinbrú og þá hefur verið reiknað út að minni heildarakstur verður á gatnakerfi höfuðborgarsvæðisins. „Þar með auðvitað minni útblástur og slíkt. Á leið III er þá auðveldara að vera með göngu- og hjólaleiðir.“

Það er  orðið tímabært að taka akvörðun um Sundabraut og hefja framkvæmdir.Málið er búið að veltast í kerfinu  árum saman. Mér sýnist að  leið 1 sé best enda  þótt hún sé dýrarii,En aðalatriðið er  að taka ákvörðun og hefjast handa.

 

Björgvin Guðmundsson

 

Til baka

Borgarstjórn vill leið I þótt hún sé dýrari

Jóhanna vill hætta að skerða lífeyri almannatrygginga vegna tekna úr lífeyrissjóði

Jóhanna Sigurðardóttir,félags-og tryggingamálaráðherra flutti ræðu um lífeyrismál á alþjóðlegri ráðstefnu um þau mál í gær. Þar  sagði hún,að lífeyrissjóðir og almannatryggiingar þyrftu að spila saman . Óviðunandi væri að  þessir aðilar væru að skerða hvor hjá öðrum. Ekki ætti að skerða lífeyri TR vegna tekna úr ríkissjóði og heldur ekki að skerða greiðslur úr lífeyrissjóði vegna tekna   frá TR. Þetta er góð stefna hjá Jóhönnu og lofar góðu ef hún kemst í framkvæmd. Mér fannst að vísu,að Jóhanna legði jafnvel meiri áherslu á það í ræðu sinni,að lífeyrissjóðir mættu ekki skerða greiðslur  vegna tekna úr almannatryggingum. Þar mun Jóhanna hafa átt við nýlega dæmi um að lífeyrissjóðir skertu greiðslur til öryrkja vegna þess að þeir höfðu haft of miklar tekjur áður. Af þeim sökum þurfti TR síðan að auka greiðslur til öryrkjanna.

 

Björgvin Guðmundsson

Aldraðir: Stjórnarflokkarnir svara ekki!

Fyrir síðustu helgi sendu  Landsamband eldri borgara (LEB) FEB í Reykjavík og 60+ í Samfylkingunni  ásamt SES,Samtökum eldri sjálfstæðismanna erindi til þingflokka stjórnarflokkanna. Erindið var að fara fram á það,að lífeyrir aldraðra væri leiðréttur um 9.100 kr. á mánuði vegna nýgerðra kjarasamninga.Erindið  mun hafa verið tekið fyrir  í þingflokkunum á mánudag en ekkert svar hefur borist.Mér finnst erindi allra þessara mikilvægu aðila ekki hafa verið meðhöndlað af fullri alvöru í þingflokkum stjórnarflokkanna.Það er eins og það hafi aðeins verið lagt fram til kynningar en engin afstaða tekin til  hins mikilvæga erindis og ekkert svar gefið. Þetta er óviðunandi afgreiðsla.Hér voru ekki aðeins samtök eldri borgara að senda erindi,heldur einnig samherjar í báðum stjórnarflokkunum en það virðist engu breyta. Erindinu er samt stungið undir stól.

Framangreind samtök lögðu vinnu í málið. Þau komust að  þeirri niðurstöðu að launþegar hefðu fengið 16% hækun á lágmarkstekjutryggingu  í dagvinnu og hún verið hækkuð í 145 þús. kr. á mánuði en lífeyrisþegar hefðu aðeins fengið 7,4% hækkun  og lífeyrir þeirra hækkaður í 135.900 kr, á mánuði. Það vantar því 9100 kr. á mánuði upp á að lífeyrir sé sá sami og launin.

 

Björgvin Guðmundsson

 

 

 

 

Alþingi: Aldraðir fengu ekki sömu hækkun og launþegar

Alþingi ræddi í dag kjör aldraðra og öryrkja. Guðni Ágústsson,formaður Framsóknar,tók málið upp utan dagskrár og beindi fyrirspurn til forsætisráðherra. Guðni sagði,að  samkomulag sem gert var 2006  hafi verið svikið þegar ákveðin var 7,3% hækkun á lífeyri nú í kjölfar  kjarasamninga í stað þess að hækka bætur um 18000 kr, eins og þeir lægst launuðu meðal launþega fengu.Sagði Guðni að hafðar hefðu verið  9-10 þús. á mánuði af lífeyrisþegum með þessu háttalagi. Forsætisráðherra sagði,að ekkert hefði verið svikið. Samkomulagið 2006 hefði ekki haft neitt firdæmisgildi. Það  hefði aðeins gilt þá.Ellert B.Schram,Samfylkingu sagði,að margt gott hefði verið gert í málefnum aldraðra og öryrkja á fyrsta ári stjórnarinar en við afgreiðslu á lífeyri aldraðra í kjölfar nýrra kjarasamnina í febrúar hefði orðið gliðnun.Það vantaði rúmar 9 þús. kr. upp á að lífeyrisþegar fengju það sama og launþegar á mánuði. Þetta yrði að leiðrétta. Kvaðst hann vonast til þess að þetta  yrði leiðrétt þegar  nefnd félagsmálaráðherra skilaði áfangaáliti 1,júlí n.k.

Það er of seint að leiðrétta þetta 1.júlí. Það á að  leiðrétta þetta strax. Samfylkingin ætlaði að leiðrétta eldri gliðnun en ekki að búa til nýja gliðnun.Ef þessu er frestað til 1júli hverfur þessi  leiðrétting í pott með öðrum lagfæringum,sem þá eiga að taka gildi. Það gengur ekki að hafa ákveðna upphæð af eldri borgurum í dag og koma svo aðeins síðar og segja: Við ætlum að láta ykkur fá uppbót.

 

Björgvin Guðmundsson

Mannréttindanefnd Sþ verður svarað fyrir þinglok

Einar K Guðfinnsson,sjávarútvegsráðherra upplýsti á alþingi í dag,að Mannréttindanefnd Sþ. yrði svarað fyrir þinglok alþingis og mundi svarið væntalega verða rætt á þingi,Einar sagði,að svarið yrði líklega bæði fræðilegt og pólitískt.

Fróðlegt verður að sjá svar ráðherra. Ekkert hefur komið fram sem bendir til þess að ríkisstjórnin ætli að  sníða vankantana af kvótakerfinu svo Mannréttindanefnd Sþ. geti samþykkt að ekki verði um mannréttindabrot að ræða en nefndin telur,að svo sé í dag.Líklega verður svarið einhver moðsuða sem segir ekki eitt eða neitt.Ef ráðherra ætlar að leika slíkan leik fáum við málið í hausinn aftur frá nefndinni. Það verður að breyta kvótakerfinu,innkalla kvótana og úthluta þeim upp á nýtt eða afnema kerfið með öllu og láta bjóða allar veiðiheimildir upp.

 

Björgvin Guðmundsson