Geir Haarde fær efnahagsráðgjafa

Tryggvi Þór Herbertsson, hagfræðingur, hagfræðingur, hefur verið ráðinn tímabundið til forsætisráðuneytisins til að sinna ráðgjöf í efnahagsmálum, einkum á sviði peninga- og fjármálamarkaðar. Tryggvi hefur að undanförnu verið forstjóri fjármálafyrirtækisins Askar Capital en hefur fengið leyfi frá störfum í sex mánaði.(mbl.is)

Þetta er skynsamleg ráðstöfun  hjá Geir. Það er svo mikið í húfi í efnahagsmálum þjóðarinnar um þessar mundir,að nauðsynlegt er fyrir stjórnvöld að hafa aðgang að fyrsta flokks efnahagsráðgjöfum. Vissulega eru mjög færir sérfræðingar í efnahagsmálum,bæði í fjármálaráðuneytinu og Seðlabankanum en það er mikill fengur að því ei að  siður fyrir forsætisráðherrann að hafa  efnahagssérfræðing sér við hlið sem hann getiur ráðgast við daglega.

Björgvin Guðmundsson

 

Geir fær efnahagsráðgjafa

Ekki unnt að reisa tvö álver

Alcoa kynnir nú endurskoðuð drög að tillögu að matsáætlun vegna álvers á Bakka við Húsavík. Verða metin umhverfisáhrif álvers með framleiðslugetu frá 250.000 tonnum á ári upp í 346.000 tonn, sem er sama framleiðslugeta og í álveri Alcoa Fjarðaáls.

Samkvæmt upplýsingum frá Alcoa voru fyrstu drög að tillögu að matsáætlun vegna álvers á Bakka auglýst í júní síðastliðnum. Í þeim var miðað við að virkjanleg orka á svæðinu nægði fyrir 250.000 tonna álver. Fram hafi komið að áhugi sé á því innan Alcoa að nýta meiri orku, verði hún til staðar, og byggja svipað álver og Fjarðaál í Reyðarfirði.

Alcoa segir að hluti innsendra athugasemda við fyrri drögin, meðal annars frá sveitarfélögum í Þingeyjarsýslu, hafi lotið að framleiðslugetu álversins. Í ljósi þessa hafi verið ákveðið að hefja matsferlið á ný og meta umhverfisáhrif álvers með framleiðslugetu frá 250.000 tonnum á ári upp í 346.000 tonn. (mbl.is)

Það er óvíst,að unnt verði að reisa tvö ný áklver,þ.e. í Helguvík og við Bakka. Talið er,að vegna Kyotobókkunarinnar sé ekki rúm nema  fyrir 1 álver,.Búið er að tryggja orku fyrir álver í Helguvík en ekki er búið að fá næga  orku fyrir álver við Bakka.Ljóst  er,að annað álverið verður að biða,sennilega álverið við Bakka.

 

Björgvin Guðmundsson

 

Skoða stærra álver á Bakka en áður var áformað

Eru aldraðir og öryrkjar afgangshópar hjá ríkisstjórninni?

Meðan ríkisstjórnir Sjálfstæðisflokks og Framsóknar sátu við völd hér um 12 ára skeið  var tekið til þess hvað afstaða stjórnvalda var neikvæð  til aldraðra og öryrkja. Það þurfti  þá  að sækja sjálfsagðar og lögbundnar kjarabætur til dómstólanna.Þegar Samfylkingin kom í ríkisstjórn í stað Framsóknar var talið að afstaðan mundi breytast. Nú yrði afstaða stjórnvalda til  aldraðra og öryrkja jákvæð. En því miður. Afstaðan hefur ekki breytst  mikið. Afstaða stjórnvalda er enn neikvæð. Það er enn verið að láta einhverja mola falla til aldraðra og öryrkja og síðan hrópa stjórnvöld upp hvað þau séu góð við þessa þjóðfélagshópa.Mér finnst það jafnvel verra,að stjórnvöld skuli berja sér á brjóst og segja að þau geri vel við þessa þjóðfélagshópa þegar það er í skötulíki sem gert er og hvergi nærri það sem  lofað var fyrir kosningar.Það er komið í ljós,að  aldraðir og örykjar eru afgangshópar hjá þessari ríkisstjórn. Fyrst  er leyst úr öðrum málum og síðan að lokum og að síðustu kemur röðin  að öldruðum og öryrkjum,ef einhverjir fjármunir eru þá eftir.Þegar spurt er hvers vegna lífeyrir aldraðra hafi ekki verið hækkaður strax eftir kosningar er sagt: Þetta er nú bara fyrsta,ár kjörtímabilsins.Það er nú aldrei venja að gera mikið fyrsta árið!

Björgvin   Guðmundsson

 

 

 

 

j

Sjóminjasafnið varpar ljósi á atvinnusögu landsins

Í Fréttablaðinu  í dag er grein eftir Björgvin Guðmundsson um Sjóminjasafnið Víkina..Þar segir m.a.:

Ég  heimsótti Sjóminjasafnið Víkina fyrir skömmu eftir miklar endurbætur á safninu. Það er orðið mjög myndarlegt og safnstjóranum til sóma. Hrifnastur er ég af  því hvað þróun togaraútgerðar í landinu eru gerð góð skil en einnig er lýsing á saltfiskverkun mjög skemmtileg, einkum á Kirkjusandi.Á 1. hæð er móttökusalur og frá honum gengið niður á bryggju, sem er mjög  skemmtileg en þar er  sem uppskipun og útskipun sé í fullum gangi. Maður sér  þar ljóslifandi fyrir  sér  hafnarverkamenn að vinna við  skip. Ég hélt, að stytta af verkamanni á bryggjunni væri lifandi maður, svo vel var hún gerð. Þegar ég var í Menntaskólanum í Reykjavík vann ég stundum við uppskipun til þess að fá skotsilfur, en faðir minn vann árum saman á Eyrinni, við uppskipun og útskipun einkum hjá Alliance og  Kveldúlfi.Á annarri hæð er að mínu mati aðalhluti safnsins. Þar er rakin saga fiskveiða á Íslandi, saga áraskipa, skútualdar, vélbáta og togara. Þar er að finna mörg skemmtileg líkön af skipum,stórum og smáum og skemmtilega  gerð grein fyrir þeim og sögunni. Þróun togaraútgerðar á Íslandi. er skilmerkilega rakin.

 

 Bæjarútgerð Reykjavíkur skipar sérstakan sess á safninu sem von er en safnið er til húsa í fyrrum frystihúsi BÚR. Um langt skeið var Bæjarútgerðin burðarás í atvinnulífi bæjarins. Gaman er að sjá frásögn af því þegar fyrsti nýsköpunartogarinn kom til Reykjavíkur árið 1947 en komudagur togarans telst stofndagur Bæjaútgerðar Reykjavíkur. Bjarni Benediktsson átti sem borgarstjóri stærsta þáttinn í því að skipið var keypt til BÚR. Þeir náðu saman um málið Bjarni Benediktsson og Jón Axel Péturssin,bæjarfulltrúi Alþýðuflokksins.( Ólíkt hafast leiðtogar Sjálfstæðisflokksins að: Bjarni Benediktsson kom Bæjarútgerðinni á  fót en Davíð Oddsson kom henni fyrir kattarnef!) Á safninu er fallegt líkan af Ingólfi Arnarsyni en einnig af mörgum öðrum togurum. Því eru gerð góð skil á safninu  hve mikilvæg saltfiskframleiðslan var í landinu áður en frysting hófst. Bæjarútgerðin eignaðist frystihús 1959 en svo skemmtilega vill til, að það er einmitt húsið,sem Sjóminjasafmið er nú til húsa í á Grandagarði 8. Húsið var byggt fyrir Fiskiðjuver ríkisins en Jakob Sigurðsson kom því fyrirtæki á fót og rak um nokkurra ára skeið. Árið 1959 eignaðist BÚR húsið og rak þar frystihús um langt skeið. 

 1978    kom  ég að rekstri Bæjarútgerðar Reykjavíkur, sem  stjórnarformaður  en síðan sem framkvæmdastjóri 1982. Beitti ég mér fyrir smíði tveggja nýrra skuttogara fyrir BÚR, Jóns Baldsvinssonar og Otto N. Þorlákssonar. Reyndust þetta mjög fullkomin og góð fiskiskip. Saga BÚR og raunar atvinnusaga Reykjavíkur öll rifjast upp þegar ég geng um sjómijasafnið. Bæjarútgerðin var um skeið stærsta togaraútgerð landsins. Það er  hollt að sjá  á safninu umskiptin,sem orðið hafa í atvinnumálum landsins. Faðir minn réri á áraskipum frá Grindavík og móðir mín breiddi saltfisk á Kirkjusandi. Þetta rifjaðist upp þegar ég gekk um safnið.Stofnendur Sjóminjasafnsins voru Reykjavíkurborg og Reykjavíkurhöfn. Á fyrsta fundi stjórnar safnsins var Sigrún Magnúsdóttir, fyrrverandi borgarfulltrúi, ráðin forstöðumaður safnsins en hún hafði mjög beitt sér fyrir stofnun þess. .

Björgvin Guðmundsson

 

www.gudmundsson.net   

 

Í

Fátæku fólki fjölgar í heiminum

Þrátt fyrir hagvöxt liðinna ára, fjölgar fólki sem býr við örbirgð í 49 fátækustu löndum heims. Þetta kom fram á þingi um viðskipti og þróunarmál sem Sameinuðu þjóðirnar halda.

Hagvöxtur í löndunum hefur verið á bilinu 7 til 8% undanfarin ár, en það hefur ekki dregið úr fátækt. Þrír fjórðu íbúa fátækustu landanna eru enn með tvo dollara eða minna í tekjur á dag, sem er ekki talið nóg til lágmarksframfærslu. Þó fækkar þeim sem búa við algjöra fátækt, það er, hafa minni tekjur en einn bandaríkjadollar á dag. Árið 1994 bjuggu 44% íbúa landanna við algjöra fátækt en 36% árið 2005.

  Jafnframt var sagt á þinginu í dag að hækkanir á matvælum undanfarið setji þær litlu framfarir sem hafa orðið í löndunum undanf ár í hættu. (mbl.is)

Það er eitt brýnasta verkefni iðnríkjanna og vel efnaðra ríkja heims að hjálpa fátæku þjóðunum og útrýma fátækt í heiminum.Þó ríkar þjóðir verði alltaf ríkari og ríkari opg hagvöxtur aukist eykst fátækt i  heiminum.

 

 

 

 

Björgvn Guðmundsson

 

Ásmundur mótmælir kvótakerfinu í verki

Þyrla Landhelgisgæslunnar færði  Guðrúnu GK-313 til hafnar í Sandgerði en báturinn var staðinn að meintum ólöglegum veiðum um 20 sjómílur út frá Sandgerði.

Um er að ræða bát Ásmundar Jóhannssonar, sjómanns frá Sandgerði, en hann hefur undanfarnar vikur róið án þess að hafa veiðiheimildir og ekki farið leynt með það. Með þessu vill hann mótmæla kvótakerfinu og þeim mannréttindabrotum, sem hann telur felast í því.

Lögreglumenn tóku skýrslu af Ásmundi þegar hann kom til hafnar í kvöld. Fram kemur á fréttavef Víkurfrétta, að Ásmundur hafi verið með nokkur hundruð kíló af þorski og ufsa  og nokkra karfa, allt utan kvóta.( mbl.is)

Ásmundur segir,að kvótinn sé eign  þjóðarinnar og þess vegna eigi hann rétt á að veiða.Þeir,sem   séu

 

að selja kvóta séu að    höndla  með þýfi.Ásmundur er sönn  hetja.

 

Björgvin Guðmundsson

Bátur á ólöglegum veiðum

Bensínið lækkar um 5 kr.

Olíufélög hafa í morgun lækkað eldsneytisverð um 5 krónur hvern lítra. Hjá stóru olíufélögunum kostar lítri af bensíni nú 170,70 krónur og olíulítrinn 188,60 krónur. Í gær lækkuðu olíufélögin eldsneytisverð um 1,20 krónur lítrann.

Magnús Ásgeirsson, innkaupastjóri eldsneytis hjá N1, segir, aðspurður út í lækkunina, að um tilboð sé að ræða hjá fyrirtækinu sem gildir í dag og á morgun. Hjá N1 kostar lítrinn af 95 oktana bensíni 170,6 kr. í sjálfsafgreiðslu, en dísillinn kostar 188,6 kr. Aðspurður telur hann að samkeppnisaðilarnir hafi einnig lækkað verð hjá sér í dag til að bregðast við tilboði N1s.

„Þetta er ágætt fyrir helgarumferðina,“ segir Magnús í samtali við mbl.is.

Hann segir að krónan hafi haldist stöðug í dag og hvað framhaldið varði bíði menn nú eftir því að sjá hvað muni gerast í Bandaríkjunum þegar markaðirnir opna þar í dag. „Ég held að við séum í ágætum málum í augnablikinu, og allir geti verið sáttir. Mér sýnist það. Það sem ég myndi síst vilja sjá núna væri það að heimsmarkaðsverðið færi að rjúka upp aftur og krónan að veikjast,“ segir Magnús.

Í morgun lækkaði Orkan eldsneytisverðið á sínum stöðvum um 5 krónur. Nú kostar því bensín 168,8 kr á lítra og olía 186,4 kr á lítra á Orkustöðvum um allt land.

Hjá Atlantsolíu og ÓB kostar bensínlítrinn 168,9 kr. og dísilolían 186,5 kr.(mbl.is)

Merkilegt,að olíufélögin skyldu loksins   lækka  eldsneytisverðið eftir að verðið   hafði hrunið erlendis.Ég tel,að verðið hefði átt að lækka meira.

 

Björgvin Guðmundsson

Eldsneytisverð lækkar

Á að láta okkur borga fyrir að skoða náttúruna?

Alveg  gengur  fram af manni. Nú ætla einhverjir gróðapungar að fara að láta fólk borga fyrir að horfa á kerið?Eru engin takmörk fyrir því,sem þessir menn reyna að græða á? Ríkið hefur lagt göngustíga við kerið og     að sjálfsögðu vegi  en samt ætla einhverjir  einkaaðilar að fara að græða á kerinu.Þeir keyptu kerið fyrir nokkrum árum og nú er komið að því að þeir fari að braska með það og reyna að græða á því. Ríkið verður að koma í veg fyrir svona brall.

 

Björgvin Guðmundsson

Íslendingur syndir yfir Ermarsund

Fögnuður ríkti meðal sundfélaga Benedikts Hjartarsonar þegar í ljós 
kom að honum hefði tekist fyrstum Íslendinga  að synda yfir Ermarsundið. Félagarnir höfðu safnast saman yfir tölvunni í vesturbæ Kópavogs í gærkvöldi til að fylgjast með Benedikt síðustu kílómetrana. Benedikt hefur æft sund með Görpum í Breiðabliki til að ná góðri 
tækni í sjósundi.

Benedikt náði undir miðnættið því takmarki sínu að synda yfir Ermarsund. Benedikt tók land austan við Cap Gris-Nez Frakklandsmegin  klukkan 23:36 að íslenskum tíma og hafði þá synt 60 km vegalengd og verið á sundi í 16 klukkustundir og 1 mínútu. (mbl.is)

Þetta er mikið  afrek,sem Benedikt Hjartarson hefur hér unnið. Það er mikið erfiðara að synda yfir Ermarsund en að sunda sömu fjarlægð hér,t.d. frá Reykjavík upp á Akranes. Eyjólfur Jónsson sundkappi reyndi við Ermarsund. en  tókst  ekki þó hann væri búinn að synda sömu fjarlægð  hér víða,t.d. upp á Akranes.Eyjólfur þoldi ekki straumana og varð sjóveikur.Annar sundkappi hefur reynt við Ermarsu nd undanfarið en ekki tekist,þ.e.Benedikt Lafleur.

 

Björgvin Guðmundsson

 

 

Sundfélagar fagna Ermarsundshetju

Óvíst um samruna SPRON og Kaupþings

Hluthafar í SPRON eru samkvæmt heimildum margir hverjir óánægðir með það verð sem þeir fá fyrir bréf sín, verði samruni SPRON og Kaupþings banka að veruleika.

„Ég held að það sé almenn óánægja með þetta verð,“ segir Gunnar Þór Gíslason, hlutahafi og fyrrverandi stjórnarmaður í SPRON. Þá þyki ekki góður kostur að fá greitt að 60% hluta með bréfum í Exista. „En svo er spurning hvort óánægjan sé nægilega mikil til að hluthafar hafni samrunanum.“ Samruninn er háður samþykki hluthafundar sem halda á í ágúst.

 

Samkvæmt samrunaáætlun, sem stjórnir SPRON og Kaupþings hafa samþykkt, verða greiddar sem nemur 3,83 krónum fyrir hvern hlut í SPRON, sem er markaðsvirði 30. júní 2008 að viðbættu 15% álagi.

 

Hluthafi nokkur segist óánægður með að ekki hafi verið miðað við markaðsvirði bréfanna áður en upplýst var um samrunaviðræðurnar sem sagt var frá í lok apríl. Síðan hefur gengi bréfa í SPRON lækkað úr 5 í 3,1.

Hluthafarnir frá greitt að 60% hluta með bréfum í Exista og að 40% hluta með bréfum í Kaup(mþingi.

(mbl.is)Mikil óánægja er meðal hluthafa með verðið á hlutabréfunum og að hluthafar eigi að fá greitt að 60% hluta í  bréfum í Exista.Telja margir óvíst,að samruninn verði samþykktur.

 

Björgvin Guðmundsson

Hafna hluthafar SPRON samrunanum?