Miðvikudagur, 18. júní 2008

Krónan fellur og fellur

Gengi krónunnar lækkaði um 3,40% í dag. Lokagildi gengisvísitölunnar 164,70 stig og hefur gengi krónunnar aldrei verið lægra í lok dags, samkvæmt upplýsingum frá gjaldeyrisborði Glitnis. Gengisvísistalan stóð í 159,15 stigum við opnun markaðar í morgun. Gengi Bandaríkjadals er 82,60 krónur, evran er 128,10 krónur og pundið 161,60 krónur. Velta á millibankamarkaði nam 46,2 milljörðum króna.Hi

Lækkun krónunnar er orðin yfir 30% frá áramótum. Það virðist ekkert lát á lækkun krónunnar.Gengislækkun er ekkert annað en lækkun lífskjara. Þannig er st0ðugt búið að vera að lækka lífskjör fólks síðan nýir kjarasamningar voru gerðir .Gífurleg hækkun stýrivaxta Seðlabankans virðist ekkert hafa að segja til þess að styrkja krónuna eða lækka verðbólguna. Gengislækkun eykur verðbólguna þar eð allar innfluttar vörur hækka.

 

Björgvin Guðmundsson


Stjórnmál og samfélag | Slóð | | Athugasemdir (0)

Miðvikudagur, 18. júní 2008

Spornum gegn fátækt.Jöfnum tekjuskiptinguna í þjóðfélaginu!

Í alþingiskosningunum 2007  lagði Samfylkingin mikla áherslu á það að  jafna tekjuskiptinguna í þjóðfélaginu. Samfylkingin gagnrýndi harðlega þá miklu misskiptingu sem átt hafði sér stað í stjórnartíð Framsóknar og Sjálfstæðisflokksins. Í stjórnmálaályktun flokksins sagði:Samfylkingin mun hrinda í framkvæmd aðgerðaráætlun til þess að sporna gegn fátækt.Einnig sagði:

Samfylkingin leggur áherslu á að skattar af lífeyrissjóðsgreiðslum verði lækkaðir niður í tíu prósent og frítekjumark fyrir atvinnu- og lífeyristekjur eldri borgara verði 100.000 krónur.

Að mínu mati eru þetta einhver brýnustu málin í dag. Aðeins eitt af þessum málum hefur verið framkvæmt,eða verður framkvæmt 1.júlí n.k.,þ.e. 100 þús kr. frítekjumark fyrir atvinnutekjur en  ennþá brýnna er að setja slíkt frítekjumark fyrir lífeyrissjóðstekjur og mikilvægt er að lækka skatt af tekjum  úr lífeyrissjóði í 10%. Samfylkingin verður að halda baráttunni áfram.

 

Björgvin Guðmundsson


Stjórnmál og samfélag | Slóð | | Athugasemdir (1)

Miðvikudagur, 18. júní 2008

365 afskráð í Kauphöllinni

RSS þjónusta 365 hf. hefur samþykkt að boða til hluthafafundar þann 1. júlí næstkomandi og leggja fyrir hlutha félagsins tillögu um skráningu félagsins úr Kauphöll Íslands.

Markaður

info Uppl. um fyrirtæki:
Veldu fyrirtæki 365 Actavis Alfesca Atorka Bakkavör Exista Flaga FL Group Glitnir Hampiðjan Eimskip Icelandair IG ICEQ Kaupþing banki hf. Landsbanki Marel Mosaic Nýherji Atlantic Petroleum Foroya Banki SS SPRON Straumur Teymi TM Vinnslustöðin Össur

Myntbreyta

MyntFjárhæð
ISK - Íslensk króna  ISK
USD - Bandaríkjadalur  USD
EUR - Evra  EUR
GBP - Sterlingspund  GBP
CAD - Kanadadalur  CAD
DKK - Dönsk króna  DKK
NOK - Norsk króna  NOK
SEK - Sænsk króna  SEK
CHF - Svissneskur franki  CHF
JPY - Japanskt jen  JPY
Í samvinnu við Kaupþing

Tenglar

Innlendir
lendir
Verðbréfasjóðir

mbl.is 365 sækir um afskráningu
Tilkynna um óviðeigandi tengingu við frétt

Stjórnmál og samfélag | Breytt s.d. kl. 14:05 | Slóð | | Athugasemdir (0)

Miðvikudagur, 18. júní 2008

Er kjörum eldri borgara haldið niðri?

Í kjarasamningunum í feb. sl. var samið um að lágmarkslaun verkafólks yrðu 145 þús. kr. ( Hækkun um 20 þús.) En að vísu er það svo,að mjög fáir eru á lægstu launum. Flestir eru með hærri laun en 145 þús. á mánuði. En samt mátti ekki einu sinni   veita eldri borgurum þessi lágmarkslaun

 þeir fá aðeins  136 þús. á mánuði ( einhleypir).Þegar eldri  borgarar biðja um hækkun segir verkalýðshreyfingin,að laun eldri borgara megi ekki vera hærri en verkafólks. Þetta er furðuleg röksemd. Sem betur fer  eru flestir  launamenn ekki með lægri laun en 160-170 þús. á mánuði. En þó verkalýðshreyfingunni hafi ekki tekist að koma lægstu launum  í viðunandi horf er ekki þar með sagt að það eigi að verða til þess að kjörum eldri borgara sé einnig haldið niðri.Eldri borgarar eru búnir með ævistarfi sínu  að skapa það þjóðfelag sem við búum við í dag. Þeir eiga það inni að fá viðunandi kjör í dag. Þeir eiga að geta lifað  með reisn  síðustu æviárin.

 

Björgvin Guðmundsson


Stjórnmál og samfélag | Slóð | | Athugasemdir (0)

Miðvikudagur, 18. júní 2008

Aukinn ágreiningur milli stjórnarflokkanna?

Mbl. skrifar um það í dag,að það sé harðari tónn  meðal þingmanna Sjálfstæðisflokksins  í garð Samfylkingarinnar en verið hafi áður.Blaðið segir m.a.:

Búast má við að tónn þingmanna Sjálfstæðisflokksins eigi eftir að harðna í garð Samfylkingarinnar á næstu misserum og afstaðan verði eindregnari í málamiðlunum stjórnarflokkanna. Vísbending um það er fundur umhverfisnefndar Alþingis á föstudag. Þar stóðu sjálfstæðismenn fyrir því að landsskipulag, sem umhverfisráðherra hefur beitt sér fyrir, var tekið út úr nefndaráliti. Enda er engin stemning fyrir því meðal stórs hóps þingmanna Sjálfstæðisflokksins að það verði að veruleika.

Er það gagnrýnt að færa eigi vald frá sveitarfélögum til umhverfisráðherra og að undir búi að nýta eigi ákvæðið til að standa í vegi fyrir tilteknum framkvæmdum, svo sem stóriðju. Þannig vilji „höfuðborgarmenn“ skipuleggja úrræði fólks á landsbyggðinni.

Þá gagnrýnir Jón Gunnarsson, þingmaður Sjálfstæðisflokksins, Samfylkinguna fyrir stefnuleysi í orku- og virkjanamálum.

Ég tel,að Mbl. geri fullmikið úr þessum   "ágreiningi".Það er jafnvel verið að spá,að ágreiningur fari harðnandi á næstunni en það liggur ekkert fyrir um það enn,að svo verði.

 

Björgvin Guðmundsson

 


mbl.is Harðari tónn í garð samstarfsflokksins
Tilkynna um óviðeigandi tengingu við frétt

Stjórnmál og samfélag | Slóð | | Athugasemdir (0)

Miðvikudagur, 18. júní 2008

Hátíðarhöldin 17.júní fóru vel fram

Allt fór  vel fram í Reykjavík á þjóðhátíðardegi. Samkvæmt upplýsingum frá lögreglu  kom ekkert alvarlegt  upp á og dagurinn  fór  fram úr björtustu vonum miðað við þann gífurlega mannfjölda sem lagði leið sína í miðborg Reykjavíkur. Er talið að þegar mest var hafi allt að fimmtíu þúsund manns verið á hátíðarsvæðinu í Kvosinni. 

Hatíðarhöldin 17.júní eru fastur punktur í tilverunni.Fyrst og fremst skipta þau börnin miklu máli.Skrúðgöngurnar höfða fyrst og fremst til barnanna en fullorðnir hafa einnig gaman af hátíðarhöldunum og vilja gjarnan fara  í bæinn til þess að sýna sig og sjá aðra.Ef einhvern tímann er ástæða til þess að klæða sig upp á í sparifötin,þá er það 17.júní.

 

Björgvin Guðmundsson

 

Fara til bakaT


mbl.is Allt að 50 þúsund manns í miðborginni í dag
Tilkynna um óviðeigandi tengingu við frétt

Stjórnmál og samfélag | Slóð | | Athugasemdir (0)

Miðvikudagur, 18. júní 2008

Afnema ætti orðuveitingar

Forseti Íslands sæmdi nokkra Íslendinga orðu 17.júní eins og venja  er til á þeim degi.Mér finnst þetta óttalegt prjál sem ætti að afnema.Hvers vegna að sæma mann orðu fyrir að vinna vinnuna sína? Flestir Íslendingar eru samviskusamir og stunda sín störf vel.En það  yrði nokkuð stór hópur,ef sæma ætti þá alla orðu. Lengi vel neituðu jafnaðarmenn að taka við orðu. Þannig vildi Gylfi Þ.Gíslason ráðherra og formaður Alþýðuflokksins ekki taka við orðu. Þetta kann að hafa breyst. Einhverju sinni fékk ungur sýslumaður,sem var að taka við embætti,orðu. Hann hafði  ekkert  afrekað .Þegar ég leitaði skýringa á þessu fékk ég þetta svar: Jú hann þarf að taka á móti erlendum þjóðhöfðingja og talið er nauðsynlegt að hann verði með  orðu eins og þjóðhöfðinginn! Þegar ég var í stjórn Blaðamannafélagsins var ég beðinn að mæla með því að ákveðinn félagsmaður fengi orðu. Það átti að senda erindi til orðunefndar og " sækja um orðu" fyrir umræddan mann. Mér þótti það

"kúnstugt"  að sótt væri um orðu  eins og að sækja um starf eða embætti. En þannig var þetta  þá og er ef til vill enn.Það á að afnema orðuveitingar.

 

Björgvin Guðmundsson


Stjórnmál og samfélag | Slóð | | Athugasemdir (0)

Bloggfærslur 18. júní 2008

Innskráning

Ath. Vinsamlegast kveikið á Javascript til að hefja innskráningu.

Hafðu samband