Kjör aldraðra á vinnumarkaði bætt. Óvissa með hina

Hinn 1.júlí tekur gildi  nýtt frítekjumark vegna atvinnutekna eldri borgara,67-70 ára.Þeir mega þá vinna fyrir 100 þús. kr. á mánuði án þess að að það skerði tryggingabætur þeirra. Þeir,sem eru orðnir 70 ára, mega hins vegar vinna ótakmarkað án skerðingar tryggingabóta.Þetta er mismunun og sennilega brot á stjórnarskránni.Kjör þeirra  eldri borgara,sem eru á vinnumarkaði munu batna. En hvað með hina,sem ekki eru  á vinnumarkaði og þurfa enn frekar á kjarabótum að haldal.Meiri   óvissa  ríkir um kjör þeirra.Það eina,  sem er fast í hendi í því efni er samþykkt landsfundar Sjálfstæðisflokksins um 25 þús. kr. til þeirra  eldri borgara sem ekki eru í lífeyrissjóði. Þær 25 þús. kr. verða 8 þús. þegar skattar og skerrðingar hafa  farið höndum um þær.

 

Björgvin Guðmundsson

Kvótakerfið er blettur á íslensku þjóðinni

 Í  Morgunblaðinu í dag birtist grein eftir mig um kvótakerfið.Að vísu birtist   röng mynd með greininni.Í grein minni segir svo m.a.:

 

Að mínu mati eru mikilvægustu þjóðfélagsmálin í dag kvótakerfið í sjávarútvegi og velferðarmál aldraðra og öryrkja.

Kvótakerfið er blettur á íslensku samfélagi.Þetta er mesta ranglæti Íslandssögunnar.Engin ráðstöfun,ekkert kerfi hefur skapað eins mikla misskiptingu,eins mikinn ójöfnuð hér eins og kvótakerfið. Íslenskir jafnaðarmenn munu aldrei sætta sig við þetta kerfi misskiptingar. Þeir vilja að það verði stokkað upp og því gerbreytt.En það er ekki aðeins að kerfið skapi ójöfnuð og misskiptingu.
Ísland brýtur einnig mannréttindi með framkvæmd kvótakerfisins.Það er úrskurður Mannréttindanefndar Sameinuðu þjóðanna.Mannréttindanefndin segir, að kvótakerfið sé ósanngjarnt, það hygli þeim,sem upphaflega fengu úthlutað varanlegum kvóta en sumir hafi engan kvóta og geti ekki stundað útgerð og sjósókn þó þeir haf menntað sig til þess og eignast fiskiskip.Tveir sjómenn töldu brotið á sér þegar þeim var synjað um veiðiheimildir og þeir kærðu málið til Mannréttindanefndar Sþ. Nefndin felldi úrskurð sinn.Nefndin gagnrýnir m.a. framsalið á kvótunum. Kvótar,sem upprunalegir handhafar nýti ekki lengur, gangi kaupum og sölum á markaðsverði og á leigumarkaði í stað þess að þeir renni til ríkisins á ný og sé úthlutað að nýju með réttlátum og sanngjörnum hætti.

Ísland verður að fara eftir úrskurði Mannréttindanefndarinnar

Þær raddir hafa heyrst, að úrskurðurinn sé ekki bindandi og því sé Ísland ekki skuldbundið til þess að fara eftir honum.En ef

Ísland tekur ekki tillit til úrskurðar Mannréttindanefndar Sþ. verður landið úthrópað á alþjóðavettvangi fyrir mannréttindabrot. Mannréttindi eru nú forgangsmál hjá íslenska utanríkisráðuneytinu.Ísland sækist eftir sæti í Öryggisráði Sþ. og leitar stuðnings hjá mörgum ríkjum, sem búa við skert mannréttindi. Ísland berst fyrir mannréttindum á alþjóðavettvangi. Ísland getur því ekki hundsað Mannréttindanefnd Sþ. enda hefur ísland skuldbundið sig til þess að fara eftir úrskurðum nefndarinnar. Ísland verður að taka tillit til úrskurðar mannaréttindanefndarinnar með því að breyta kvótakerfinu þannig að það byggist á sanngirni og allir borgarar landsins sitji við sama borð.

Ríkið getur innkallað veiðiheimildir


Það verður erfitt að leiðrétta kerfið eins og Mannréttindanefnd Sþ. fer fram á. Til þess eru þó margar leiðir: Ríkið getur innkallað allar veiðiheimildir á ákveðnum tíma og úthlutað þeim á ný á sanngjarnan hátt, þannig að allir eigi kost á því að fá veiðiheimildir.Einnig er hugsanlegt að bjóða upp allar veiðiheimildir.

 

 

 

 

Björgvin Guðmundsson

.

Íbúðarlánasjóður verður að afnema ríkisábyrgðina?

Eftirlitsstofnun EFTA (ESA) hefur komist að þeirri bráðabirgðaniðurstöðu að starfsemi Íbúðalánasjóðs í núverandi mynd gangi gegn ríkisstyrkjareglum EES-samningsins. ESA mun halda rannsókn sinni áfram og m.a. kanna það sem kallast „nýr ríkisstyrkur“, eða stuðningur ríkis til Íbúðalánasjóðs í formi undanþágu frá greiðslu ríkisábyrgðargjalds sem hafi komið til eftir að EES-samningurinn tók gildi.

 

Í tilkynningu ESA kemur fram að stofnunin muni fella niður rannsókn sem hefur verið í gangi frá júní 2006 í kjölfar þess að EFTA-dómstóllinn ógilti fyrri úrskurð stofnunarinnar, og halda rannsókn sinni áfram undir nýjum formerkjum. ESA mun nú rannsaka þá þætti sem voru til skoðunar sem eldri ríkisstyrk, þ.e. ríkisstyrk sem hafi komið til áður en EES-samningurinn tók gildi. Jafnframt kemur fram að ESA hafa ákveðið að opna rannsókn á því sem kallast „nýr ríkisstyrkur“, þ.e. stuðningur ríkis til Íbúðalánasjóðs í formi undanþágu frá greiðslu ríkisábyrgðargjalds sem hafi komið til eftir að EES-samningurinn tók gildi.

Þessi bráðabirgðaniðurstaða ESA kemur ekki  á óvart.Búist var við henni.Ef til vill fæst undanþága  frá því,að hafa íbúðalánin án ríkisábyrgðar. En ef ekki verður að fella ríkisábyrgðina niður  og   reka  íbúðarlánasjóð  án hennar.

  Björgvin Guðmundsson

Gengur gegn ríkisstyrkjareglum