Anna Kristinsdóttir ráðin mannréttindastjóri borgarinnar

Ráðgjafanefnd á vegum borgarinnar hefur lagt til að Anna Kristinsdóttir verði næsti mannréttindastjóri Reykjavíkurborgar eftir því sem segir í tilkynningu.

Sú tillaga verður lögð fyrir á næsta fundi borgarráðs. Anna Kristinsdóttir er stjórnmálafræðingur og fyrrverandi borgarfulltrúi Framsóknarflokksins. Hún var í hópi 23 manna sem sóttu um starfið og voru sex þeirra boðaðir í viðtöl.

„Það er samdóma álit nefndarinnar sem fór yfir umsóknir og tók viðtölin að Anna Kristinsdóttir fullnægi best þeim kröfum sem gerðar eru samkvæmt auglýsingu um starf mannréttindastjóra," segir í tilkynningu borgarinnar.

„Þar kemur enn fremur fram Anna hefur aflað sér víðtækrar reynslu og þekkingar á sviði jafnréttis- og mannréttindamála, bæði sem borgarfulltrúi í Reykjavík og sem þátttakandi í frjálsum félagasamtökum. Hún sat í jafnréttisnefnd Reykjavíkurborgar árin 1998 - 2002, í Jafnréttisráði frá 2004 - 2007 og í Svæðisráði málefna fatlaðra í Reykjavík frá 2003.

Anna hefur á undanförnum árum starfað með frjálsum félagasamtökum þar sem mannréttindi hafa skipað stóran sess, meðal annars verið í Landsstjórn/Framkvæmdaráði Þroskahjálpar frá 2001 og formaður foreldrasamtaka fatlaðra frá 2001-2004.

Hún á að baki stjórnunarreynslu, meðal annars sem skrifstofustjóri. Hún stýrði og var formaður Íþrótta- og tómstundaráðs árin 2002 - 2006, formaður Framkvæmdaráðs frá 2005 - 2006 og formaður hinna ýmsu nefnda á vegum Reykjavíkurborgar svo sem Bláfjallanefndar, Þjóðhátíðarnefndar og Afreksmannasjóðs Reykjavíkur.

Eftir að hún lauk störfum sem borgarfulltrúi, tók hún að sér verkefnastjórn Alþjóðaleika ungmenna árin 2006 - 2007. Hún hefur auk þess gegnt fjölda trúnaðarstarfa, svo sem í Áfengis- og vímuvarnarráði frá 2004, í stjórn Félagsbústaða 2006 - 2007, í landsstjórn Neytendasamtakanna frá 2002 - 2004, í stjórn Heimilis og skóla frá 2006 - 2008, í stjórn Evrópusamtakanna frá 2007 og verið formaður íbúasamtaka Bústaðahverfis frá 2007," segir enn fremur í tilkynningu borgarinnar.

Ég tel það vel ráðið  að ráða Önni Kristinsdóttur sem mannaréttindastjóra borgarinnar.Hún hefur mikla reynslu sem fyrrverandi borgarfulltrúi og góða menntun,sem hentar vél í starfið auk þess sem hún hefur aflað sér víðtækrar þekkingar a sviði jafnréttis-og mannréttindamála.Hún er vel að starfinu komin.

 

Björgvin Guðmundsson

Sjávarútvegsráðherra hundsar álit Mannréttindanefndar Sþ.

 Vinnuhópurinn hefur ekki verið stofnaður enn, en ég hef rætt þetta við formenn stjórnarflokkanna, segir Einar K. Guðfinnsson sjávarútvegsráðherra í svari við spurningu um framhald á störfum vegna álits mannréttindanefndar SÞ um fiskveiðistjórnkerfið. Einar segir að hann og formennirnir ætli að finna tíma – „vonandi fljótlega“ – til að móta stefnu um þennan starfshóp, og komi ýmsar leiðir til álita. Sjávarútvegsráðherra sendi mannréttindanefndinni viðbrögð sín og íslenskra stjórnvalda við áliti hennar rétt fyrir 11. júní þegar hálfs árs frestur til þess rann út, og var stofnun vinnuhóps helsti kjarninn í svarinu.

Þessar upplýsingar ráðherrans leiða glögglega í ljós,að honum er enginn alvara  með það að bregðast á réttan hátt við áliti Mannréttindanefndar Sþ. Hann sagði í svari til Mannréttindanefndarinnar,að stofnaður yrði starfshópur til þess að fjalla um breytingar á fiskveiðistjórnunarkerfinu en nú kemur í ljós,að þessi starfshópur hefur ekki einu sinni verið stofnaður."Hann og formennirnir  ætli að finna tíma til að móta stefnu um þennan starfshóp"! Þetta minnir á vopnahlésviðræður á árum áður,þegar aðalágreiningurinn var um það hvernig fundarborðið ætti að vera í laginu.Það er engin alvara í þessu máli hjá  sjávarútvegsráðherra  og spurning hvort næg alvara er í þessu hjá formönnum

 

Björgvin Guðmundsson

Enga leynilögreglu hér

Ráðagerðir eru nú upp um það  hjá ríkislögreglustjóra og dómsmálaráðherra að koma á fót eins konar leynilögreglu og leyniþjónustu.Er rekinn áróður fyrir því,að ríkislögreglustjóri fái heimild til þess að rannsaka einstaklinga,sem enginn grunur liggur fyrir um nein afbrot  hjá.Rökin  fyrir því að lögreglan fái slíkar heimildir eru þau,að þá sé unnt að koma í veg fyrir undirbúning og framkvæmd hryðjuverka.Lúðvík Bergvinsson,formaður þingflokks Samfylkingarinnar,hefur  gagnrýnt þessar ráðagerðir harðlega og algerlega snúist gegn þeim.Ég tek undir með  Lúðvík. Við þurfum enga leynilögreglu eða leynisþjónustu á Íslandi.

 

Björgvin Guðmundsson

Kjaraskerðing útlendinga hér allt að 30%

Útlendingar sem starfa hér á landi, og senda meginhluta launa sinna til fjölskyldunnar í heimalandi sínu, hafa orðið fyrir umtalverðri launaskerðingu vegna veikingar krónunnar að undanförnu.

Skerðingin nemur allt að 30% frá áramótum, reiknað í evrum. Um áramótin kostaði evran 90 krónur. Í dag kostar hún um 125 krónur.

Til útskýringar má taka eftirfarandi tilbúið dæmi: Útlendingur sem hér starfar hefur 150 þúsund krónur til ráðstöfunar á mánuði, þegar skattar og gjöld hafa verið greidd. Hann notar 50 þúsund krónur til framfærslu hér. Kaupmáttarrýrnun hefur verið 4% síðustu 12 mánuði, svo þessi hluti hefur rýrnað um tvö þúsund krónur að raungildi. Maðurinn sendir jafnvirði 100 þúsund króna til fjölskyldu sinnar í heimalandinu. Hann skiptir íslenskum krónum í evrur, eins og er langalgengast. Skerðingin frá áramótum er tæplega 30% eða 30 þúsund krónur. Laun viðkomandi hafa því skerst um 32 þúsund krónur frá áramótum.(mbl.is)

Nokkuð mun um það ,að útlendingar hafi farið til síns heima vegna kjaraskerðingarinnar hér.Á það einkum við  um Pólverja,þar eð atvinnuástand er nú mikið betra í Póllandi en var áður.Það er eðlilegt,að  erlent verkafólk hverfi nú sem mest á brott þar eð atvinna hér fer nú minnkandi.

 

Björgvin Guðmundsson

 

 

 

Kjaraskerðingin allt að 30%

Allt hækkar nema launin

„Það hefur verið mismunandi hvað við borgum mikið af húsnæðisláninu okkar á mánuði,“ segir Kristinn Þeyr Magnússon kvikmyndatökumaður. „Við erum að borga mun meira en greiðsluáætlunin gerði ráð fyrir, en höfum áður einnig borgað mun minna, þrátt fyrir að hafa tekið tiltölulega lága upphæð að láni í erlendri mynt,“

Kannski snýst þetta um neyslu fólks og lífsstíl,“ segir Rán sem nefnir að parið hafi selt annan bílinn og fengið sér hjól. „Svo er það matarkarfan, ég tel það vera mjög svo blóðugt að borga 9.000 kr. fyrir tvo poka í Bónus,“ segir hún og bætir við að allt hækki nema launin í dag. „Vinnudagarnir eru langir og það bitnar á fjölskyldunni.“(mbl.is)

Þetta er dæmi úr daglega lífinu og sýnir,að fólk á nú í auknum erfiðleikum með að láta enda ná saman vegna gengislækkunar og mikilla hækkana  innfluttra vara.

 

Björgvin Guðmundsson  

 

 

 

Baugur flytur úr landi

FL Group hefur verið breytt í Stoðir, eignarhaldsfélag, í kjölfar endurskipulagningar á rekstri og fjárfestingastefnu félagsins. Stoðir hafa keypt kjölfestuhlut í Baugi Group fyrir 25 milljarða króna sem greiðast með hlutabréfum í Stoðum. Seljandi hlutarins er Styrkur Invest sem er í meirihlutaeigu Gaums.

Eins og áður sagði er kaupverð hlutarins 25 milljarðar króna og verður greitt fyrir hlutinn með hlutabréfum í Stoðum sem verður í nýjum hlutaflokki B bréfa sem bera ekki atkvæðisrétt. Viðskiptin eru gerð með fyrirvara um áreiðanleikakönnun og samþykki hluthafafundar Stoða sem auglýstur verður síðar.
 

Eftir viðskiptin munu Stoðir fara með tæplega 40% virkan eignarhlut í Baugi auk þess að eiga eignarhlut í B hlutaflokki félagsins sem ekki veitir atkvæðisrétt. Aðrir hluthafar í Baugi eru Kevin Stanford, Don McCarthy, Bague SA og starfsmenn félagsins.  Stærsti hluthafi Stoða er Styrkur Invest.
 
Baugur hefur fyrir þessi viðskipti lokið við sölu allra eigna á Íslandi og mun eftirleiðis leggja alfarið áherslu á fjárfestingar í smásöluverslun í Bretlandi, Norðurlöndum og Bandaríkjunum. Meginhluti starfsemi Baugs verður staðsettur í London. Meðal stærstu fjárfestinga Baugs eru Iceland, House of Fraser, Mosaic Fashions, Hamley´s, Whistles, Goldsmiths, Magasin du Nord, Illum og Saks, að því er segir í tilkynningu.
 
Með kaupum á eignarhlut í Baugi eykst eigið fé Stoða um 25 milljarða króna en nánari upplýsingar um efnahag Stoða verða birtar í uppgjöri félagins fyrir fyrstu sex mánuði ársins 2008 sem kynnt verður þann 29. ágúst nk.
 
Í framhaldi af viðskiptunum er stefnt að samnýtingu ákveðinna rekstrarþátta í starfsemi Stoða og Baugs og er m.a. gert ráð fyrir að starfsemi félaganna í London verði færð undir sama þak í húsakynnum Baugs.

„Fjárfestingafélagið FL Group verður nú eignarhaldsfélagið Stoðir. FL Group var upphaflega móðurfélag rekstrarfélaga í flugrekstri og ferðaiðnaði. Stærsta eign FL Group var Icelandair sem selt var í desember 2006 og nafnið FL Group var skírskotun til fyrra nafns Icelandair, Flugleiða. FL Group hefur tekið miklum stakkaskiptum síðustu misserin.

Starfsemi félagsins hefur verið endurskipulögð og fjárfestingastefnunni breytt. Nafnið FL Group endurspeglar því ekki núverandi starfsemi félagsins. Nafnið Stoðir lýsir vel meginviðfangsefnum

þess. (mbl.is)

Þessar miklu breytingar koma ekki alveg á óvart.Það var búist við flutningi Baugs til útlanda og það hefur nú verið staðfest.Með þessum breytingum getur Jón Ágeir áfram verið stjórnarformaður Baugs.Konan hans er stjórnarformaður Stoða,áður Fl Group. Þannig að þau hjón geta áfram haldið um alla tauma síns  

 viðskiptaveldis,þrátt fyrir,að Jón megi ekki vera formaður í stjórn íslenks hlutafélags næstu 3 ár.

Björgvin Guðmundsson

FL Group verður Stoðir

Lífeyrir aldraðra enn 93,74% af lágmarkslaunum!

Lífeyrir aldraðra er enn 93,74% af lágmarkslaunum en var 100% sl. ár.Kjör lífeyrisþega hafa rýrnað frá í fyrra en áttu að batna samkvæmt loforðum stjórnarflokkanna.Hér munar mestu ,að aldraðir fengu ekki jafnmikla hækkun og láglaunafólk.Félagsmálaráðherra  sagði,að 1,júlí mundi verða tilbúið nýtt framfærsluviðmið fyrir lífeyrisþega og gaf í skyn að um leið yrði gerð leiðrétting á kjörum aldraðra  og öryrkja. En nú er kominn 4.júlí og ekkert bólar á neinni leiðréttingu. Lausnin er sennilega sú að senda alla út á vinnumarkaðinn,sjúka jafnt sem heila og segja þeim að fara að vinna hvort sem þeir geta það eða ekki. Það eru enn sem komið er engar kjarabætur fyrir aðra en  þá,sem eru á vinnumarkaðnum.Stjórnvöld virðast ekki telja nóg,að  fólk vinni fram að ellilífeyrisaldri. Það á að pína þá til þess að vinna lengur!

 

Björgvin Guðmundsson