Slæm mannréttindastefna Íslands

Það er rétt,sem sagt hefur verið í sambandi  við mál Paul Ramses,að það er lítil mannúð í mannréttindastefnu Íslands.Paul var fluttur fyrirvaralaust frá Íslandi til Ítalíu frá konu og börnum og látinn dúsa á flugvellinum í Róm fyrstu dagana.

Búið er að flytja Paul Ramses frá flugvellinum að nokkurs konar búðum þar sem fleiri í svipaðri aðstöðu og hann búa. Ítalska lögreglan virtist hissa þegar íslensku gæslumennirnir afhentu hann þarlendum yfirvöldum á flugvellinum.

Paul Ramses, sem kemur frá Kenía,var fylgt af lögreglu til London og þaðan  til Ítalíu. Ramses flúði upphaflega frá Naíróbí í Kenýa en þar sætti hann ofsóknum. Hann sótti hér um landvistarleyfi en var synjað. Kona Ramses, Rosemary Atieno Athiembo, og mánaðargamall sonur eru enn hér á landi.

Rosemary Atieno Athiembo, eiginkona Pauls, heyrði í manni sínum um kvöldmatarleytið í gærkvöld. Sagði hann henni að íslensku gæslumennirnir hefðu afhent sig ítölsku lögreglunni á flugvellinum í gær. Hann sagði henni enn fremur að ítalska lögreglan hefði virst mjög hissa á að verið væri að koma með hann til landsins.

Paul sagði að búið væri að flytja hann frá flugvellinum að byggingu þar sem fyrir væru aðrir flóttamenn í svipaðri stöðu og hann sjálfur. Honum hafði þá verið tjáð að þarna myndi hann vera næstu þrjár vikurnar. Hann hafði enga hugmynd um hvenær mál hans myndi verða tekið fyrir eða hvert hann færi eftir að þessar þrjár vikur væru liðnar.

Burt séð frá lagalegri hlið þessa máls finnst mér mjög ómanneskjulegt hvernig íslensk yfirvöld komu fram við Ramses þegar honum var vísað úr landi. Það var gert fyrirvaralaust,með eins dag fyrirvara. Ekkert var athugað hvort unnt væri að halda fjölskyldu hans saman,t.d. með því að reyna að koma þeim til Svíþjóðar,þar sem  konan hafði landvistarleyfi.Íslendingar eru góðir mannréttindamenn í ræðum en ekki í verki.

 

Björgvin Guðmundsson

Ramses farinn af flugvellinum

Verð fyrir símaþjónustu hækkar og hækkaer

Verðþróun í símaþjónustu á Íslandi hefur verið óhagstæð á síðustu árum miðað við samanburðarlönd. Þetta kemur fram í ársskýrslu Póst- og fjarskiptastofnunar sem kom út í vikunni.

„Áður var verðlagið á þessari þjónustu hér með því lægsta sem fannst innan OECD en við föllum sífellt niður listann. Fyrir fimm árum var fyrirframgreidd GSM-símaþjónusta næstódýrust hér á landi en er nú komin niður í tíunda sæti," segir Óskar Þórðarson, forstöðumaður greiningardeildar stofnunarinnar. „Svipaða þróun má sjá á öðrum sviðum, ef undan er skilin þjónusta við heimasíma sem er ódýr hér. Líkleg skýring á þessari þróun er fákeppni á markaði," segir Óskar. „Þó er erfitt að slá því föstu þar sem margir þættir spila inn í svona samanburð, eins og til dæmis gengisþróun."

Fyrirtækjum í farsímaþjónustu við almenning hefur fækkað undanfarin ár, oft með sameiningum eða kaupum eins og til dæmis á Íslandssíma og Tali á sínum tíma.

Án efa hefur einkavæðingin i þessari grein þrýst verðinu upp. Landssími Íslands var sem ríkisfyrirtæki vel rekið fyrirtæki og afnotagjöld hófleg. En eftir að einkaaðilar eignuðust fyrirtækið fóru gjöldin að hækka. Gróðafíknin segir til sín.

Björgvin Guðmundsson

„