Sérstakur saksóknari byrjar á smámálum

Sérstakur saksóknari gaf í dag út sínar fyrstu ákærur. Þær eru á hendur þremur mönnum vegna lánveitingar Byrs sparisjóðs til Exeter Holding. Byr hf. hefur einnig höfðað skaðabótamál á hendur hinum ákærðu.

Jón Þorsteinn Jónsson, fyrrverandi stjórnarformaður Byrs, Ragnar Zophonías Guðjónsson, fyrrverandi sparisjóðsstjóri, og Styrmir Þór Bragason, fyrrverandi forstjóri MP banka eru ákærðir fyrir umboðssvik vegna lánsins. Ólafur Þór Hauksson, sérstakur saksóknari, vill ekki veita upplýsingar um málið fyrr en síðar í þessari viku, þegar ákærurnar hafa verið birtar öllum sakborningunum þremur samkvæmt heimildum fréttastofu.

Í tilkynningu sem barst frá Byr hf. í kvöld kemur fram að fyrirtækið hefur lagt fram skaðabótakröfu á hendur þeim sem ákærðir eru í málinu. Einnig er þar tekið fram að enginn hinna ákærðu starfi hjá fyrirtækinu og að verulegar breytingar hafi verið gerðar á innra skipulagi Byrs til að tryggja að slík máli komi ekki upp.(ruv.is)

Þessi fyrstu mál eru alger smámál miðað við mál sem tengjast stóru bönkunum þremur.Almenningi finnst orðið tímabært að gefnar verði út ákærur á hendur þeim sem stóðu fyriir mestu svikunum í stóru bönkunum. En sérstakur saksóknari vill greinilega vanda sig vel.

Björgvin Guðmundsson

„