Hæstaréttarlögmaður gagnrýnir hvernig staðið er að kærum gegn ráðherrum

Lögin um landsdóm og lögin um ráðherraábyrgð hafa runnið sitt skeið og uppfylla ekki þær kröfur sem almennar reglur sakamálaréttarfars og mannréttindareglur gera."

Þetta segir Kristín Edwald, hæstaréttarlögmaður á lögmannsstofunni Lex og formaður Lögfræðingafélags Íslands. Kristín sér ýmsa meinbugi á þeirri niðurstöðu sjö þingmanna í sérstakri þingmannanefnd að draga beri fyrrverandi ráðherra fyrir landsdóm.

Fyrir það fyrsta bendir hún á að lögin um landsdóm geri ráð fyrir að mál sé rannsakað eftir að Alþingi tekur ákvörðun um að ákæra og fyrir hvað sé ákært.

„Þetta er í algjörri andstöðu við þá grundvallarreglu sakamálaréttarfars að rannsaka skuli mál áður en ákvörðun um að ákæra er tekin. Rannsókn rannsóknarnefndar Alþingis kemur ekki í stað sakamálarannsóknar."

 Önnur meginregla sakamálaréttarfars sé að rannsókn eigi að beinast að því að leiða hið sanna og rétta í ljós og gæta jafnt að þeim atriðum sem horfa til sýknu og til sektar.

Frá þessu sé vikið í málum ráðherranna fyrrverandi.

„Saksóknari Alþingis er bundinn af ákvörðun Alþingis um fyrir hvað er ákært. Hann getur hvorki fallið frá ákærunni né einstökum þáttum hennar. Ef búið er að gefa út ákæru áður en rannsókn fer fram er bersýnilegt að slík eftirfarandi rannsókn hlýtur að beinast eingöngu að því að undirbyggja þá ákæru sem þegar hefur verið gefin út. Með þessu fyrirkomulagi sem lögin um landsdóm gera ráð fyrir eru grundvallarréttindi sakaðra manna fyrir borð borin og uppfylla ekki kröfur mannréttindaákvæða um réttláta málsmeðferð."

Þá metur Kristín refsiheimildirnar óskýrar og segir vafa leika á hvort þær uppfylli kröfur stjórnarskrárinnar og mannréttindasáttmála Evrópu. Að auki telur hún skýrleika og nákvæmni ábótavant í verknaðarlýsingum þings­ályktunartillagna þingmannanna. Ekki verði séð af þeim hvað það er nákvæmlega sem viðkomandi hefðu átt að gera en létu ógert.(visir.is)

Þetta eru athyglisverð atriði,sem, hæstaréttarlögmaðurinn nefnir.Það renna á mann tvær grímur þegar maður heyrir þessi atriði. Víst er það ankannalegt að kæra fyrst og rannsaka á eftir.Það eru úrelt vinnubrögð og standast ekki mannréttindakröfur og reglur um sakamálaréttarfar.Það má ekki vera það mikill ákafi í að ákæra ráðherra að ítt sé til hliðar mannréttindaákvæðum og reglum um  sakamálaréttarfar.Sem leikmanni finnst mér einnig eðlilegt að  ekki sé ákært nema verulegar líkur séu á sakfellingu.

 

Björgvin Guðmundsson

Athugasemdir

[Jón Sveinsson, 14.9.2010 kl. 09:54]

Það er skömm frá því að sega en þannig er það á þingi horfa og skoða fortíðina og hunsa framtíðina, SEM SAGT STAÐNAÐ FÓLK Á HINU HÁA ALÞINGI. ÞVÍ MIÐUR ÞÁ ER ÞETTA BARA SNNNLEIKUR.