Gáleysistal í fjölmiðlum um ESB

Bæði Fréttablaðið og Morgunblaðið ræða í dag um aðildarviðræður Íslands við ESB. Agnes Bragadóttir skrifar um málið í Mbl. og segir,að viðræðurnar séu komnar í öngstræti.Það er furðuleg fullyrðing þegar haft er i huga,að hinar eiginlegu samningaviðræður eru ekki byrjaðar.Enn er rýnivinna í gangi.Sennilega verða viðræðurnar að byrja áður en þær lenda í öngstæti. En Agnesi Bragadóttur er svo mikið í mun að búa til vandræði í kringum viðræðurnar við ESB,að hún er komin langt fram úr sjálfri sér.Hún er komin fram á mitt þetta ár í skrifum sínum og  er að vona að þá fari allt í strand.En hún verður víst að bíða þangað til.Eins er með skrif Fréttablaðsins á forsíðu.Þar er viðtal við  Árna Þór Sigurðsson formannj utanríkismálanefndar og starfandi fornann þingflokks VG.Þar er eftirfarandi fyrirsögn höfð eftir Árna:ESB viðræðunum kann að verða slitið þyki ástæða til. Þessi fullyrðing er einnig furðuleg. Þarna er verið að tala um að slíta viðræðum,sem eru ekki byrjaðar.Enda segir Árni,að það sé ekki komið að þeim tímapunkti að til greina komi að slíta viðræðum.Þessar bollaleggingar eru hinar furðulegustu.Það er ekki venja að ræða um að slíta viðræðum við upphaf þeirra.Sjálfsagt eru þessi ummæli til heimabrúks hjá VG. En Árni Þór er formaður utanríkismálanefndar og má ekki tala gáleysislega um þessi mál.

 

Björgvin Guðmundsson