5 kr. hækkun á mjólk vegna þyngri greiðslubyrði bænda af lánum

 Bændur fá 14 krónum meira fyrir mjólkurlítrann frá mánaðamótum og því hækkar smásöluverðið. 5 krónur af hækkuninni eru vegna þyngri greiðslubyrði bænda af lánum. Fulltrúi ASÍ í verðlagsnefnd búvara sat hjá þegar verðhækkunin var samþykkt.

Hann segir neytendur einnig þurfa að greiða hærri vexti af lánum og því sé ekki rétt að bæta þessum lið inn í hækkunina.

Það er alveg forkastanlegt að hækka mjólkina vegna hækkunar vaxta og afborgana af lánum bænda.Allur almenningur stynur undan vaxtabyrðinni en ætla mætti,að einungis bændur þyrftu að bera aukinn kostnað vaxta og afborgana.

 

Björgvin Guðmundsson

 

Athugasemdir

[Gáfnaljósið (IP-tala skráð) 27.3.2008 kl. 19:08]

Það er nú svo að vextir eru hluti af rekstrarkostnaði hvort sem er hjá bændum eða öðrum fyrirtækjum.

[Haraldur Bjarnason, 27.3.2008 kl. 19:22]

Ég er ekki alveg að ná þessu hjá þér, Björgvin. Það er vitað mál að aukin kostnaður við framleiðslu hvers konar fer alltaf út í verðlagið, þar með talinn vaxtakostnaður. Þetta á ekki eingöngu við um landbúnaðarvörur, langt í frá. - Allt þetta hefur líka áhrif á hina fáranlegu lánskjaravísitölu. - Að endingu er það alltaf almenningur sem borgar, hin vinnandi stétt og í þeim hópi eru meira að segja bændur líka. - Skil samt hvað þú átt við, en keðjuverkunin í þessu öllu er bara svona, því miður.