Gengi og hlutabréf á niðurleið

 

Úrvalsvísitalan hefur lækkað um 0,65% frá því viðskipti hófust í Kauphöll Íslands klukkan 10. Teymi hefur lækkað mest eða um 1,3%, Glitnir 1,13%, Landsbankinn 1% og SPRON 0,93%. Ekkert félag hefur hækkað það sem af er degi.

Gengi krónunnar hefur veikst um 2,35% og er gengisvísitalan 157 stig en var 153,40 við upphaf viðskipta klukkan 9 í morgun. Gengi Bandaríkjadals er 77,45 krónur, evran er 122,35 krónur og pundið 154,65 krónur.

Í Ósló hefur hlutabréfavísitalan hækkað um 1,3% og Helsinki 0,2%. Í Kaupmannahöfn hefur hlutabréfavísitalan lækkað um 0,02% og Stokkhólmi 0,13%. Samnorræna vísitalan Nordic 40 hefur lækkað um 0,05%.

Í Lundúnum hefur FTSE vísitalan hækkað um 0,18%, í Frankfurt hefur DAX vísitalan hækkað um 0,2% og í París nemur hækkun CAC 0,09%. 

Svo virðist,sem áhrifa vaxtahækkunar Seðlabankans gæti ekki lengur. Menn töldu í fyrstu,að gengið og hlutabréfin hækkuðu vegna vaxtahækkunar Seðlabankans. en það reyndust skammvinn áhrif. Gengi krónunnar er byrjað að  falla á ný og verðbólgutölur eru uggvænlegar.

Björgvin Guðmundsson

 

Hlutabréf og króna á niðurleið

Athugasemdir

[Johnny Bravo, 28.3.2008 kl. 10:55]

Eru áhrif stýrivaxta hætt að gæta. Hvernig er með þyngdarlögmálið er það líka hætt lol

Er bara spurning um framboð og eftirspurn kallinn.

Krónan var bara óeðlilega sterkt og engin kvartaði yfir því ekki  einu sinni útflytjendur en núna verðum við að finna aðra atvinnuvegi en að flytja inn peninga og láta fólk hafa svo við getum flutt inn dót og látið fólkið hafa fyrir peningana.

Ég fíla krónuna í 150 GVT.

[G. Valdimar Valdemarsson, 28.3.2008 kl. 10:57]

Seðalabankinn er áhrifalaus um gengi krónunar, það eru spákaupmenn sem þar ráða ferðinni og aðgerðir Seðlabankans hafa ekkert að segja og eru bara til þess fallnar að auka birgðar heimila og atvinnulífs.  Sjá nánar hér