Húsnæðisspá Seðlabankans óábyrg með öllu

Þeir Guðmundur Ólafsson hagfræðingur og Sigurður G.Tómasson þáttastjórnandi ræddu  spá Seðlabanksn um 30% lækkun íbúðaverðs á Útvarpi Sögu í morgun. Guðmundur Ólafsson sagði, að spáin væri algerlega óábyrg og  raunar gaf Guðmundur í skyn, að um skemmdarstarfsemi væri að ræða hjá bankanum. Guðmundur sagði,að  Seðlabankinn væri að reyna að skapa "panik" ástand með hræðsluáróðri um 30% lækkun húsnæðisverðs.Hugmyndin á bak við þetta hjá Seðlabankanum væri sú,að ef bankinn gæti stuðlað að mikilli  lækkun íbúðaverðs mundi vísitalan lækka, þar eð húsnæðisliðurinn vigtar þungt í vísitölunni  og þá lækkaði verðbólgan. Ef þessi kenning  Guðmundar er rétt  ætti að víkja bankastjórn Seðlabankans frá.

 

Björgvin Guðmundsson

Athugasemdir

[Karl Ólafsson, 18.4.2008 kl. 14:29]

Ég var með smá pælingar um þetta atriði hér, ef ég má vera svo frakkur að vísa í mitt blogg.

[Landfari, 18.4.2008 kl. 23:55]

Er þessi spá ekki bara raunhæf? Það var í fréttum um daginn að íbúðaverð hefði hækkað um 100% á sama tíam og byggingakostnaður hefði hækkað um 30%

Það þýðir að íbúð sem kostaði 10 mil. að byggja og var seld á 10 mil. var 3-4 árum seinna seld á 20 mil. en byggingakostnaður var 13 mil. ef hún nú lækkar um 30% er hún seld á 14 mil. eða milljón meira en kostar að byggja hana. Er þetta ekki bara líklegt. Það er að vísu enginn að tala um að þetta gerist 1 2 og 3 heldur á einhverjum tíma. Þessi þróun er þegar langt á veg komin í nágrannalöndunum og byrjuð hér.

Íbúða verð var orðið óraunhæft. Fók sem var úti í námi gat ekki komið heim, hafði ekki efni á því vegna þess hvað húsnæðið var fáránlega dýrt.

Þessar sveflur eru mjög erfiðar viðfangs en ég held að það sé bara eðlilegt að þessi bóla hjaðni eins og aðrar.