Samfylkingin þarf að fá fjármálaráðuneytið

Það voru mistök hjá Samfylkingunni að velja utanríkisráðuneytið þegar ríkisstjórnin var mynduð. Samfylkingin hefði átt að velja fjármálaráðuneytið .Utanríkisráðuneytið er ef til vill næst virðingarmesta ráðuneytið en fjármálaráðuneytið er næst valdamesta ráðuneytið og það er mikilvægara Samfylkingunni en utanríkisráðuneytið.Kjósendur Samfylkingarinnar hafa  lítinn áhuga  á utanríkismáum.Þeir hafa t.d. lítinn  áhuga á því að berjast fyrir því, að Ísland fái sæti í Öryggisráðinu.Þeir hafa mikið meiri áhuga á réttlátu skattakerfi og endurbótum í velferðarkerfinu.Það  er einnig mjög óheppilegt að formaður Samfylkingarinnar sé utanríkisráðherra og langdvölum erlendis. Framsóknarflokkurinn leið fyrir þetta þegar Halldór Ásgrímsson var utanríkisráðherra og Samfylkingin er farin að líða fyrr þetta nú. Það væri auðveldara fyrr Samfylkinguna að koma fram stefnumálum sínum í skattamalum og velferðarmálum,ef flokkurinn hefði fjármálaráðuneytiið. Jóhanna Sigurðarsdóttir vill gera endurbætur í málefnum aldraðra og öryrkja en þær stranda í fjármálaráðuneytinu. Það var fjármálaráðherra,sem hafði af lífeyrisþegum 9100 kr. á mánuði í kjölfar nýrra kjarasamninga. Það þarf að gera skattakerfið réttlátara,lækka  skatta á láglaunafólki og hækka skatta á hátekjumönnum. Samfylkingin ætti að skipta á utanríkisráðuneyti og ffjármálaráðuneyti ekki síðar en eftir eitt ár. Flogið hefur fyrir að ríkisstjórnin verði   stokkuð upp eftir þsnn tíms.

 

Björgvin Guðmundsson

Athugasemdir

[Valsól (IP-tala skráð) 12.5.2008 kl. 09:41]

Mikið er ég sammála þér, mér finnst það ömurlegt að flokkurinn skyldi velja snobb fram yfir áhrif. Þetta verður bara að segja umbúðalaust. Ég hef ekki verið ánægður með þetta samstarf og hefur fundist Samfylkingin þurft að beigja sig fyrir hinum ímsu málum, og má þar nefna lítið dæmi eins og mannaráðningar og spillingu suður með sjó. Kaninn skyldi eftir sig miljarða eignir og Sjálfstæðismenn ætla að skipta því á milli sín og Samfylkingin segir ekki orð. Það eina sem Samfylkingin hefur gert er að stinga smánarlegri dúsu upp í aldraða og öryrkja sem var í engu lík loforðum fyrir kosningar. Ég hélt satt að segja að eitthvað myndi breytast. Þetta brölt varðandi öryggisráðið er að verða hálf hallærislegt, að einn sterkasti pólitíkus landsins hafi þann eina metnað að koma okkur í þetta öryggisráð hvað sem það kostar. Á meðan fækkar þeim sem geta hugsað sér að kjósa þetta lið aftur. Ég hélt satt að segja að þegar Ingibjörg væri komin í ríkisstjórn þá myndi koma skrið á hlutina til jafnaðar, en nei hún má ekki vera að því að hugsa um vesælt fólkið sem er að missa ofan af sér húsnæðið því það er svo mikilvægt að við komumst í öryggisráðið. Ekki er Össur skárri og fyrir löngu kominn tími á að hann fari að gera eitthvað annað. Það er ömurlegt að pólitíkusar á Íslandi geti verið áskrifendur að stólum inn á þingi og við hverjar kosningar róterast aðeins 15% af þingmönnunum sem sitja í neðstu sætum prófkjöranna. Hinir eru öryggir og allt tal um að taka pólitíska þabyrgð er tómt píp. Svona er nú þetta í mínum augum. Alltaf gaman að kíkja hérna við, beinskeytt gagnrýni jafnt á andstæðinga sem samherja. Takk fyrir það.

[Sævar Helgason, 12.5.2008 kl. 09:49]

Ég tek undir þetta, Björgvin