Samfylkingin að ná hreinum meirihluta í Rvk

Litlu munar að Samfylkingin fái hreinan meirihluta í Reykjavík, samkvæmt nýrri skoðanakönnun, sem Capacent Gallup hefur gert og sagt var frá í fréttum Útvarps. Fylgi Sjáflstæðisflokksins í borginni hefur hins vegar minnkað mikið á síðustu mánuðum. Hvorki Frjálslyndir og óháðir né Framsóknarflokkur kæmu að manni ef kosið væri nú.

Samkvæmt könnuninni, sem gerð var fyrri  frá 1. mars til 16. apríl  fengi Samfylkingin 47,1% og sjö borgarfulltrúa, bætti við sig þremur ef kosið væri nú. Sjálfstæðisflokkurinn fengi 30,1% fylgi og 5 fulltrúa, tapaði tveimur. Þá fengi Vinstrihreyfingin-grænt framboð 18,9% og þrjá fulltrúa, bætti við sig einum. Framsóknarflokks fengi 2,1% og Frjálslyndir og óháðir 1,8%.

Ljóst er samkvæmt þessari kðnnun,að Reykvíkingar  hafa fengið nóg af stjórnleysi og valdabrölti Sjálfstæðisflokksins og Ólafs F. Magnússsonar í Rvk.Ólafur kæmist ekki að ef kosið væri nú.Sjálfstæðisflokkurinn  tapaði 2 fulltrúum en Samfylkingin fengi 7 og er alveg að ná meirihluta.Þetta er góð útkoma fyrir Samfylkinguna,

 

Björgvin Guðmundsson

 

Fylgi Sjálfstæðisflokks minnkar mikið í Reykjavík

Athugasemdir

[stefán benediktsson (IP-tala skráð) 13.5.2008 kl. 23:53]

Ég spái því að Sjálfstæðismenn þori ekki að sleppa Ólafi F úr borgarstjórastólnum að vori.....hann hefur enga ástæðu til að vera með þeim þegar hann er búinn að missa tökin sem stólnum fylgja.....og þess sem sest í borgarstjórastólinn á eftir Ólafi verður hvort eð er trúlega eingöngu minnst sem útfararstjóra........