Núverandi ríkisstjórn ekki jákvæðari eldri borgurum en sú fyrri

Það eru mikil vonbrigði,að núverandi ríkisstjórn er ekkert jákvæðari í garð aldraðra og öryrkja en fyrri ríkisstjórn var.Lífeyrir aldraðra sem hlutfall af lágmarkslaunum hefur  lækkað á fyrsta ári ríkisstjórnarinnar en ekki aukist eins og búast hefði mátt við.Það,sem er einnig slæmt er það,að ríkisstjórnin heldur því fram,að hún hafi bætt kjör aldraðra meira á skömmum tíma en dæmi eru um áður. Það er ekki rétt.Engin skýring hefur fengist á því hvers vegna ekki var byrjað á því að hækka lífeyri  aldraðra frá almannatryggingum strax eftir valdatöku ríkisstjórnarinnar. Engin skýring hefur fengist á því hvers vegna byrjað var á því að bæta hag þeirra eldri borgara,sem eru á vinnumarkaðnum en hinir skildir eftir sem ekki geta unnið eða kjósa að láta starfsdegi lokið eftir að hafa unnið langan og strangan starfsdag.Það þýðir ekkert að leggja saman einhverjar upphæðir,sem það kostar  að fella niður skerðingu bóta vegna atvinnutekna nú og í framtíðinni.Ríkið fær þá peninga alla til baka,þar eða það fást auknar skatttekjur af atvinnutekjum aldraðra,sem standa undir þessum kostnaði.

 

Björgvin Guðmundsson

Athugasemdir

[Gísli Baldvinsson (IP-tala skráð) 19.5.2008 kl. 16:39]

Það er vont að heyra eftir þér haft Björgvin að þessi ríkisstjórn sé "ekki jákvæðari eldri borgunum en sú fyrri." Nú þegar hafa verið gerðar verulegar leiðréttingar og fleiri boðaðar. Ég skal ræða við þig þegar fjárlagafrumvarpið er komið fram eða fleira kemur í hús. Tölu upp kjörin fyrir aldraða, ekki niður.

[Björgvin Guðmundsson, 19.5.2008 kl. 17:35]

Staðreyndirnar tala sínu máli.Lífeyrir aldraðra er í dag 93,74%  af lágmarkslaunum en var 100% af lágmarkslaunum sl. ár. Var það þetta,sem við áttum von á þegar við vorum að berjast gegn Framsókn ( og Sjálfstæðisflokknum).Nei við ætluðum fram á við en ekki aftur á bak. Það getur vel verið að þetta verði rétt af á næsta ári og við afgreiðslu fjárlaga  í haust. En við tökum mið af staðreyndum og því,sem búið er að gera en ekki  loforðum,sem framkvæma á  í framtíðinni. Ef þetta lagast á 2.ári ríkisstjórnarinnar verð ég fyrsti ,maður að hrósa því en  þetta átti að lagast á 1.ári og lífeyrir að fara strax vel  100% yfir lágmarkslaun.

Með kveðju

Björgvin