Verðmæti hlutabréfa hefur lækkað um 1600 milljarða á ári.Skatttekjur minnka

Ég yrði hissa ef það myndi ekki muna einhverjum tugum milljarða í heildarskatttekjur þegar upp er staðið,“ segir Ragnar Árnason, prófessor við hagfræðiskor Háskóla Íslands, um mögulegan tekjumissi ríkissjóðs vegna lækkunar á gengi hlutabréfa.

Talið er að  að verðmæti hlutabréfa í félögum í úrvalsvísitölu kauphallarinnar hafi lækkað um 1.600 milljarða króna á tæpu ári.

 

Ragnar byggir skoðun sína annars vegar á því að þegar hlutabréfin verða seld þá verður söluhagnaðurinn þessum mun minni. „Þannig að ríkið getur á von á því að tekjur af fjármagnsskatti verði lægri en ella hefði orðið á þessu eða næsta ári,“ segir Ragnar. „Síðan þýðir þessi mikla eignaminnkun að einhverjir verða að draga saman seglin og það þýðir auðvitað minni tekjur ríkissjóðs af virðisaukaskatti og slíkum sköttum. Og síðan í framhaldi af því af tekjum þeirra sem hefðu hagnast af þeim viðskiptum sem þá hefðu átt sér stað.“

 

 

Þorsteinn Þorgeirsson, skrifstofustjóri efnahagsskrifstofu fjármálaráðuneytisins, segir að samkvæmt endurmetinni tekjuspá ríkissjóðs sé ljóst að einhver lækkun verði á tekjum frá því sem gert ráð fyrir í fjárlögum. „Við gáfum strax til kynna í janúar að ljóst væri að samsetning teknanna myndi breytast og að við byggjumst við eitthvað meiri tekjum af veltuskatti í ár en minni af fjármagnstekjuskatti og tekjuskatti lögaðila árið 2008. En við teljum að áhrifin ættu að jafnast mikið út þannig að í heild yrðu tekjurnar áþekkar því sem spáð var í haust,“ segir hann og bætir við: „Ef þetta ástand verður viðvarandi þá hefur það meiri áhrif árið 2009.“ Hann segir að ný tekjuspá verði kynnt í haust sem byggja mun á nýrri upplýsingum. „Þetta er í stöðugu endurmati,“ vill Þorsteinn þó benda á.

Þessar umræður leiða hugann að því,að því hefur verið fleygt í blöðum,að Baugur kunni af flytja lögheimili sitt til útlanda,þar eð Jón Ásgeir verður að öllum líkindum að víkja úr stjórn félagsins ,ef félagið verður áfram skráð á Íslandi.Við slíkan flutning Baugs mundi Ísland verða af miklum skatttekjum.Vonandi kemur ekki til þess. Við viljum hafa Baug á Íslandi.Félagið hefur verið byggt upp hér. Segja má,að undirstaða þess séu Bönusbúðirnar. Maður getur ekki hugsað þá hugsun til enda hvað yrði ef Bónus hyrfi af markaðnum. Ekkert fyrirtæki hefur lækkað eins mikið vöruverð og Bonus.

 

Björgvin Guðmunds.

Ríkið verður af tugum milljarða vegna lækkunar hlutabréfa

Athugasemdir

[Blahh (IP-tala skráð) 16.6.2008 kl. 10:39]

Að sjálfsögðu er einungis verið að ræða um flutning höfuðstöðva félagsins en ekki físískan flutning á verslunum bónus.  Samt sem áður, þetta hefði neikvæð áhrif á tekjur ríkissjóðs.  En ekki getur dómskerfið tekið tillit til hagnaðar eða taps ríkisins þegar verið er að rétta... þetta eru náttúrulega fyrst og fremst glæpamenn.