Allsherjarnefnd og utanríkisráðuneyti fjalla um mál Ramses

Það kom ósk frá flokki Vinstri grænna um að það yrði haldinn fundur í allsherjarnefnd um málið, bæði út af þessu tiltekna máli og eins vegna málefna hælisleitenda almennt,“ segir Birgir Ármannsson, formaður allsherjarnefndar Alþingis, um fyrirhugaðan fund nefndarinnar um mál Keníamannsins Paul Ramses, sem Útlendingastofnun vísaði af landi brott fyrir helgi, vegna ólögmætrar dvalar hér á landi.

 

Birgir leggur áherslu á að nefndin sé hvorki rannsóknar- eða úrskurðaraðili í málum sem þessum.

 

„Ég hef tekið skýrt fram að allsherjarnefnd er ekki úrskurðaraðili í ágreiningsmálum einstaklinga sem koma upp vegna ákvarðana innan stjórnsýslunnar.

Ég hef hins vegar sagt að mér finnist að allsherjarnefnd geti komið saman til að fara almennt yfir þau lög og reglur sem gilda um þessi mál og hvernig Útlendingastofnun framkvæmir þær. Ég geri ráð fyrir að það verði reynt að koma saman fundi á næstu dögum,“ sagði Birgir.(mbl.is)

Það er ágætt að allherjarnefnd komi saman og ræði mál Paul Ramses  enda þótt nefndin sé ekki úskurðaraðili í málinu. Þingmenn geta vissulega haft skoðun á mannréttindamálum og haft áhrif á þau. Guðrún Helgadóttir rifjaði upp nú,að hún hefði hótað að velta ríkisstjórn Gunnars Thoroddsen vegna þess að Gervasoni var vísað úr landi. Gunnar Thoroddsen .þá forsætisráðherra ,lét málið til sín  taka og stjórnin hélt velli.Fréttablaðið segir frá því í morgun,að mál Ramses sé komið á borð utanríkisráðherra og hafi ráðuneytið beðið sendiherra Íslands á Ítalíu að láta mákið til sín taka. Ég fagna því. Mál þetta er Íslandi til skammar.

 

Björgvin Guðmundsson

 

Munu ræða mál Ramses