Fátæku fólki fjölgar í heiminum

Þrátt fyrir hagvöxt liðinna ára, fjölgar fólki sem býr við örbirgð í 49 fátækustu löndum heims. Þetta kom fram á þingi um viðskipti og þróunarmál sem Sameinuðu þjóðirnar halda.

Hagvöxtur í löndunum hefur verið á bilinu 7 til 8% undanfarin ár, en það hefur ekki dregið úr fátækt. Þrír fjórðu íbúa fátækustu landanna eru enn með tvo dollara eða minna í tekjur á dag, sem er ekki talið nóg til lágmarksframfærslu. Þó fækkar þeim sem búa við algjöra fátækt, það er, hafa minni tekjur en einn bandaríkjadollar á dag. Árið 1994 bjuggu 44% íbúa landanna við algjöra fátækt en 36% árið 2005.

  Jafnframt var sagt á þinginu í dag að hækkanir á matvælum undanfarið setji þær litlu framfarir sem hafa orðið í löndunum undanf ár í hættu. (mbl.is)

Það er eitt brýnasta verkefni iðnríkjanna og vel efnaðra ríkja heims að hjálpa fátæku þjóðunum og útrýma fátækt í heiminum.Þó ríkar þjóðir verði alltaf ríkari og ríkari opg hagvöxtur aukist eykst fátækt i  heiminum.

 

 

 

 

Björgvn Guðmundsson

 

Athugasemdir

[Skattborgari, 18.7.2008 kl. 00:17]

Það þarf pening til að búa til pening þetta sannar þá kenningu. Lykilinn af því að uppræta fátækt eru frjáls viðskipti með vörur sem fátæku löndin geta framleit t.d landbúnaðarafurðir.