Rússar geta ekki stjórnað Georgíu

Dmitry Medvedev, forseti Rússlands, staðfesti í dag að Rússar munu byrja að flytja her sinn frá Georgíu á morgun.  Í yfirlýsingu frá rússneskum stjórnvöldum kemur fram að Medvedev hafi fullyrt þetta í símafundi með Nicolas Sarkozy, Frakklandsforseta.

Sarkozy varaði Medvedev við því að standi Rússar ekki við skuldbindingar vopnahléssamningsins, myndi það hafa í för með sér alvarlegar afleiðingar og skaða samskipti Rússa og Evrópusambandsins.

Medvedev skrifaði undir sáttamála um að binda endir á átök í Georgíu í gær, degi eftir Mikheil Saakashvili, forseta Georgíu.(mbl.is)

Rúrssar hafa gengið mjög harkalega fram í Georgíu.Hafa þeir lagt fjölda húsa í rúst og drepið saklausa borgara. Er furðulegt,að þetta skuli hafa getað átt sér stað milli fyrrum vinaríkja innan Sovetríkjanna.Rússum hefur gramist það mjög,að Georgía væri að nálgast vestræn ríki meira og meira og hygði jafnvel á aðild að NATO. En Georgía er sjálfstætt ríki og Rússar geta ekki stjórnað því.

 

Björgvin Guðmundsson

• 

Rússar hefja brottför hersins á morgun

Athugasemdir

[Jón Valur Jensson, 18.8.2008 kl. 09:57]

Gott hjá þér, Björgvin, það var þér líkt að vaka yfir þessu máli. Og þetta minnir mig á, þegar þið félagarnir (... Karlsson, nafninu stolið úr mér) sáuð í mörg ár um fréttaskýringaþáttinn um alþjóðamál í Ríkisútvarpinu í gamla daga. Það voru góðir þættir.

Það er sannarlega vonandi, að áform Rússa um frambúðar-hersetu í Georgíu mistakist og að landið komist í skjól NATO. Afar margar fréttaskýringagreinar um málið allt hafa verið skrifaðar á hina frábæru Moggabloggsíðu hins herstjórnarfróða Júlíusar Sigurþórssonar og full ástæða til að vísa lesendum á greiningu hans á atburðum og fróðlegar umræður í athugasemdunum þar á eftir. Sjálfur hef ég ritað marga pistla um málið (og svolítið um viðsjárnar í sambandi við eldflaugavarnarkerfið í Póllandi), sjá yfirlit hér, og þessi grein er nýjust: Innrás Rússa í Georgíu var þaulskipulögð a.m.k. frá apríl.

Með góðri kveðju, 

[Björgvin Guðmundsson, 18.8.2008 kl. 10:12]

Sæll!

Þó vísar hér til  Efst á baugi,sem við Tómas heitinn Karlsson  önnuðumt   í mörg ár, 1960- 1970.Þátturinn var vinsæll enda var sjónvarpið ekki komið til sögunnar,þegar við byrjuðum með þátttinn  og hann var   á besta hlustunartíma.Ég er enn alltaf að hitta menn sem hlustuðu alltaf á þáttinn.

Bestu kveðjur

Björgvin