Orður og titlar,úrelt þing

Forseti Íslands hefur ákveðið að sæma alla liðsmenn handboltaliðsins,íslenska,fálkaorðunni og fyrirliðann stórriddarakrossi.Er þetta ekki  of í lagt? Er ekki nóg að taka myndarlega á móti liðinu við heimkomuna eins og um þjóðhátíð sé að ræða og  gefa Handknattleikssambandinu 50 millj. kr.Það eitt að íslenska liðið skyldi fá silfurverðlaun á Olympíuleikunum og lenda í 2.sæti er mikill heiður fyrir liðið og íslenska þjóðin er mjög stolt af frammistöðu liðsins. En ef fara á út á þá braut að sæma alla íþróttamenn sem skara fram úr heiðursmerki  er nokkuð langt gengið. Íslenskir íþróttamenn hafa áður komist á verðlaunapall án þess að fá fálkaorðuna,t.d. á olympíuleikum fatlaðra. Íslenskir kvikmyndagerðarmenn hafa einnig skarað fram úr á erlendum vettvangi og hlotið fyrstu verðlaun á kvikmyndahátíðum. Íslenskir tónlistarmenn hafa einnig gert það gott á erlendum vettvangi svo og íslenskir rithöfundar.Eiga   allir að fá fálkaorðuna? Þetta er komið út í öfgar. Annað hvort er að láta strangar reglur gilda um orðuveitingar eða að  leggja orðuveitingar niður.

 

Björgvin Guðmundsson 

Athugasemdir

[Björn Hróarsson (IP-tala skráð) 27.8.2008 kl. 17:52]

Nei .. það er ekki of langt gengið heldur alveg sjálfsagt. Handboltakapparnir náðu silfurverðlaunum á ólympíuleikum. Það var aðeins einn slíkur peningur til í landinu fyrir þessa ólympíuleika. Og enginn gullpeningur. Það gætu liðið töluvert margir áratugir áður en næst kemur ólympíusilfur til Íslands. Orður hafa allt of of lent hjá fólki fyrir að mæta í vinnuna sína. Núna lenda þær hjá mönnum sem unnu stórafrek utan vinnunnar. Sjálfsagt mál og yfir gagnrýni hafið. Ég efast um að þú hafir áttað þig á því um hvers konar verðlaun/afrek er um að ræða. Óvíst að nokkur hafi áður verið betur að slíku glingri kominn. Óþarft, leiðinlegt og neikvætt tuð hjá þér. Nær að gleðjast yfir því sem vel er gert.