Missa smáríki sjálfstæði sitt við aðild að ESB?

Harðir andstæðingar ESB halda því fram,að Ísland missi sjálfstæði sitt við aðild að  sambandinu.Þeir sem ganga ekki alveg svo langt í áróðri  gegn aðild Íslands að ESB segja,að Ísland yrði áhrifalaus útkjálki i Evrópusambandinu,ef það gengi þar inn.Þetta er ekki rétt. Þegar Ísland gerðist aðili að EES missti það nokkuð af sjálfstæði sínu, þar eð það varð að fallast á að taka yfir tilskipanir ESB og lögleiða þær enda þótt Ísland hefði ekki verið með í að móta þessar tilskipanir.Við aðild að ESB má hins vegar segja,að sjálfstæði og áhrif Íslands aukist nokkuð þar eð þá kemst Ísland að stjórnarborði ESB og fær aðild að þingi þess.Þau lönd,sem eru aðilar að ESB hafa ekki misst neitt af sjálfstæði sínu eins og t.d. Danmörk,Finnland og Svíþjóð.Þau eru jafn sjálfstæð eftir sem áður. Eins yrði með Ísland ef það gerðist aðili  að ESB.

Það eina sem ég óttast er að við fáum ekki nægar undanþágur fyrir okkar sjávarútveg og fiskveiðar.Ég vil að við höldum fullum yfirráðum yfir fiskimiðum okkar.Ef við náum því fram er ég sáttur við að ganga í ESB.

 

Björgvin Guðmundsson

Athugasemdir

[Gísli Ingvarsson, 8.12.2008 kl. 15:07]

Ég skil áhyggjur þínar vegna fiskveiðiréttindanna. Það verður sá ásteitingarsteinn sem fellir þjóðaratkvæðagreiðsluna. Það er búið að telja þjóðinni trú um að hún beiði eigi og reki fiskimiðin og hagnaður þeirra komi henni óskiftur til góða. Rétt er að fiskimiðin eru þjóðareign. Framsal veiðiheimilda er hinsvegar óafturkræft vegna "eignaréttindaákvæða" sem fylgja veiðiheimildunum og eru stjórnarskrárvarin eignaréttur þeirra sem á halda. Þetta myndi breytast við inngöngu í ESB. Það er óhugsandi að mínu mati annað. Þeir hagsmuna aðilar sem eiga kvótana munu gera réttindi sín að þjóðahagsmunum okkar allra þó að mínum dómi sé fjarri lagi að svo sé. Það er auðvelt að særa fram þjóðernistilfinningar í svona atkvæðagreiðslu. Íslendingar munu ekki klikka á að svara kalli ef um heiður þjóðarinnar er að ræða. VG ætla að ríða þessa bylgju með útgerðareigendum en ekki almanna hagsmunum. Stórhluti Sjálfsæðismanna líka. Ef svo fer sem horfir verða næstu kosningar einskonar atkvæðagreiðsla um það hvort við ætlum í aðildarviðræður. Þar verður Samfylkingin eini raunhæfi kosturinn fyrir þá sem vilja fara þá leið. Framsókn varla nógu traust til að veðja á.