Guðfríður Lilja gekk of langt

Það vakti mikla athygli sl. sunnudag,þegar Guðfríður Lilja formaður þingflokks VG gagnrýndi Jóhönnu Sigurðardóttur og ríkisstjórnina harðlega í Silfri Egils.Hún var að koma vini sínum Ögmundi Jónassyni til varnar og í leiðinni réðust hún að ríkisstjórninni með harðri gagnrýni. Þetta  gengur ekki í samstarfi tveggja flokka í ríkisstjórn.Formaður þingflokks VG getur ekki ráðist á forsætisráðherra og ríkisstjórn,sem flokkurinn  er aðili að.Svo  virðist sem sumir í VG kunni ekki að vera í rikisstjórn.Þeir eru svo vanir því að vera í stjórnarandstöðu.Ef til vill voru það mistök af Ögmundi Jónasssyni að segja af sér.Hann virðist hafa fórnað sér til þess að eining yrði í ríkisstjórninni. En auðvitað gat hann setið áfram og verið með sínar skoðanir  þar. Jóhanna hefði þá orðið að ákveða hvort hún léti stjórnina sitja þó hún talaði ekki einum rómi.Guðfríður Lilja virðist telja,að það sé unnt að vera bæði utan og innan stjórnar í senn. Það er ekki hægt.

 

Björgvin Guðmundsson

Athugasemdir

[hilmar jónsson, 6.10.2009 kl. 10:06]

Nei ég er sammála þér Björgvin, þetta gengur ekki.

Ef Guðfríður er ekki að höndla álagið sem fylgir því að vera í þessari stjórn, þá á hún að hætta, í stað þess að reyna upphefja sjálfan sig á þennan hátt, og á kostnað stjórnarsamstarfs..