Verðum að samþykkja breytingu á Icesave

Íslendingar verða að  samþykkja þá breytingu á fyrirvörunum við Ice save samkomulagið,sem nú liggur á borðinu.Þar vegur þyngst að halda verður áfram að greiða eftir 2024 með sömu skilmálum og fram að þeim tíma,þ.e. að greiðslur fari ekki yfir 6% af hagvexti og að vextir verði óbreyttir.Það var óraunhæft af alþingi að reikna með því að Bretar og Hollendingar mundi samþykkja fyrirvara,sem gerðu ráð fyrir, .að  " skuldin" yrði ekki greidd að fullu.Með því að alþingi samþykkti að greiða þurfti að sjálfsögðu að greiða að fullu.Þegar ríkisstjórn Geirs H.Haarde samþykkti í nóvember í fyrra að greiða Icesave var teningunum kastað og ekki aftur snúið á þeirri leið. Ef Ísland ætlaði að neita að borga og leggja málið fyrir dómstóla átti að gera það þá. Eftir að Ísland undirritaði skjal í nóvember í fyrra um að við mundum greiða varð dómstólaleiðin mun torsóttari.Nú standa málin þannig,að AGS heldur lánum til okkar föstum vegna þess að Icesave deilan er ekki leyst og Norðurlöndin haga sér eins,meira að segja Norðmenn. Svo virðist því sem alþjóðasamfélagið  haldi okkur í gíslingu á meðan við ljúkum ekki Icesave málinu. Við verðum því að ljúka því máli svo hlutirnir fari að snúast.

 

Björgvin Guðmundsson

Icesave-fyrirvörum breytt

Athugasemdir

[Arnar Steinn , 18.10.2009 kl. 10:23]

Sæll Björgvin.

Vildi bara segja að ég er þér 100% sammála. Klára þetta mál strax og fara nú að horfa fram á veg, nægur tími hefur farið í karp um þetta mál.

kv.

 Arnar

[Sigurður Helgason, 18.10.2009 kl. 11:08]

Svo sára einfalt en samt skilur helmingurinn af þjóðinni þetta ekki,

mín heimska þjóð.