Var Árni Páll of stórorður?

Ræða Árma Páls Árnasonar,félagsmálaráðherra,á þingi ASÍ var  mjög athyglisverð og að mörgu  leyti góð. En ræðan hefur vakið miklar deilur.Árni Páll sagði,að við mættum ekki verða ginningarfífl stóriðju og útgerðarauðvalds á sama hátt og við hefðum elt sérhagsmuni bankadrengjanna og útrásargosanna  á undanförnum árum. Spurning er hvort Árni Páll var hér of stórorður.Víst er það rétt hjá honum,  að við megum ekki hugsa eingöngu um stóriðju við atvinnuuppbyggingu og álfyrirtæki og útgerð verða að taka sanngjarnan þátt í framlagi til samfélagsins í formi skatta nú þegar erfiðleikar eru og þessir aðilar hafa notið góðs af lágri gengisskráningu.Árni Páll hefur viljað að það yrði tekið eftir ræðu hans og það tókst. Boðskapur hans komst til skila. Mín skoðun er þessi: Við þurfum á öllu að halda  við enduruppbyggingu Íslands:Öflugri útgerð,stóriðnaði og smáiðnaði, nýsköpun,hátækniiðnaði,landbúnaði o.fl.

 

Björgvin Guðmundsson

Athugasemdir

[Kristinn Pétursson, 26.10.2009 kl. 11:22]

Björgvin. einfaldasta og besta aðferðin til að auka þjóðartekjur án lántöku - er að auka fiskveiðar -  t.d. um 10-20% strax - og láta svo framkvæma endurmat á stofnstærð allra bolfiskistofna hérlendis - svipað og Rússar gerðu í Barentshafi  með frjálsum veiðum 20 togara í 6 mánuði....

... sjá   http://skip.vb.is/frettir/nr/9907     - en við eigum að gera þetta með mun stærri úttekt... t.d.

• Fá virta verkfræðistofu til að hafa yfirumsjón með úttektinni (þetta er úttekt á magni botnlægra fiskistofna hérlendis - endurskoðun á stofnstærðamati Hafrannsóknarstofnunar með annarri nálgun - afla á togtíma við frjálsar veiðar)
• ... Samsetning okkar:
• 20 togarar - frjálsar veiðar - á XX svæðum - frá 1 janúar 2010 - 1 júlí 2010... 
• 10 stórir línubátar  með beitningavélar - sami tími - skipulögð svæði -
• 5 snurvoðarbátar í bolfiski og flatfiski - sami tími - skipulögð svæði 
• 10 netabátar - 1.janúar  - 1 maí -  skipulögð svæði...

Þessi tiltekni floti - valinn eftir umsóknum  - myndi gera heildarúttekt á endurmati á stofnstærð fiskistofna hérlendis.

Stjórnun málsins væri  á vegum sérstakrar verkefnisstjórnar sem væri 5 manns:

• Skipstjóri með reynslu af togararalli formaður  verkefnisstjórnar
• Verkfræðingur viðkomandi verkfræðistofu - varaformaður
• Dimitri Kholskov frá Hafrannsóknarstofnuninni í Murmansk
• Jón Kristjánsson fiskifræðingur
• Dr. Tumi Tómasson fiskifræðingur - sérgrein - nýting fiskistofna

Björgvin - þér er annt um þjóðarhag - þú hefur oft sýn það í skrifum þínum. Vinsamlega taka til hendinni - og láta koma þessu til framkvæmda 1 janúar 2010.

Fjármögnun verkefnis:

1. Öllum afla í þessu stóra "ralli" verði landað á fiskmarkaði innanlands. 20% aflagjald verði ráðstafað í úttektar og úrvinnslukostnað - sem verkefnisstjórn fær til ráðstöfunar - (óháð verkefnisstjórn með sjálfstæðan fjárhag.)
2. 80% af innkomu fá útgerðaraðilar - og fjármagna allan kostnað við "rallið" laun olíu og allan annan rekstrarkostnað

Niðurstaða verkefnis:

Samningur kveði á um að verkefnisstjórn skili niðurstöðu verkefnisins fyrir 15 ágúst 2010 og fiskveiðar verði auknar samkvæmt nýjum niðurstöðum -fyrir 1. september 2010

Björgvin - söfnum  liði - og björgum fjárhag þjóðarinnar með auknum fiskveiðum!

[Björgvin Guðmundsson, 26.10.2009 kl. 11:28]

Sæll Kristinn!

Ég er sammála þér.

Með kveðju

Björgvin