Það verður haldið fast við fyrningu aflaheimilda

Ég var mjög ánægður   að   heyra um þá samþykkt flokksstjórnarfundar Samfylkingar sem haldinn var á Reykjanesi,að ekki yrði hvikað frá fyrningu aflaheimilda á 20 árum.Það var búið að tala svo  mikið um það að ekkert yrði úr framkvæmd þessa stefnumáls  ríkisstjórnarinnar,að maður var farinn að trúa  því.En Samfylkingin lét engan bilbug á sér finna í þessu máli.Bent var á,að 20 ára fyrningartími aflaheimilda væri í raun sáttaleið.Æskilegra hefði verið að  gera þetta á  skemmri tíma.Það er rétt. En ég hefi ekki trú á,að unnt verði að ná samkomulagi um skemmri tíma.

Verst er,að sjávarútvegsráðherrann dregur lappirnar í þessu máli. En ég sé ekki hvernig komist verði hjá að  framkvæma þetta mál.

Björgvin Guðmundsson