Þingmenn fá aðstoðarmenn

Aðstoðarmenn formanna flokka verða í fullu starfi og hafa starfsaðstöðu á skrifstofum Alþingis, en aðstoðarmenn alþingismanna verða í hlutastarfi, með starfsaðstöðu í kjördæmunum. Þingmönnunum verður heimilt að slá sér saman um ráðningu aðstoðarmanns og hækkar þá starfshlutfallið í samræmi við það. 

Hér er stigið framfaraspor. Það tíðkast við mörg þjóðþing erlendis,að þingmenn hafi aðstoðarmenn. Það hjálpar þingmönnum að vanda vinnubrögð sín við gerð frumvarpa og öflun gagna. Til þessa hefur aðstaða þingmanna stjórnar og stjórnarandstöðu verið mjög ójöfn í þessu efni. Stjórnarþingmenn hafa getað fengið alla nauðsynlega  sérfræðiaðstoð í stjórnarráðinu. En þingmenn stjórnarandstöðu hafa ekki átt kost á mikilli sérfræðiaðstoð Nú verður breyting á.Aðstaða formanna þingflokkanna stórbatnar.og aðstaða óbreyttra þingmanna batnar einnig. Þetta mun væntanlega bæta vinnubrögð þingsins og efla þingið gagnvart framkvæmdavaldinu.

Björgvin Guðmundsson

Aðstoðarmenn í fullu starfi

Kvótakerfið brot á mannréttindum

Björgvin Guðmundsson skrifar grein í Morgunblaðið í dag undir fyrirsögninni:Kvótakerfið brot á mannréttindum.Þar segir svo m.a.:

Ísland brýtur mannréttindi með framkvæmd kvótakerfisins í sjávarútveginum.Það er úrskurður Mannréttindanefndar Sameinuðu þjóðanna.Mannréttindanefndin segir, að kvótakerfið sé ósanngjarnt, það hygli þeim,sem upphaflega fengu  úthlutað varanlegum kvóta  en sumir hafi engan kvóta og geti ekki stundað útgerð og sjósókn þó þeir haf menntað sig til þess og  eignast fiskiskip.Tveir sjómenn töldu brotið á sér þegar þeim var synjað um  veiðiheimildir og þeir kærðu málið til   Mannréttindanefndar Sþ. Nefndin hefur nú fellt úrskurð  sinn.Nefndin gagnrýnir m.a. framsalið á kvótunum. Kvótar,sem upprunalegir handhafar nýti ekki lengur, gangi kaupum og sölum á markaðsverði og á leigumarkaði   í stað þess að þeir renni til ríkisins á ný og  sé úthlutað  að nýju með réttlátum og sanngjörnum hætti.

Björgvin Guðmundsson

www.gudmundsson.net

Stendur á ríkisstjórninni?

Ráðherrarnir létu eins og þeir hefðu aldrei fengið þessar tillögur okkar," segir Guðmundur Gunnarsson, formaður Rafiðnaðarsambandsins, eftir fund með ríkisstjórninni í morgun.

Ríkisstjórnin fundaði með forsvarsmönnum verkalýðshreyfingarinnar og segir Guðmundur ekkert hafa gerst á fundinum. Hann segir ráðherrana hafa fengið tillögur frá verkalýðshreyfingunni þann 12. desember en það virðist ekki hafa skipt neinu máli.

„Þeir höfðu ekkert gert í málinu og þessi fundur var bara til þess að slátra þeirri vinnu sem hefur verið unnin undanfarna daga," segir Guðmundur ósáttur með fundinn.

Afstaða ríkisstjórnarinnar í málinu er undarleg. Ef hún hefur fengið tillögur verkalýðshreyfingarinnar12.desember hefði hún átt að vera tilbúin með sínar tillögur nú. Hún á ekki að tefja gerð kjarasamninga.

Björgvin Guðmundsson

Guðni vill breyta kvótakerfinu þrátt fyrir höfundarrétt Halldórs

Frumvarp framsóknarmanna um breytingu á stjórnarskrá lýðveldisins þess efnis að náttúruauðlindir og landsréttindi, sem ekki eru háð eignarétti, verði þjóðareign er „stærsta mál þingsins“, að sögn Guðna Ágústssonar, formanns Framsóknarflokksins. Guðni telur stuðning allra flokka vísan í þessu máli, sem brýnt sé að ljúka sem allra fyrst. Þetta kom fram á blaðamannafundi í gær.

Stefnubreyting Framsóknarmanna varðandi kvótakerfið og  varðandi það að setja það í stjórnarskrá,að náttúruauðlindir séu þjóðareign,er ánægjuleg.Sérstaklega er það  ánægjulegt,að formaður Framsóknarflokksins skuli vilja taka tillit til úrskurðar Mannréttindanefndar Sþ. um að breyta kvótakerfinu þannig,að það  verði sanngjarnt og brjóti ekki áfram mannréttindi. Halldór Ásgrímsson hefur stundum  verið nefndur guðfaðir kvótakerfisins. Svo það hefur þurft hugrekki fyrir Guðn að brjótast út úr kvótahugsunarhætti Framsóknar. Hann á þakkir skilið fyrir það.

 

Björgvin Guðmundsson

 

 

Forgangsverkefni að klára stjórnarskrármálið

Lægstu laun hækka um 32% á samningstímanum

ÞARNA sjáum við lægstu laun hjá Starfsgreinasambandinu hækka yfir 32% á samningstímanum og byrjunarhækkunin er um 16%. Þarna eru miklir og góðir áfangar t.d. varðandi slysatryggingamál verkafólks, sem hafa verið í miklum ólestri.Þetta segir Kristján Gunnarsson um samningsdrög,sem væntanlega verða undirrituð á morgun.

Það er ánægjulegt,að lægstu laun hækki um 32% á  samningstímanum.Það er raunar lágmark, þar eð launin eru svo lág í dag. Byrjunarhækkun verður  16%.Verkalýðshreyfingin ræðir við ríkisstjórnina í dag og fer fram á skattalækkun. Væntanlega  hækkar   ríkisstjórnin skattleysimörkin myndarlega. Það er alger nauðsyn á því.

 

Björgvin Guðmundsson

Verður Vilhjálmur sendiherra í Kanada?

Markús Örn Antonsson sendiherra Íslands í  Kanada hefur verið skipaður forstöðumaður  Þjóðmenningarhúss.  Sendiherrastaðan er því laus.Því hefur verið fleygt,að ef  til vill verði Vilhálmur Þ.Vilhjálmsson formaður borgarráðs,skipaður sendiherra Íslands í Kanada í stað Markúsar.Hann mundi þá taka við sendiherrastöðunni næsta haust áður en hann ætti að taka við starfi borgarstjóra í Rvk.Hanna Birna mundi þá sennilega taka  við oddvitastarfinu hjá Sjálfstæðisflokknum í Rvk,  og verða borgarstjóri,þegar Ólafur Magnússon hættir.Þetta  mundi leysa vandamál Sjálfstæðisflokksins  í Rvk.Flokkurinn vill losna við Vilhjálm og heldur að fylgið aukist   á ný,ef hann fer á brott. En það er ekki þar með sagt. Flokkurinn í heild ber ábyrgð á klúðrinu,bæði REI málinu og  því að kaupa Ólaf til fylgis við flokkinn  með borgarstjórastólnum.Allir 7 borgarfulltrúarnir stóðu að þeim hrossakaupum. Þeir geta ekki kennt Vilhjálmi einum um þau vinnubrögð og haldið að nóg sé að fórna honum.

 

Björgvin Guðmundsson

Rétt er að leyfa byggingu álverksmiðju í Helguvík

Guðni Ágústsson, formaður Framsóknarflokksins, hefur áhyggjur af þenslu og telur ekki tímabært að hefja framkvæmdir við álver í Helguvík í næsta mánuði eins og stefnt er að. Hann segir að ef Árni Mathiesen fjármálaráðherra ráði ekki við verðbólguna, ráði hann ekki við neitt.

Ég tel,að leyfa eigi byggingu álverksmiðju í Helguvík,þar eð Suðurnesjamenn hafa misst mjög stóran vinnustað,þ.e.  Keflavíkurflugvöll og vinnu þar fyrir varnarliðið.Það virðist mikill krafur i Suðurnesjamönnum að byrja sem fyrst framkvæmdir við nýja álverksmiðju. Menn vilja byrja strax í næsta mánuði. Sjálfsagt er að leyfa það  í því skyni að skapa ný atvinnutækifælri syðra. Um 700 manns munu fá vinnu við byggingu verksmiðjunnar.

 

Björgvin Guðmundsson

Samkomulag um útlínur kjarasamninga

Formenn landssambanda og stærstu aðildarfélaga innan Alþýðusambands Íslands og Samtök atvinnulífsins hafa orðið ásátt um megin útlínur launaliðs nýrra kjarasamninga, með fyrirvara um að viðunandi niðurstaða fáist í viðræðum aðildarsamtakanna um sérmál.

Við það er miðað að kjarasamningar gildi til nóvemberloka ársins 2010 og feli í sér hækkun almennra launataxta um 18.000 við undirskrift, 13.500 krónur árið 2009 og 6500 krónur árið 2010 og að launataxtar iðnaðarmanna hækki um 21.000 krónur við undirskrift, 17.500 krónur árið 2009 og 10.500 krónur árið 2010.

Við það er miðað að nýjar launatöflur taki gildi á hverju ári og ekki er gert ráð fyrir að heimilt verði að lækka álagsgreiðslur á móti taxtabreytingunni.

Samkomulag er um launaþróunartryggingu. Í því felst að þeir sem verið hafa í starfi hjá sama atvinnurekanda og hafa ekki fengið að lágmarki 5,5% launahækkun frá 2. janúar 2007 til undirritunar samninga fái það sem á vantar. Ennfremur verði ákvæði fyrir þá sem skipt hafa um starf fram til 1. september 2007. Á árinu 2009 verði launaþróunartryggingin 3,5%.

Árið 2010 verði almenn launahækkun upp á 2,5%, auk fyrrgreindra taxtahækkana.

Landsamböndin innan ASÍ munu hvert fyrir sig funda með SA næstu daga til að ljúka sérmálum og þá er einnig verið að kappkosta að ljúka þeim sameiginlegu málum sem verið hafa á borði ASÍ gagnvart Samtökum atvinnulífsins.

Þessi niðurstaða byggir af hálfu aðildarsamtaka ASÍ á viðunandi aðkomu stjórnvalda.

Þetta virðast vera ásættanlegir samningar,enda þótt hækkun til þeirra lægst launuðu sé í lægsta kanti.Eftir á að koma í ljós hvað kemur til viðbótar frá ríkisstjórninni. Væntalega verður það einhver skattalækkun,ef marka má yfirlýsingu forsætisráðherra frá því í gær.Skattalækkun er á við kauphækkun.Það þarf að hækka skattleysismörkjin mjög myndarlega.

 

Björgvin Guðmundsson

 

 

Taxtar hækka um 18 þúsund

Ekki lækkar Seðlabankinn vextina

Bankastjórn Seðlabanka Íslands ákvað á fundi sínum að halda stýrivöxtum óbreyttum í 13,75%. Er þetta í samræmi við spá greiningardeilda. Bankastjórn mun kynna rök fyrir ákvörðun sinni á sérstökum fundi sem sjónvarpað verður á vef bankans klukkan 11. 

Vilhjálmur Egilsson framkvæmdastjóri Samtaka atvinnulífsins sagði í gær,að ef Seðlabankinn lækkaði ekki stýrivextina nú væru kjarasamningar í uppnámi. Það væri þá óvíst,að atvinnurekendur gætu staðið við kauptilboð sín. Vilhjálmur telur,að vaxtahækkanir Seðlabankans hafi gert ill verra. Vaxtahækkanirnar áttu að  lækka verðbólgu en það hefur ekki tekist. Hins vegar hafa vaxtahækkanirnar hækkað gengi krónunnar og valdið' útflutningsatvinnuvegunum erfiðleikum.Nú verður fróðlegt að sjá hvaða áhrif vaxtaákvörðun Seðlabankans hefur á gerð kjarasamninganna.Ef þeir fara upp í loft vegna hennar er Seðlabankinn búinn að valda verulegum erfiðleikum  í

islensku efnahagslífi.

Björgvin Guðmundsson

Óbreyttir stýrivextir

Ný könnun: Samfylking stærst flokka

Samfylkingin hefur mest fylgi allra stjórnmálaflokka samkvæmt skoðanakönnun sem gerð var fyrir vefsvæðið heimur.is dagana 5. til 7. febrúar. Samfylkingin fékk 38,8%,Sjálfstæðisflokkur 33,9%, Vinstri Grænir 11,9% , Framsóknarflokkur 8,6% og Frjálslyndir 6,7%.

Þetta er athyglisverð  niðurstaða. Sennilega tapar Sjálfstæðisflokkur þarna fylgi vegna klúðurs flokksins í borgarstjórn Reykjavíkur. Klúðrið er aðallega fólgið í því að láta borgarstjórastólinn af hendi og  kaupa Ólaf Magnússson með stólnum.Allir borgarfulltrúar flokksins stóðu að þeim kaupum. Ekki þýðir að kenna Vilhjálmi  einum um þau.Þá tapar Sjálfstæðisflokkurinn einnig á REI málinu og  framgöngu Vilhjálms í kastljósi. Fylgistap Sjálfstæðisflokksins var þó komið fam í Reykjavík áður en Vilhjálmur kom fram í kastljósi. Samfylkingin hefur staðið sig vel  í borgarstjórn Rvíkur og nýtur þess í framangreindri skoðanakönnun.

 

Björgvin Guðmundsson

Samfylkingin stærst allra flokka