Hvannadalshnjúkur heillar

Starfsfólk Símans sem lagði á Hvannadalshnjúk kl. 00:30 er komið á tindinn í góðu veðri og sendir nú út hljóð og mynd frá tjaldbúðum sínum frá tindinum í gegnum nýjan langdrægan 3G sendi sem settur hefur verið upp skammt frá Vatnajökli. Leiðangursstjóri er Haraldur Örn Ólafsson fjallagarpur.

Haraldur sagði að hópurinn myndi dvelja um klukkustund á toppnum og prófa sendingarbúnaðinn og símasambandið en síðan yrði haldið niður og reiknaði hann með um fjögurra tíma göngu til byggða.

„Það er alveg 360 gráðu tært útsýni. Maður sér Mýrdalsjökul alveg og inn á allt hálendið og Vatnajökul hér fyrir aftan okkur og inn í Kverkfjöll og um allt land má segja," sagði Haraldur Örn í samtali við Fréttavef Morgunblaðsins.

„Við höfum gengið jafnt og þétt og hópurinn í góðu formi, margir eru auðvitað pínu þreyttir en allir mjög sprækir," sagði Haraldur Örn. Hópurinn gekk fyrsta hluta leiðarinnar með ljós til að rata en þó var ekki algert myrkur og að sögn Haraldar var mjög gott veður alla leiðina.

 Í ferðinni eru 55 starfsmenn og 7 fararstjórar ásamt nokkrum meðlimum úr björgunarsveit Akraness sem ætla að halda stjórnarfund félagsins ofan af Hvannadalshjúknum.

Stór hópur göngugarpa undirbýr sig af kappi fyrir að ganga á Hvannadalshnjúk í sumar. Hefur hópurinn gengið á mörg fjöll að undanförnu,Eyjafjallajökul,Esjuna,Skarðsheiði og Hekla er a dagskrá.

 

Björgvin Guðmundsson

.

Til baka

Slóð: http://www.mbl.is/mm/frettir/innlent/2008/04/27/bein_utsending_fra_hnjuknum/
Skoðað: 2008-04-27 11:02
© mbl.is/Árvakur hf

mbl.is

• Markaðshandbók
• Hafðu samband
• mbl.is upphafssíða
• Sendu inn frétt
• Um mbl.is
• Veftré

Fréttir

• Forsíða
• Viðskipti
• Íþróttir
• Enski boltinn
• Fólk
• Veður

Þjónusta

• Auðlesinn mbl.is
• Fréttir í tölvupósti
• Fréttir vikunnar
• Hlaðvarp
• RSS straumar
• SMS þjónusta
• WAP og lófatölvur

Sérvefir

• Fasteignir
• Atvinna
• Bílar
• Smáauglýsingar
• Blog.is
• Barnaland
• 24 stundir

Morgunblaðið

• Áskrifendaþjónusta
• Blað dagsins
• Sendu inn efni
• Greinasafn
• Kynningaraskrift
• Myndasafn
• Lífshlaupið
• Gerast áskrifandi
• Sækja um starf
• Um Morgunblaðið

Leita á mbl.is Leita á íslenskum vefsíðum

mbl.is/Árvakur hf. © 2008
Hádegismóum 2, 110 Reykjavík
Sími:               569-1100       , Símbréf:               569-1110       
Fréttadeild mbl.is | Vefstjórn mbl.is

Bein útsending frá Hnjúknum

Áróður Staksteina gegn Samfylkingunni

Staksteinar Mbl. ráðast harkalega gegn Samfylkingunni.Segir í Staksteinum,að Samfylkingin sé ekki jafnaðarmannaflokkur  eða sósialdemokratiskur flokkur. Þetta er aðeins  flokkur Kvennalista og Alþýðubandalags segir Mbl. Til marks um þetta nefnir  höfundur  Staksteina,að Samfylkingin vinni ekki nóg í velferðarmálum jafnaðarmanna heldur hafi meira áhuga á feminista málum. Þetta er ekki nýr áróður í Mbl. Þessi áróður hefur verið rekinn í Mbl. allt frá því ríkisstjórnin var mynduð. Mbl. hefur frá byrjun verið á móti ríkisstjórn Samfylkingar og Sjálfstæðisflokks og blaðið hefur sérstaklega verið á móti  Ingiibjörgu Sólrúnu.Sami áróður var rekinn gegn Alþýðuflokknum á sínum tíma og sagt,að hann sinnti ekki málum  jafnaðarstefnunnar en stjórnmálasagan sýnir annað.Ég spái því að eins verði með Samfylkinguna.Enda þótt ég gagnrýni Samfylkinguna fyrir að vinna ekki nógu hatt í þessum málum tel ég,að hún muni um síðir koma stefnumálum jafnaðarmanna fram.

 

Björgvin Guðmundsson

Styrmir berst gegn aðild okkar að ESB

Styrmir Gunnarsson ritstjóri Mbl. berst nú hatrammlega gegn því,að Ísland  gerist aðili að Evrópusambandinu. Reykjavíkurbréfið fyrir viku var helgað þessari baráttu og aftur í dag.Í Reykjavæikurbréfi fyrir viku ræddi Styrmi erfiðleika  Spánar og Írlands og raunar að nokkru erfiðleika Ítalíu en öll þessi lönd eru í ESB.Styrmir sagði fyrir viku,að  þrátt fyrir mikla erfiðleika í efnahagsmálum gætu Spánverjar ekkert gert annað en að væla,þar eð þeir gætu ekki hreyft gengið eða vextina,Það væri í höndum Seðlabanka Evrópu. Gaf Styrmir til kynna,að  það væri vegna aðildar Spánar að ESB og Mynbandlagi Evrópu,sem illa væri komið fyrir Spáni og raunar væri það sama að segja um Írland. Jón Baldvin Hannibalsson fyrrverandi utanríkisráðherra svaraði Reykjavíkurbréfi Styrmis og kvað það alrangt  að það væri vegna aðildar að ESB að þessi lönd ættu í efnahagserfiðleikum.Þvert á móti hefði orðið mikill uppgangur í löndum þessum vegna aðildar að ESB. Áður hefði verið mikið atvinnuleysi í löndum þessum og lífskjör bág. Lífskjörin hefðu stórbatnað og  atvinna aukist mikið.- Styrmir heldur baráttu sinni áfram gegn ESB í dag í Rvíkurbréfi. Hann mun láta af starfi  ritstjóra í byrjun júní. Þá tekur við Ólafur Stephensen. Ólafur er mun hlynntari ESB en Styrmir.

 

Björgvin Guðmundsson

Gefa mat á Lækjartorgi

Nýstofnuð samtök sem nefna sig Matur ekki einkaþotur hyggjast gefa fátækum, heimilislausum og þeim sem vilja þiggja mat á Lækjartorgi klukkan eitt næstu laugardaga. Samtökin eru byggð á bandarískri fyrirmynd sem nefnist Food not bombs á ensku.

Matinn fá samtökin gefins hjá ýmsum stuðningsaðilum, verslunum og öðrum sem ekki vilja láta nafns síns getið. Einungis er boðið upp á grænmetisfæði til að allir geti notið matarins.

„Þetta er alþjóðleg hreyfing fólks sem pirrar sig á því hvað lítið sé gert í málefnum fátækra og heimilislausra en nægt fé er til fyrir stríðsrekstri," sagði Snorri Jónsson einn af aðstandendum hreyfingarinnar á Íslandi.

„Til að byrja með ætlum við að kalla samtökin Matur ekki einkaþotur þar sem það er ekki mikil tenging við sprengjur hér á Íslandi," sagði Snorri að lokum.

Fyrir eru tvenn samtök sem gefa fátækum mat og fleira, þ.e.  Mæðrastyrksmnefnd og Fjölskylduhjálpin.Mikil eftirspurn hefur verið eftir aðstoð þessara samtaka. Það  að nú skuli þriðju samtökin stofnuð í sama tilgangi bendir til þess að mikil þörf sé  fyrir slíka  aðstoð og mikil fátækt í þjóðfélaginiu.

 

Björgvin Guðmundsson

 

 

Matur ekki einkaþotur

Álverin menga minna

Losun gróðurhúsalofttegunda vegna álframleiðslu á Íslandi minnkaði um 22% frá árinu 1990 til 2006. Þetta gerðist þrátt fyrir tilkomu Norðuráls og kerskála 3 í Straumsvík en frá 1990 hefur álframleiðsla á Íslandi aukist úr 90.000 tonnum í  270.000 tonn árið 2005, samkvæmt upplýsingum frá Umhverfisstofnun.

Á sama tímabili hefur losun gróðurhúsalofttegunda hjá Alcan á Íslandi minnkað um 50%, samkvæmt upplýsingum frá Guðrúnu Þóru Magnúsdóttur, leiðtoga umhverfismála á þróunarsviði hjá fyrirtækinu, enda þótt framleiðslan hafi tvöfaldast, úr 88.000 í 180.000 tonn.

„Íslensk álver hafa almennt náð mjög góðum árangri í að draga úr mengun. Þau hafa allt að fjögurra ára aðlögunartíma frá því starfsemi hefst til að ná settu marki í þessum efnum og það hefur gengið upp,“ segir Kristján Geirsson, deildarstjóri hjá Umhverfisstofnun. Það má alltaf gera betur og Kristján segir enn svigrúm til að draga úr mengun frá álverum á Íslandi, það felist einkum í því að breyta fræðilegum leiðum í tæknilegar leiðir.

Það er ánægjulegt að álverin á Íslandi skuli hafa náð þetta góðum árangri í að takmarka losun gróðuhúsalofttegunda.Álver höfðu illt orð á   sér í þessu efni og hér hefur mikill áróður verið rekinn gegn álverum vegna mikillar mengunar þeirra en þau hafa sennilega verið höfð fyrir rangri sök.Hins vegar menga bílar og skip mikið hér á landi. En  hvað vilja íbúar gera til þess að draga úr útblæstri bíla. Vilja þeir nota bílana minna eða setja á þá búnað til þess að takmarka útblástur. Slíkur búnaður er dýr.

 

Björgvin Guðmundsson

 

Minni mengun frá álverum

Bankarni komi sér upp varasjóði

Geir Haarde forsætisráðherra segir það athyglisverða hugmynd hjá Björgólfi Guðmundssyni, stjórnarformanni Landsbankans, að stofnaður verði þjóðarsjóður. Geir vill hins vegar að bankarnir sjálfir komi sér upp varasjóði.

Björgólfur stakk upp á því í ræðu sem hann hélt á aðalfundi bankans á miðvikudag að Íslendingar kæmu sér upp þjóðarsjóði sem hefði tekjur af auðlindum lands og hugviti þjóðarinnar. Sjóðurinn myndi stuðla að stöðugleika og með honum væri unnt að verja efnahagslífið fyrir áföllum á borð við þau sem dunið hafa yfir undanfarna mánuði.

Björgólfur sagði að vildu Íslendingar halda sjálfstæðri efnahagsstjórn, eigin gjaldmiðli og óbreyttri þátttöku í alþjóðaviðskiptum, væri nauðsynlegt að koma upp mjög öflugum varasjóði.

Geir Haarde forsætisráðherra segir hugmyndina um þjóðarsjóð athyglisverða. Norðmenn hafi olíusjóðinn en íslenska lífeyrissjóðskerfið sé sambærilegt við hann. Það væri gagnlegt að byggja upp öflugan varasjóð. Á hinn bóginn megi halda því fram að skuldlaus ríkissjóður jafngildi varasjóði, því hann hafi mikla möguleika að afla sér fjármuna.

Ég tek undir þá hugmynd,að bankarnir  komi sér upp varasjóði. Ef einhverjir eiga að  leggja til hliðar vegma áfalla sem fjármálakerfið getur orðið fyrir eru það bankarnir. Mestu vandræðin í fjármálakerfinu í dag eru hjá bönkunum.Þeir verða   axla ábyrgðina.Þeir þurfa að leggja til hliðar og þeir þurfa að koma   sér út úr þeim erfiðleikum,sem þeir hafa komið sér í.

 

Björgvin Guðmundsson

 

 

« 

Græðir ríkisstjórnin á eldri borgurum

Það hefur áður komið fram,að það kostar ríkisstjórnina lítið sem ekkert að  draga úr tekjutengingum tryggingabóta vegna atvinnutekna aldraðra.Háskólinn á Bifröst kannaði og reiknaði út,að ef 30% eldri borgara  færu á vinnumarkaðinn fengi ríkið 4 milljarða í skatttekjur  á ári af atvinnutekjum þeirra. Það er nálægt því sem það kostar að  setja 100 þúsund króna frítekjumark á mánuði  vegna atvinnutekna aldraðra,þ.e, aldraðir mega hafa 100 þús. kr. á mánuði í atvinnutekjur án þess að það skerði lífeyrir þeirra frá almannatryggingum. En nú hefur komið fram,að ríkisstjórnin  sparar 3,3 milljarða króna á ári vegna þess að hún víkur frá samkomulagi sem gert var 2006 um breytingar  á lífeyrir lífeyrisþega vegna  nýrra kjarasamninga.Það var samið um það 2006,þegar samkomulag LEB og ríkisstjórnar var gert,að  við nýja kjarasamninga skyldi lífeyrir aldraðra og öryrkja miðaður við lágmarks tekjutryggingu í dagvinnu en ekki meðaltal  taxta lægstu launa. Nú var samið um 145 þúsund kr. lágmarks tekjutryggingu á mánuði  og enda þótt lífeyrisþegar hefðu átt að fá þá upphæð einnig fengu þeir ekki nema  135.900 kr. samkvæmt úrskurði fjármálaráðherra.Það vantar 9100 kr. á mánuði upp á það sem samið var um 2006 eða 3,3 milljarða á ári. Ríkið getur notað þessa 3,3 milljarða til þess að gera aðrar lítils háttar lagfræðingar fyrir aldraða og öryrkja  og kemur sennilega út með gróða!

 

Björgvin Guðmundsson

Ingibjörg Sólrún i Svalbarða í gær

Ingibjörg Sólrún Gísladóttir,utanríkisráðherra,sýndi á sér nýja hlið í gær,er hún kom fram í Svalbarða,nýjum sjónvarpsþætti Þorsteins Guðmundssonar.Það var létt yfir henni,hún hló og skemmti sér og  hafði gaman af viðtali Þorsteins og nýjum sjónvarpsþætti hans.Þorsteinn tók ítarlegt  viðtal við Ingibjörgu Sólrúnu  í léttum dúr. Hann ræddi m.a. öll ferðalög hennar og hvort þau  væru nauðsynleg. Ingibjörg Sólrún svaraði þeirri spurningu vel og rökstuddi skilmerkilega hvers vegna nauðsynlegt væri fyrir utanríkisráðherrann þyrfti að fara í öll þessi ferðalög. Þáttur Þorsteins,Svalbarði,er nýstárlegur. Þetta er sæmilegur þáttur,Þorsteinn er sjálfur mjög skemmtilegur,mikill húmoristi og góður  leikari.

 

Björgvin  Guðmundsson

útlit fyrir , að hjúkrunarfræðingar gangi út

Ólíklegt er að sættir náist fyrir 1. maí og það mun hafa mikil áhrif á þjónustu við sjúklinga eins og hjartasjúklinga sem þurfa að leita aðstoðar á skurðdeildum spítalans,“ segir Sigurður Guðmundsson, landlæknir, um deilur á milli skurð- og svæfingarhjúkrunarfræðinga og stjórnar Landspítala.

Ekkert miðar í samkomulagsátt í deilunni. „Það er enginn grundvöllur fyrir því að semja,“ segir Vigdís Árnadóttir, trúnaðarmaður skurðhjúkrunarfræðinga. „Við munum ekki hætta við vaktabreytingarnar,“ segir Anna Stefánsdóttir, settur forstjóri LSH.

Landlæknir segir erfitt að meta hversu lengi skurðdeildirnar geti haldið uppi neyðarþjónustu komi til uppsagna um hundrað hjúkrunarfræðinga. „Þolmörkin eru væntanlega nokkrir dagar en svo fer að gæta þreytu hjá þeim sem halda uppi þjónustunni,“ segir Sigurður.

Landlæknir ræddi við stjórnendur spítalans og starfsmenn í gær. Hann segir landlæknisembættið ekki blanda sér í kjaradeilur en þegar deilan fari að hafa áhrif á þjónustu við sjúklinga, „þá fer þetta að verða okkar mál,“ segir Sigurður.

„Við hófum samræður við starfsmenn deildanna fyrir fjórum árum og fólum fólki að vinna að ákveðnum hugmyndum sem ekki hefur gengið eftir,“ segir Anna Stefánsdóttir og vísar á bug orðum Erlu Bjarkar Birgisdóttur í Morgunblaðinu í gær um að hjúkrunarfræðingar hafi fyrst heyrt af breytingunum í janúar sl. „og við höfum tölvupósta sem sanna það,“ segir Anna. Neyðaráætlun verður kynnt opinberlega á miðvikudag.

Það er grafalvarlegt  mál,ef 96 hjúkrunarfræðingar ganga út. Landlæknir telur,að ekki  verði unnt að

halda uppi  bráðnauðsynlegri  þjónustu ( neyðarþjónustu) á spítalanum nema í fáa daga  eftir að 96 hjúkrunarfræðingar ganga út. Það er eitthvað mikið að á Landspítalanum og í yfirstjórn heilbrigðismála. Forstjórinn var flæmdur í  burtu þó öllum bæri saman um að hann væri mjög hæfur í starfi og hefði unnið gott starf.Það er skellt á róttækri breytingu á vaktafyrirkomulagi án samráðs við hjúkrunarfræðinga með þeim afleiðingum að þeir segja upp og hætta. Svona á ekki að reka fyrirtæki í dag.

Björgvin Guðmundsson

 

Stál í stál á Landspítala

Sala sumarleyfisferða eins og í metári!

Íslendingar taka ekkert mark á þessu  krepputali fjölmiðla og  stanslausum umræðum um efnahagsmál og  niðursveiflu.Þeir halda sínu striki og láta eins og allt sé í lagi:

 Sala sumarleyfisferða hjá ferðaskrifstofunum Heimsferðum og Terra Nova hefur verið með svipuðu móti í ár og á sama tíma í fyrra.

Þetta segir Tómas J. Gestsson, framkvæmdastjóri ferðaskrifstofanna, og bætir því við að árið 2007 hafi verið metár í sölu sumarleyfisferða. Tómas segir ekki hafa borið á afpöntunum upp á síðkastið og hafi hans fólk lítið orðið vart við niðursveiflu í efnahagslífinu. Sala haustferða hafi einnig farið óvenjuvel af stað hjá ferðaskrifstofunum.

Samkvæmt  þessu munu Íslendingar halda áfram að eyða á fullu á meðan þeir hafa vinnu og á meðan spá Seðlabankans um 30% lækkun fasteigna rætist ekki.

 

Björgvin Guðmundsson

 

Björgvin Guðmundsson