Nefnd Sþ. gagnrýnir Ísland fyrir seinagang í jafnréttismálum

Nefnd Sameinuðu þjóðanna um afnám allrar mismununar gagnvart konum (CEDAW) óskaði eftir frekari upplýsingum um ýmis atriði er sendinefnd Íslands kom fyrir nefndina þann 8. júlí.

Spurði nefndin meðal annars um það hversu sýnilegur samningurinn um afnám alls misréttis gegn konum væri í íslensku samfélagi og lagasetningu, hvort samningurinn sé nýttur sem bindandi lagatæki og hvort hann nái yfir öll svið þjóðfélagsins, t.d að því er varðaði fjölskyldu- og menntamál.  

Nefndin lýsti einnig vonbrigðum sínum með að engar fyrirætlanir séu um að lögfesta samninginn og lýsti þeirri skoðun að unnt væri að ná jafnrétti hraðar en gert væri t.d með því að styrkja aðgerðaráætlun gegn ofbeldi gegn konum og börnum frá 2006.

Nefndin fjallaði um takmarkaða þátttöku kvenna í stjórnmálum, að konur gegni sjaldnar áhrifastöðum, og frekar hlutastörfum, en karlar og óskaði upplýsinga um hvernig stjórnvöld hyggist vinna gegn þessum vanda. Þá bað nefndin um upplýsingar um hvernig stjórnvöld berjist gegn launamun kynjanna og lýsti áhyggjum sínum af fjölda nauðgana hér á landi og fáum kærum.

Nefndin ræddi einnig mansal og nektardansstaði á Íslandi og vakti máls á óskýrri löggjöf og takmörkuðum stuðningi við fórnarlömb mansals. Lagði nefndin áherslu á að stjórnvöld einbeiti sér að því að vernda fórnarlömb, í stað þess að beina helst athygli að gerendum.

Nefndin spurði jafnframt að því hvernig stjórnvöld fylgdust með tekjum nektarklúbbseigenda af vændi þar sem nú sé ólöglegt að þriðji aðili hagnist á vændi.  Jafnframt var fjallað um klám og dreifingu þess og hvort aðgerðaráætlunin gegn ofbeldi gegn konum og börnum feli í sér úrræði gegn útbreiðslu kláms.

 

Nefndin sagði þróunina á Íslandi þó jákvæða en heldur hæga og lagði áherslu á að Íslandi ætti þess kost að gera betur. Ísland geti verið fyrirmynd annarra ríkja þegar komi að þátttöku kvenna og jafnrétti á öllum sviðum samfélagsins.(mbl.is)

Það vekur nokkra undrun,að nefnd Sþ. skuli lýsa   vonbrigðum með afnám mismununar gagnvart konum  á  Íslandi.Nefndinni finnst ekki miða nóg áfram í jafnréttismálum. Væntanlega verða þessar aðfinnskur til þess að Íslendingar herði sig í þessum málaflokki.

 

Björgvin Guðmundsson

 

Nefnd SÞ lýsir vonbrigðum með Íslendinga

Fjölgað í starfsliði Íslands hjá ESB

Stefnt er að því að fjölga íslenskum starfsmönnum hjá framkvæmdastjórn Evrópusambandsins og fylgja þannig eftir tillögu Evrópunefndar forsætisráðherra. Fram kom í fréttum Útvarpsins, að tillögur þessa efnis væru til skoðunar í utanríkisráðuneytinu.

Útvarpið segir, að íslenskum stjórnvöldum hafi í nokkurn tíma staðið til boða að senda sérfræðing til starfa á skrifstofu framkvæmdastjóra sjávarútvegsmála en ekki nýtt sér það. Kostnaður við að senda starfsmenn út fellur að mestu leyti á Ísland þar á meðal launakostnaður.

Það er skynsamlegt að  fjölga í starfsliði Íslands hjá ESB. Það kemur sér vel vegna aðildar okkar að EES og það yrði góður undirbúningur fyrir inngöngu okkar í ESB.

 

Björgvin Guðmundsson

 

Íslenskum starfsmönnum fjölgað í Brussel

Fiskimenn í ESB fá 75 milljarða kr. í aukastyrk

Fiskimenn í ríkjum Evrópusambandsins fá sjötíu og fimm milljarða króna aukastyrk vegna ýmissa rekstrarerfiðleika að undanförnu meðal annars vegna síhækkandi eldsneytisverðs. Fiskimenn hafa látið mikið til sín taka að undanförnu vegna versnandi lífskjara.

Þeir hafa meðal annars efnt til mótmæla vegna hæEvrópusambandið ákvað í gær að veita greininni aukastyrk upp á 600 milljónir evra, jafnvirði 75 milljarða króna. Á móti þurfa fiskimenn að taka til í eigin ranni. Þeir eiga að leita leiða til að minnka vægi eldsneytis í heildarkostnaði við útgerðina, auka verðmæti afurðanna og draga úr afköstum, einkum með því að úrelda fiskiskip. Þá er gert ráð fyrir að fiskimenn fái beingreiðslur úr sjóðum Evrópusambandsins fyrir að hætta veiðum í þrjá mánuði á ári kkandi eldsneytisverðs og bent á að díselolían hefur hækkað um 240% frá árinu 2002 og svarar verð hennar nú til 60% af rekstrarkostnaði hvers togara í ESB ríkjunum. Þá hefur smásöluverð á fiski farið lækkandi að undanförnu að þeirra sögn.

að því tilskildu að þeir noti tímann til að endurskipuleggja reksturinn. Geri þeir það ekki þurfa þeir að skila fénu.

Framkvæmdastjórn Evrópusambandsins ætlar að íhuga að breyta reglum sínum um hámarksupphæð ríkisstyrkja til útgerða. Leyfilegt hámark er um þessar mundir 30.000 evrur á þremur árum á hvert fyrirtæki, jafnvirði tæplega fjögurra milljóna króna. Framkvæmdastjórnin segir að til greina komi að sá styrkur verði miðaður við hvert fiskiskip. Heildarupphæðin fari þó ekki yfir hundrað þúsund evrur á hverja útgerð. Framkvæmdastjórnin segir að ekki komi til greina að verða við kröfunni um að ESB greiði niður díselolíu á fiskiskipin. Það myndi ekkert hjálpa til við að bæta úr undirliggjandi vanda í greininni og vera ólöglegt að auki.

Þessar styrkveitingar ESB til fiskimanna eru athyglisverðar. Landbúnaður hefur alltaf notið mikilla styrkja en auk þess hefur fiskiskipaflotinn og útgerðin oft notið mikilla styrkja. Sjávarútvegur á Íslandi nýtur hins vegar engra styrjkja.

 

Björgvin Guðmundsson

 

« 

Ekkert gerist í málum aldraðra og öryrkja

Í dag er 16.júlí .Hinn 1.júlí átti að liggja fyrir framfærsluviðmið lífeyrisþega.En það er ekki komið enn,eða a.m.k hefur það ekki verið birt enn. Það kann að vera að embættismennirnir hafi skilað einhverjum tillögum 1.júlí  en ráðherrarnir liggja þá á þeim því það er sama hvað litla hækkun embættismennirnir leggja til þá mun fjármálaráðherra alltaf þykja hún of mikil.Það var búið að básúna það út að lífeyrisþegar ættu að fá leiðréttingu 1.julí ( kannski að fá það sem haft var af þeim 1.feb. sl.)En ekkert gerist enn. Ég sé ekki,að mál hafi neitt breytst til hagsbóta fyrir aldraða og öryrkja við tilkomu Samfylkingarinnar í ríkisstjórn. Ástandið er nákvæmlega eins og var þegar Framsókn  var í stjórn!

 

Björgvin Guðmundsson

Fjárhagur heimilanna þyngist.Margir leita til ráðgjafarstofu

Tugir manna hafa verið á biðlista eftir viðtali við ráðgjafa hjá Ráðgjafastofu um fjármál heimilanna undanfarna mánuði. Ásta Helgadóttir, forstöðumaður Ráðgjafastofunnar, hefur áhyggjur af ástandinu. „Það hafa allir áhyggjur. Og það á sjálfsögðu við um okkur, sem erum að aðstoða fjölskyldur í erfiðleikum," segir Ásta.

Í hádegisfréttum Stöðvar 2 í gær skoraði Jóhanna Sigurðardóttir félagsmálaráðherra á bankana að sýna fólki í fjárhagserfiðleikum skilning og koma til móts við það með greiðsluaðlögun. Jóhanna óttast að staða skuldara versni á næstu mánuðum. Þessar áhyggjur tekur Ásta undir og segir augljóst að blikur séu á lofti. Hún telur að bankarnir sýni fólki í fjárhagserfiðleikum skilning. Þeir taki til dæmis þátt í rekstri á Ráðgjafastofu um fjármál heimilanna. „En svo á bara eftir að koma í ljós í haust hvað þeir eru tilbúnir að ganga langt í því," segir Ásta.

Ráðgjafastofan lokaði vegna sumarleyfa þann 7. júlí síðastliðinn en verður opnuð aftur þann 5. ágúst. Ásta býst við að hún þurfi þá að fjölga starfsfólki til að anna eftirspurn.

Þessi lýsing kemur ekki á óvart. Lífskjörin hafa farið hríðversnandi,afborganir af lánum hafa rokið upp,eldsneytisverð hefiur stórhækkað og matvælaverð rýkur upp. Fólk stendur ekki undir þessu. Í gær sagði Ríkisútvarpið frá því,að gjaldþrotahrina væri skollin á!

 

Björgvin Guðmundsson

Hefur Samfylkingin eitthvað að gera i þessari ríkisstjórn?

Besti mælikvarðiunn á framfærslukostnað aldraðra er neyslukönnun Hagstofunnar. Í dag eru meðaltals neysluútgjöld   einhleypinga samkvæmt könnun Hagstofu Íslands 226 þús kr. á mánuði ( des, 2007)  Það er fyrir utan skatta.Þegar  sköttum  hefur verið bætt  við neysluútgjöldin verður talan  rúmar 300 þús. kr. á mánuði.Það þykja ekki há laun í dag. Það er þvi engin ofrausn að ákveða lífeyri aldraðra 226  þús.kr. á mánuði,þ.e. hjá þeim,sem einungis hafa tekjur frá almannatryggingum...Ég geri ekki ráð fyrir því, að menn vilja i láta lífeyrinn taka til skatta einnig.Einhleypur ellilífeyrisþegi,sem hefði 50 þús. kr á mánuði úr lífeyrissjóði fengi  25 þús. á mánuði meira í lífeyri en sá,sem ekki er í lífeyrissjóði.Vegna skerðinga tryggingabóta héldi hann ekki nema helmingnum af þessum 50 þús. kr. Vegna skerðinga tryggingabóta breytir ekki mjög miklu fyrir lífeyrisþega hvort hann hefur 50-100 þús.

á mánuði  úr lífeyrissjóði. Skattar og skerðingar taka mikinn hluta af þessum fjárhæðum til baka.Það er .því ekki stór munur á kjörum   þeirra eldri borgara,sem hafa einungis lífeyri frá almannatryggingum og þeirra sem hafa lágar greiðslur úr lífeyrissjóði.

Í dag er lífeyrir aldraðra einhleyinga frá Tryggingastofnun  tæpar 136 þús á mánuði fyrir skatta eða 121 þús.á mánuði eftir skatta.Hér er átt við þá,sem ekki hafa neinar  tekjur aðrar en bætur almannatryggnga.Samfylkingin lýsti því yfir fyrir síðustu þingkosningar,að hún mundi beita sér fyrir því,að lífeyrir aldraðra yrði hækkaður í sem svarar neysluútgjöldum  samkvæmt könnun Hagstofu Íslands,þ.e. í   226 þús kr. á mánuði fyriir einhleypinga. Þetta yrði gert í áföngum..Ég sé ekki hvers vegna er verið að leggja  þetta mál í hendur á nefnd embættismanna og aðila vinnumarkaðaris.Ef Samfylkingin vill efna þetta kosningaloforð sitt við aldraða á ráðherra Samfylkingarinnar,sem fer með málaflokkinn, að  efna það en ekki að skjóta sér á bak við einhverja nefnd eins og algengt er að ráðherrar geri.Samfylkingin verður að efna þetta kosningaloforð sitt.Hún komst til valda.m.a. og ef til vill fyrst og fremst vegna þessa  loforðs. Þess vegna þýðir ekkert fyriir Samfylkinguna að skjóta sér á bak við  embættismenn og fulltrúa vinnumarkaðarins.Þeir gáfu kjósendum engin loforð.Ef hins vegar það strandar á Sjálfstæðisflokknum að koma þessu kosningaloforði við aldraða í framkvæmd þá þarf að segja kjósendum frá .því. Ef Sjálfstæðisflokkurinn  hindrar framkvæmd á því máli,sem átti stærsta þáttinn í því að koma Samfylkingunni til valda, þá er rökrétt að Samfylkingin slíti stjórnarsamstarfinu.

Björgvin Guðmundsson

Skuldatryggingarálag bankanna hækkar mikið

Skuldatryggingarálag á skuldabréf íslensku bankanna hefur hækkað mikið undanfarna daga, eða um 10-16% það sem af er júlímánuði, og stefnir í svipuð gildi og þegar hæst lét í lok mars. Álag á bréf Kaupþings er nú 9,25% og Glitnis litlu lægra. Álag á bréf Landsbankans er hins vegar um 6,0%, samkvæmt upplýsingum frá Landsbankanum. Athygli vekur að á sama tíma hefur álag á bréf íslenska ríkisins lækkað um 7%.

Í Vegvísi greiningardeildar Landsbankans segir að markaður með skuldatryggingar íslensku bankanna sé fremur ógagnsær og viðskipti strjál þannig að erfitt sé að átta sig á ástæðum fyrir breytingum á skuldatryggingarálagi þeirra. Líklegt megi þó telja að hækkunin á álaginu undanfarið tengist áfram lítilli trú markaðsaðila á fjármálageiranum í heild sinni.(mbl.is)

Skuldatryggingarálag ísl. bankanna lækkaði þegar rætt var um það að ríkið ætlaði að taka stórt lán til þess að auka gjaldeyrisforða Seðlabankans.Talið var að aukinn gjaldeyrisforði  Seðlabankans mundi auka tiltrú á íslenska bankakerfið erlendis. Síðan hefur tíminn liðið án þess  að  nokkurt stórt lán hafi verið  tekið. Íslenskiu bankarnir standa illa að því leyti til,að þeir eiga  erfitt með að endurfjármagna sig. Þeir fá ekki lán erlendis nema á okurkjörum. Bankarnir höfðu farið óvarlega í  lántökum  og í rauninni hefði Seðlabankinn aldrei átt að leyfa bönkunum að skuldsetja sig eins mikið og þeir gerðu. En þar brást Seðlabankinn.

 

Björgvin Guðmundsson

 

Hækkandi skuldatryggingarálag

Verð á hráolíu fellur

Verð á hráolíu féll um átta dollara á tunnu í kjölfar ummæla Ben Bernanke seðlabankastjóra um versnandi horfur í efnahagslífinu. Þetta er fyrsta lækkun á olíuverði í viku. Olíutunnan fór undir 141 dollara í framvirkum samningum og S&P vísitalan hrundi í sitt lægsta gildi síðan 2005.(mbl.is)

Fróðlegt verður að  sjá hvernig verð á bensíni og dieselolíu þróast í kjölfarið.Skyldu íslensku oliufélögin  lækka verð á eldsneyti,þegar heimsmarkaðsverð lækkar. DV setur fram þá kröfu,að olíufélögin verði tekin til rannsóknar vegna verðlagningar sinnar á olíuvörum.

 

Björgvin Guðmundsson 

 

Hráolíuverð hrynur

Ólafur Ragnar tekur á ný við embætti 1.ágúst

Ólafur Ragnar Grímsson, forseti Íslands, verður settur inn í embættið að nýju þann 1. ágúst næstkomandi eins og venjan er. Hefur hann þá setið í þrjú kjörtímabil.

Athöfnin verður í Dómkirkjunni og verður síðan haldið í Alþingi þar sem Ólafur Ragnar mun flytja ávarp. Fjallað var um dagskrá embættistökunnar á fundi ríkisstjórnarinnar í dag.

Ólafur Ragnar hefur verið farsæll forseti. Hann hefur farið nýjar leiðir   í embættinu,beitt sér meira en fyrri forsetar fyrir útflutningsmálum og látið mikið að sér kveða í þeim málum og í vissum alþjóðamálum.

Björgvin Guðmundsson

 

Embættistaka forseta verður 1. ágúst

Aflinn 9,5% minni í ár en í fyrra

Heildarafli íslenskra skipa í júní, á föstu verði, var rúmlega 28% minni en í sama mánuði í fyrra. Aflinn hefur það sem af er árinu dregist saman um 9,5% miðað við sama tímabil 2007 sé hann metinn á föstu verði. Þetta eru bráðabirgðatölur frá Hagstofu Íslands. Aflinn var rúm 60.000 tonn í síðasta mánuði en ríflega 112.000 tonn í júní í fyrra.

Botnfiskafli dróst saman um tæp 14.000 tonn en um helmingur samdráttarins varð í veiði á úthafskarfa. Þorskaflinn dróst einnig saman um 3500 tonn og ýsuaflinn um tæp 900 tonn. Afli uppsjávartegunda í síðasta mánuði var rúm 30.000 tonn. Hann dróst saman um tæp 37.000 tonn frá júní í fyrra.

Þessi samdráttur stafar m.a.af niðurskurði á þorskkvóta.En að vísu hefur aflinn í heild dregist mun meira saman en þorskaflinn. Sjávarútvegurinn á í erfiðleikum um þessar mundir og væri full ástæða til þess að leyfa auknar þorskveiðar þar eð sjórinn er allur fullur af þorski,samkvæmt frásögn  sjómanna.

 

Björgvin Guiðmundsson