Guðjón Arnar:Lífeyrissjóðir skerði ekki tryggingabætur

Guðjón Arnar formaður Frjálslynda flokksins mælti fyrir frv. á alþingi í dag um að tekjur úr lífeyrissjóði skerði ekki tryggingabætur aldraðra og öryrkja.Hann leggur til,að sett verði frítekjumark  fyrir tekjur úr lífeyrissjóði,50 þús. á mánuði frá næstu áramótum og hækkað í 100 þús frá 1.jan. 2010.

Frá næstu áramótum munu tekjur vegna séreigna lífeyrissparnaðar ekki skerða tryggingabætur.Er það undarlegt,að tekjur úr lífeyrissjóðum,sem starfræktir hafa verið áratugum saman skuli skerða tryggingabætur en ekki séreignalífeyrissparnaður. Þetta verður að leiðrétta.

 

Björgvin Guðmundsson

Stefnir í einn ríkisbanka?

Uppstokkun bankakerfisins hér stendur nú fyrir dyrum.Þegar er ljóst,að Landsbankinn og Glitnir munu ekki starfa áfram í óbreyttri mynd. Í stað þeirra kemur  einn eða tveir  ríkisbankar,ef til vill með einhverju einkafjármagni.Meiri spurning er hvað verður um Kaupþing. Sá banki stendur einna best en þó er strax farið að halla undan fæti fyrir dótturfyrirtækjum  hans erlendis.Sumir spá því að myndaður verði einn ríkisbanki í stað  gömlu bankanna þriggja.Alla vega er ljóst,að íslenska bankakerfið mun minnka og  erlenda starfsemin verður skorin af hjá Glitni og Landsbanka og ef til vill hjá Kaupþingi líka.Síðan mun rísa innlendur banki,1 eða tveir,sem eingöngu verður ( verða) sniðinn að íslenskum aðstæðum. Bankakerfið verður þá líkt og það var áður en einkavæðingin átti sér stað.

 

Björgvin Guðmundsson

Sparifé Breta hjá Landsbankanum tryggt?

Forsætisráðuneytið hefur sent frá sér yfirlýsingu þar sem segir að ríkisstjórn Íslands meti mikils að bresk stjórnvöld hyggist tryggja að eigendur Icesave-reikninga Landsbankans í Bretlandi muni ekki tapa peningum á viðskiptum við Icesave.  Góðar líkur séu á að eignir Landsbankans muni standa undir stærstum hluta innistæðna á Icesave-reikningum Landsbankans í Bretlandi.

Yfirlýsingin er eftirfarandi: 

„Ríkisstjórn Íslands metur mikils að bresk stjórnvöld hyggjast tryggja að eigendur Icesave-reikninga Landsbankans í Bretlandi muni ekki tapa peningum á viðskiptum við Icesave.

Ríkisstjórnir landanna meta nú stöðuna og leita að viðunandi lausn fyrir alla aðila.

Með breytingu á lögum um innstæðutryggingar og tryggingakerfi fyrir fjárfesta eru innstæður gerðar að forgangskröfum ef kemur til skiptameðferðar. Góðar líkur eru á að eignir Landsbankans muni standa undir stærstum hluta innstæðna á Icesave-reikningum Landsbankans í Bretlandi.

Ríkisstjórnin ítrekar að ríkissjóður mun styðja Tryggingarsjóð innstæðueigenda og fjárfesta við öflun nægjanlegs fjár.

Ríkisstjórn Íslands er staðráðin í að láta ekki núverandi stöðu á fjármálamörkuðum skyggja á áralanga vináttu Íslands og Bretlands."

Alistair Darling, fjármálaráðherra Bretlands, lýsti því yfir í morgun að íslensk stjórnvöld hefðu sagt sér í gærkvöldu að þau myndu ekki standa við skuldbindingar um að tryggja hluta innlána á Icesave reikningum. Þá sagði Gordon Brown, forsætisráðherra, að höfðað yrði mál gegn Íslandi til að innheimta  féð ef  með þyrfti. (mbl.is)

Mál þetta var rætt á blaðamannafundi Geirs Haarde í  dag. Ekki kom skýrt fram hvernig farið yrði með það sem stæði út af þegar tryggingasjóður hefði greitt það sem honum bæri.Var helst að heyra,að samið yrði um það við Breta.

 

Björgvin Guðmundsson

 

 

.2008 | 15:37

Eignir standi undir Icesave

FME tekur yfir Glitnir

Fjármálaeftirlitið hefur tekið yfir rekstur Glitnis og skipað skilanefnd um rekstur bankans. FME segir að þetta sé gert til að tryggja fullnægjandi innanlandsstarfsemi bankans og stöðugleika íslensks fjármálakerfis. Stjórn Glitnis hefur verið boðuð til fundar í höfuðstöðvunum á Kirkjusandi kl. 8.30.

Þorsteinn Már Baldursson, stjórnarformaður Glitnis, segir stjórnina hafa óskað eftir því bréflega í fyrrakvöld að FME nýtti sér nýfengnar heimildir í lögum til að flýta fyrirhuguðum hluthafafundi þar sem samþykkt yrði að auka hlutafé félagsins um 600 milljónir evra í samræmi við hlutafjárloforð ríkisins.

Fjármálaeftirlitið hafi ekki svarað þessari málaleitan. Vegna þessa gat ekki orðið af innborgun hlutafjárins í gær. Með því varð ljóst að skilyrði laganna um skilanefnd ættu við.

Glitnir tilkynnti seint í gærkvöld að starfsemi bankans yrði óbreytt, öll bankaútibú opin og þjónusta með hefðbundnum hætti. Lárus Welding yrði áfram forstjóri og engar breytingar yrðu á starfsmannahaldi.(ruv.is)

Allt stefnir nú í það,að ríkið stofni  nýjan banka,1 eða 2 um innlendan rekstur Landsbanka og Glitnis en erlenda  starfsemin verði látin fara í þrot.Þetta sýnist skynsamleg leið,,þar   eð ríkið getur ekki ábyrgst allar erlendar skuldir bankanna.

 

Björgvin Guðmundsson