Krónan styrkist um 4%

Krónan styrktist um 4% í dag. Lokagildi gengisvísitölunnar er 161 stig en var 167,80 stig við opnun markaða. Veltan á millibankamarkaði nam 65,7 milljörðum króna, samkvæmt upplýsingum frá gjaldeyrisborði Glitnis. Gengi Bandaríkjadals er 80,45 krónur, evran er 125,29 krónur og pundið er komið niður fyrir 160 krónur á ný. Er 158,25 krónur.

Styrking krónunnar í dag um 4% er næst mesta styrking hennar á einum degi  frá því að flotgengisstefnan var tekin upp í mars 2001.

Það er merkilegt,að krónan skuli hafa styrkst svo  mjög

í dag sem raun ber vitni.Engin leið er að spá fyrir um framvindu krónunnar. Flestir sérfræðingar telja þó,að gengislækkun krónunnar muni ekki nema að litlu leyti ganga til baka. Fyrir daginn í dag  hafði  krónan veikst um 39 % frá áramótum.

Björgvin Guðmundsson 

Krónan styrktist um 4%

Mesti kaupmáttarsamdráttur í áratug

Kaupmáttarsamdráttur hefur ekki verið meiri í áratug segir Ólafur Darri Andrason, hagfræðingur ASÍ. Atvinnuástand versnar til muna með haustinu og fyrirtæki koma til með að segja upp fólki á næstunni segir Hannes G. Sigurðsson, aðstoðarframkvæmdastjóri Samtaka atvinnulífins.

Fram að þessu hefur almenningur ekki tekið mikið mark á yfirlýsingum ráðamanna um erfiðleika í efnahagslífinu. En menn geta ekki lengur stungið hausnum  í sandinn. Það er komið samdráttarskeið. Hvort sem það verður að kreppu eða ekki á eftir að koma í ljós.

 

Björgvin Guðmundsson

 

 

Hvert verður framfærsluviðmið lífeyrisþega?

Eftir  6 daga á framfærsluviðmið félags-og tryggingamálaráuneytisins að birtast.Það kemur þá í ljós

hvað það ráðuneyti telur,að lífeyrisþegar þurfi sér til framfærslu.Einhleypir ellilífeyrisþegar,sem einungis hafa tekjur frá almannatryggingum hafa í dag 136 þús. kr.  fyrir skatta.Ég hefi ekki trú á því,,að sú upphæð hækki mikið við nýtt framfærsluviðmið.Ef til vill hækkar hún um 15-25 þús. kr. á mánuði,þannig ,að lífeyrir þessa hóps eldri borgara fari í 150-160  þús á mánuði fyrir skatta.Samtök eldri borgara fara fram á 226 þús. kr á mánuði.Það er sú upphæð sem  Hagstofan telur á grundvelli neyslurannsókna,að einhleypingar þurfi til þess að standa undir neysluútgjöldum.Það er án skatta.Með sköttum þurfa þessir einstaklingar rúm 300 þús.á mánuði.Samfylkingin taldi einnig fyrir síðustu kosningar,að einhleypir ellilífeyrisþegar án lífeyrissjóðs þyrftu 226 þús. á mánuði.Flokkurinn vildi koma því stefnumáli í framkvæmd í áföngum.

 

Björgvin Guðmundsson

Yfirvinnubann hjúkrunarfræðinga 10.júlí. Lamast spítalinn?

Engin árangur náðist á fundi samninganefndar Félags íslenskra hjúkrunarfræðinga og samninganefndar ríkisins hjá ríkissáttarsemjara í dag. Af þeim sökum hefur Fíh boðað til yfirvinnubanns hjúkrunarfræðinga frá kl. 16 fimmtudaginn 10. júlí nk. Frá þeim tíma munu hjúkrunarfræðingar aðeins skila vinnuskyldu sinni í samræmi við umsamið starfshlutfall.

Hætt er við,að Landspítalinn lamist að verulegu leyti,þegar yfirvinnubannið skellur á.Það hefur verið nógu erfitt að halda spítalanum gangandi með fulltri yfurvinnu,hvað þá þegar yfirvinna leggst af.Það þarf að stórbæta kjör hjúkrunarfræðinga. Þau eru í dag alltof lág.

 

Björgvin Guðmundsson

 

Yfirvinnubann boðað

Virkjað í neðri Þjórsá?

Áætlun um gerð Holtavirkjunar og Hvammsvirkjunar er tilbúin eftir að breytingartillögur á aðalskipulagi Skeiða- og Gnúpverjahrepps voru samþykktar. Landsvirkjun ætlar að sækja um framkvæmdaleyfi en meðal kaupenda að orkunni er álverið í Straumsvík.

Tillaga að breytingu á aðalskipulagi Skeiða- og Gnúpverjahrepps var samþykkt samhljóða á fundi Hreppsnefndar. Breytingin felur í sér að Holtavirkjun og Hvammsvirkjun komast inn á skipulagið. Inntakslón Hvammsvirkjunar, Hagalón, verður myndað með stíflu í Þjórsá. Lónið verður 4,6 ferkílómetrar og mun stórt landsvæði fara undir vatn. Nokkrir bæir missa land undir lónið.

Fyrirhugaðar virkjunarframkvæmdir hafa sætt mikilli gagnrýni. Gunnar Örn Marteinsson, oddviti hreppsnefndar Skeiða- og Gnúpverjahrepps, segir breytingartillöguna vera nú til umsagnar hjá Skipulagsstofnun. Hann segir virkjunarframkvæmdirnar geta orðið vítamínsprauta fyrir atvinnulífið á svæðinu.

Friðrik Sophusson, forstjóri Landsvirkjunar, segir að fyrirtækið ætli að sækja um framkvæmdaleyfi fyrir Urriðafossvirkjun, Hvammsvirkjun og Holtavirkjun. Ekki er hins vegar búið að taka ákvörðun um það hvenær það verður gert. Friðrik segir Landsvirkjun vera með kaupendur að orkunni en búið er að skrifa undir samning við Verne Holding. Meðal annarra kaupenda er álverið í Straumsvík.

Mjög eru skiptar skoðanir um framangreindar virkjanir.Margir  telja,að hér sé um náttúruperlur að ræða,sem eigi að hlífa. Einnig er bent á,að laxveiðin á þessu svæði Þjórsár kunni að vera í hættu ef virkjað er þarna.Persónulegalega tel ég æskilegra að ráðast í gufuaflsvirkjanir og ef unnt er að fá nægilega  mikla rafirku frá slíkum vikjunum þá eigi að sleppa vatnaaflvirkjunum.

 

Björgvin Guðmundsson

 

Það fækkar við Kárahnjúka

Haldi einhver að framkvæmdum sé að mestu lokið við Kárahnjúkavirkjun þá er það hinn mesti misskilningur. Lætur nærri að um 700 manns verði þar að störfum í sumar. Það er vissulega langt frá fjöldanum þegar mest lét, hátt í 1.800 manns fyrir um tveimur árum, en engu að síður töluverður mannafli miðað við aðrar framkvæmdir á landinu þetta sumarið.

Aðalverktakinn, Impregilo, er enn með um 350 manns á sínum vegum. Borun lauk sem kunnugt er í apríl sl. og eru risaborarnir þrír farnir úr landi. Tveir eru þegar komnir í önnur verk hjá Impregilo, annar í Kína og hinn í Sviss.

Unnið er við frágang á Jökulsárgöngum, að taka niður tæki og mannvirki og fjarlægja vinnubúðir við aðgöng 1, 2 og 3, sem og aðalbúðirnar við Laugarás. Búist er við því að síðasti mannskapur Ítalanna ljúki sér af seint í haust.

Helstu virkjanaframkvæmdir við Kárahnjúka eru vegna Hrauna- og Jökulsárveitu austan Snæfells. Vegna gjaldþrots Arnarfells tók Landsvirkjun það verk yfir fyrr á árinu og bauð það síðan út. Ístak var ráðið til verksins og er þar nú með um 200 manns. Fljótlega verður fjölgað upp í um 250 manns. Verið er að klára að steypa inntak, sprengja jarðgöng við Kelduá og gera jarðvegsstíflur þar og við Grjótá. Reiknað er með að þessum framkvæmdum ljúki ekki fyrr en á næsta ári.

Að sögn Sigurðar St. Arnalds, talsmanns Kárahnjúkavirkjunar, er Hálslónið að fyllast á ný, eftir að hafa lækkað um eina 27 metra í vetur. Þar er búist við að lónið fyllist og ekki verði þörf á að veita vatni úr nærliggjandi veitum í ár.(mnl.is)

Enda þótt 700 manns sé talsverður mannafli er þetta þó aðeins brot af því sem mest var,1800 manns.Mikið af útlendingunum er farið til síns heima. Og eftir sumarið verða flestir farnir. Það helst einnig í hendur við lok framkvæmda eystra,að atvinnuleysi eykst nú innan lands og erlendum verkamönnum finnst ekki  árennilegt að vera hér.

 

Björgvin Guðmundsson

Um 700 manns við Kárahnjúka

Nýtt hjúkrunarheimili reist í Kópavogi

Bygging 44 rýma hjúkrunarheimilis sem reist verður við Boðaþing í Kópavogi hefur verið boðin út. Tilboð verða opnuð 22. júlí næstkomandi. Verkinu skal að fullu lokið eigi síðar en 1. desember 2009.

Heimilið verður tæpir þrjú þúsund fermetrar að stærð í tveimur tveggja hæða álmum sem verða tengdar þjónustumiðstöð sem þegar er í byggingu á vegum Kópavogsbæjar. Í hvorri álmu verða 22 hjúkrunarrými ásamt tilheyrandi stoðrýmum og starfsmannarýmum. Áætlaður heildarkostnaður við framkvæmdirnar er tæpar 940 milljónir króna. Hlutur ríkisins af kostnaði er 85%, þar af 40% sem greiðast úr Framkvæmdasjóði aldraðra en Kópavogsbær greiðir 15%.

Framkvæmdasýsla ríkisins hefur auglýst eftir tilboðum í framkvæmdirnar fyrir hönd félags- og tryggingamálaráðuneytisins og Kópavogsbæjar og var verkið boðið út á Evrópska efnahagssvæðinu.

Útboðsgögn eru til sýnis og sölu hjá Ríkiskaupum í Borgartúni 7c í Reykjavík og vettvangsskoðun verður haldin 24. júní klukkan 13–14. Tilboð verða opnuð 22. júlí næstkomandi.(mbl.is)

Í gær skýrði ég frá byggingu hjúkrunarheimlis við Suðurlandsbraut í Reykjavík. Og nú greini ég frá byggingu hjúkrunarheimilis í Kópavogi. Ríkið greiðir 85% af báðum þessum heimilum.Heimilið í Kópavogi verður tilbúið fyrr eða 2009 en heimilið í Rvk. verður ekki tilbúið fyrr en 2010.

 

Björgvin Guðmundsson

 

Bankarnir græða 80 milljarða á gengislækkuninni

Stóru viðskiptabankarnir þrír, Kaupþing, Landsbankinn og Glitnir, hafa haft rúmlega 80 milljarða í tekjur á öðrum ársfjórðungi þessa árs vegna veikingar krónunnar, sé mið tekið af gjaldeyrisstöðu bankanna eins og hún var í lok fyrsta ársfjórðungs.

Tekjur Kaupþings eru mestar; milli 40 og 45 milljarðar. Tekjur Landsbankans eru tæplega 20 milljarðar og Glitnis litlu minni, í kringum nítján milljarðar.

Edda Rós Karlsdóttir, hjá greiningardeild Landsbankans, segist ekki telja bankanna vera vísvitandi að fella gengi krónunnar. „Ég hef ekki trú á því einhver bankanna standi að þessu,“ segir Edda. „Ég lít svo á að krónan sé of veik. Þessi staða gengur ekki til lengdar, það gefur auga leið. Fólk má ekki gleyma því þegar það talar um veikingu krónunnar að hún kemur illa við viðskiptavini banka og einnig bankana sjálfa til lengri tíma,“ segir Edda.

Krónan styrktist um 0,18 prósent í gær en hefur veikst um rétt um tíu prósent frá því í lok mars.

Vilhjálmur Bjarnason, framkvæmdastjóri Samtaka fjárfesta, segir marga tapa á veikingu krónu.(mbl.is)

  Það er  full ástæða til þess að Seðlabankinn og Fjármálaeftirlitið rannsaki hvort bankarnir séu vísvitandi að stuðla að veikingu krónunnar með gjaldeyrisbraski í þeim tilgangi að hagnast á því. Þetta gerðist einnig á fyrra uppgjörstímabili bankanna,að þeir högnuðust mikið á veikingu krónunnar.Vissulega vekur þetta tortryggni.

 

Björgvin Guðmundsson

.

 

Bankarnir fá 80 milljarða

Obama sigurstranglegur

Barack Obama, forsetaframbjóðandi bandarískra demókrata hefur aukið forskot sitt á John McCain, frambjóðanda repúblíkana, samkvæmt nýrri skoðanakönnun bandarískra stórblaðsins Los Angeles Times.

Samkvæmt könnuninni nýtur Obama nú stuðnings 49% kjósenda en  McCain nýtur stuðnings 37%.

Könnunin sýnir einnig að mikill meirihluti stuðningsmanna Hillary Clinton, sem barðist um það við Obama að verða forsetaefni flokksins, hafi ákveðið að styðja Obama. Segast einungis 11% þeirra ætla að kjósa McCain.-

Hillary Clinton hefur nú lýst yfir stuðningi við Obama og hefur með því lagt sitt af mörkum til þess að skapa samstöðu í demokrataflokknum um frambjóðanda. Væntanlega sigrar Obama. Það er kominn tími til þess að demokrati flytjist í Hvíta húsið eftir valdatímabil Bush.

 

Björgvin Guðmundsson

 

Forskot Obama eykst

Sjálfstæðisflokkurinn í Rvk. afhendir einkaaðilum Droplaugarstaði,sem borgin reisti

Reykjavíkurborgvill leita eftir samstarfi við aðra um rekstur hjúkrunarheimilisins Droplaugarstaði, að sögn Jórunnar Frímannsdóttur, formanns velferðarráðs Reykjavíkur. Í dag hyggst hún leggja fram tillögu á fundi ráðsins um að óskað verði eftir leyfi heilbrigðisráðuneytisins til þess fá nýjan aðila til að reka hjúkrunarheimilið. Samstaða er um málið í meirihluta borgarstjórnar, að sögn Jórunnar.

Fáist leyfi ráðuneytisins kvaðst Jórunn búast við að gerður yrði þjónustusamningur um rekstur Droplaugarstaða. „Við [Reykjavíkurborg] verðum áfram ábyrg, nema ríkið sé tilbúið að taka Droplaugarstaði að sér – sem það hefur ekki verið,“ sagði Jórunn.

Droplaugarstaðir hafa verið reknir með halla í mörg ár. Sagði Jórunn að hann stefndi í að verða 40-50 milljónir króna á þessu ári. Viðræður hafa staðið yfir við heilbrigðisráðuneytið því borginni hefur ekki tekist að lækka rekstrarkostnaðinn. Jórunn sagði slæmt að horfa á eftir skattpeningum í hallarekstur. Borginni veitti ekki af þeim fjármunum til að veita lögbundna þjónustu, en rekstur hjúkrunarheimilis félli ekki undir hana.

Jórunn sagði það hafa verið nefnt m.a. við Grund, Hrafnistu og Sóltún að taka við rekstri Droplaugarstaða. Engar formlegar viðræður hefðu þó farið fram eða neinar tölur verið sýndar um reksturinn. „En við vitum að það er áhugi á að skoða það,“ sagði Jórunn. Hún segir alls óvíst að nokkur sé tilbúinn að reka Droplaugarstaði á daggjöldum eða treysti sér til þess. Með því að samræma rekstur Droplaugarstaða annarri skyldri starfsemi megi ef til vill ná fram hagræðingu sem geri það kleift að reka hjúkrunarheimilið á daggjöldum. Stærð Droplaugarstaða sé óhagkvæm og ef til vill eigi það stóran þátt í því að ekki hefur tekist að ná niður hallarekstrinum.

Borgin á einnig hjúkrunarheimilið Seljahlíð sem líka hefur verið rekið með tapi. Í Seljahlíð er nú leitað nýrra leiða í rekstrinum og stefnt í auknum mæli að því að fara út í íbúðaform með mikilli heimaþjónustu og lofar sú breyting góðu, að sögn Jórunnar.

( mbl.is)

Það er ljóst,að Sjálfstæðisflokkurinn í Reykjavík stefnir nú að því að einkavæða hjúkrunarheimilin í Rvk.Flokkurinn þarf ekki að halda,að reksturinn verði ódýrari í höndunum á einkaaðilum. Ef íhaldið afhendur einkaaðilum hjúkrunarheimilin mun það láta vistmenn greiða það sem á vantar til þess að reksturinn standi undir sér. Svo einfalt er það. Íhaldinu finnst þægilegra að láta einkaaðila rukka slík aukagjöld heldur en að láta borgina gera það.Það   má ræða um að spara og skera niður og hagræða í samvinnu við Grund og Sóltún,  það er  rætt um að  spara  en það er búið búið skera þennan rekstur inn  að beini. Landspítalinn bauð út rekstur heilabilunardeildar spítalans á Landakoti. Grund bauð í  og gat ekki rekið deildina fyrir sömu peninga og  Landspítaalinn hafði gert. Grund fékk því hærri upphæð.Landspítalinn hefði alveg eins getað haldið þessum rekstri áfram og greitt meira fyrir hann. Eins verður þetta með .Droplaugarstaði. Þetta verður boðið út. Einkaaðilar bjóða hærri upphæð en það hefur kostað borgina að reka staðinn og borgin greiðir háu upphæðina með glöðu geðii,Síðan rukka einkaðilar einnig aukagjöld.Einkarekstur er trúaratriði  hjá íhaldinu.Þetta er hreinn skrípaleikur.

 

Björgvin Guðmundsson

 

T

 

Áform um breyttan rekstur Droplaugarstaða