ASÍ segir sig frá stöðugleikasáttmálanum

Miðstjórn ASÍ gagnrýnir ríkisstjórnina harðlega fyrir að standa ekki við fyrirheit um starfsendurhæfingu í stöðugleikasáttmálanum og samtökin hafa því ákveðið að segja sig formlega frá stöðugleikasáttmálanum. Lögbinding þessara ákvæða var síðasta hálmstráið sem rökstuddi aðild ASÍ að sáttmálanum að því er segir í tilkynningu frá ASÍ. „Nú er sú von að engu orðin og lýsir miðstjórn ASÍ því formlega yfir að engar forsendur eru fyrir aðkomu þess að frekari samstarfi á þeim grunni."

Þannig segir í ályktun ASÍ um málið.Ljóst er,að ASÍ vill losna undan stöðugleikasáttmálanum áður en hafinn verður undirbúningur nýrra kjarasamninga. Áður hefur SA sagt sig frá sáttmálanum. Ekki er þó vist,að auðveldara verði að ná nýjum kjarasamningum þó þessir aðilar segir sig frá stöðugleikasáttmálanum. Eins og ástandið er í þjóðfélaginu og á vinnumarkaðnum er engin von til þess að ná nýjum kjarasamningum án atbeina stjórnvalda. Svigrúmið er hins vegar mjög  lítið´.

Björgvin Guðmundsson