Sá,sem fær 50 þús. á mánuði frá lífeyrissjóði fær aðeins 134.140 á mánuði fyrir skatt frá TR

Á heimasíðu Tryggingastofnunar er nú unnt að sjá útreikning á tryggingabótum eftirr að ákveðið var á alþingi að hækka lágmarksframfærslutryggingu um 2,3%.(verðbætur).Hjá einhleypum ellilífeyrisþegum,sem ekki hafa aðrar tekjur en frá TR er lífeyrir nú 184,140 fyrir skatt.Lífeyrisþegi,sem hefur 50 þús. á mánuði frá lífeyrissjóði hefur 134.140 kr. á mánuði frá TR.Hann hefur því ekki meira samanlagt frá TR og lífeyrissjóði en sá,sem aldrei hefur greitt í lífeyrissjóð. Til hvers er verið að greiða í lífeyriissjóð alla ævi ef ríkið hirðir lífeyrinn,þegar hann á að koma til útborgunar á efri árum. Er þetta löglegt?

 

Björgvin Guðmundsson

Athugasemdir

[Kristján P. Gudmundsson, 10.1.2011 kl. 18:51]

Það eru allir stjórnmálaflokkar samsekir um þessa meðferð, sem við aldraðir og öryrkjar höfum sætt og verðum að sæta enn um sinn. Það skiptir í þessu sambandi engu, hvort fjármálaráðherrann er hægri eða vinstri maður. Ennfremur þarf að afnema tvísköttun lífeyris, þegar þjóðarskútan hefur rétt sig af í náinni framtíð.

Kveðja, KPG.