Hagvöxtur 2,7% í ár

Hagstofa Íslands hefur í dag gefið út þjóðhagsspá á vetri í ritröð sinni, Hagtíðindum. Spáin nær til áranna 2012 til 2017. Í henni er m.a. gert ráð fyrir að landsframleiðsla aukist um 2,7% á þessu ári og 2,5% 2013. Aukin einkaneysla og fjárfesting eru að baki hagvextinum. Samneysla stendur nær því í stað 2012 til 2014.

Vöxtur einkaneyslu og bati á vinnumarkaði var góður á fyrri helmingi 2012, en hefur slaknað nokkuð á þriðja ársfjórðungi. Verðbólguhorfur eru stöðugar en viðskiptakjör hafa versnað lítillega. Fjárfesting eykst en er áfram lítil í sögulegu ljósi.

Hagstofan gaf síðast út þjóðhagsspá 5. júlí síðastliðinn og er ráðgert að gefa út næstu spá í lok mars 2013.( Hagstofan)

Það telst mjög gott eins og ástandið er í Evrópu í dag,að hagvöxtur skuli vera 2,7% hér á landi í ár.T.d. er hagvöxtur aðeins 1% í Bretlandi og í  öðrum nágrannalöndum okkar er hagvöxtur miklu minni en hér.Stjórnarandstaðan hefur samt sem áður gert lítið úr hagvextinum hér og sakað ríkisstjórnina um aðgerðarleysi í þeim efnum.En miðað við hagvöxt úti í Evrópu  og  ástand atvinnumála þar getur Ísland vel við unað.

 

Björgvin Guðmundsson