40 ára afmæli hægri umferðar

Horfið var aftur til vinstri umferðar eitt andartak í Reykjavík eftir hádegið í dag, þegar sviðsettur var sá sögulegi atburður er skipt var í hægri umferð á Íslandi fyrir 40 árum. Bíl var ekið af vinstri akrein yfir á þá hægri, líkt og fyrst var gert að morgni 26. maí 1968.

Akreinaskiptin voru sviðsett á sama stað og þau fóru fram fyrir 40 árum, og undir stýri á gömlum Rambler var Valgarð Briem, sem ók þá fyrstur yfir á hægri akrein. Við hlið hans nú sat Kristján Möller samgönguráðherra, og í nýtísku tvinnbíl á eftir þeim kom Geir H. Haarde forsætisráðherra.

Það var Umferðarráð sem stóð að sviðsetningunni í dag, og að henni lokinn var efnt til hátíðarsamkomu í lestrarsal Þjóðmenningarhússins við Hverfisgötu, þar sem Kristján flutti stefnuræðu sína í umferðaröryggismálum.

Það verður að segjast eins og er,að breytingin yfir í hægri umferð fyrir 40 árum tókst sérstaklega vel.Hygg,að  það hafi verið vegna þess að undirbúningur var góður og kynning þar á meðal góð.Nú er engu líkara en hægri umferð hafi alltaf verið við  lýði hér.

 

Björgvin Guðmundsson

 

Sögulegur atburður endurtekinn

Athugasemdir

[Morten Lange, 26.5.2008 kl. 16:52]

Framtíðarökutæki þétbýlis var svo aftast í lestinni á myndbandinu sem og í 1968 að mér skilst.   En þá tala ég auðvitað um reiðhjólið sem framtíðarökutækið.