Björn Bjarnason vill taka upp evru?

Björn Bjarnason, dóms- og kirkjumálaráðherra, veltir því upp í pistli á heimasíðu sinni hvort Íslendingar eigi að láta á það reyna tengjast Evrópusambandinu eftir evruleið fremur en aðildarleið.

Björn bendir á að Íslendingar hafi valið þann kost, að tengjast ESB eftir tveimur meginleiðum: með EES-samningnum og Schengen-samkomulaginu.

„Hvernig væri að láta reyna á það á markvissan hátt, hvort unnt sé að setja þriðju stoðina undir þetta samstarf, það er um evruna? Engin lagarök eru gegn því, að það verði gert. Mun meiri pólitísk sátt yrði um þá leið en aðildarleiðina. Evruleiðin kann auk þess að hafa meiri hljómgrunn í Brussel en aðildarleiðin,“ segir Björn.(mbl.is)

Það er mjög athyglisverð skoðun sem Björn setur hér fram.Hann vill taka upp evru án þess að ganga í ESB. Vandinn er aðeins sá,að það er ekki unnt. Það er ekki unnt að ganga í myntbandalag Evrópu og taka upp evru án aðildar að ESB.Norðmenn könnuðu þessa leið 1999-2000. Ég var þá að vinna við sendiráð  Íslands í Oslo og fylgdist vel með málinu. Bondevik forsætisráðherra Noregs fór til Brussel og lagði fram beiðni um upptöku evru af hálfu Noregs án aðildar að ESB. Þvi var hafnað.Ég reikna með,að eins færi með erindi  Íslands.

 

Björgvin Guðmundsson

Evruleið fremur en aðildarleið?

Athugasemdir

[Londoner (IP-tala skráð) 13.7.2008 kl. 17:28]

Vissulega er satt að Noregsmenn hafi skoðað þessa leið 99-00, hins vegar er alveg ljóst að núna, með í huga ESB vandræðin í kringum Lissabon sáttmálann og að sjálfssögðu stríðsins gegn hryðjuverkum, þá er alveg ljóst að ESB sér nú tækifæri til að ná sterkari stöðu en dollarinn og ná sér úr drullunni sem Írarnir komu ESB í, sem er dýrmæt staða.

[B.N. (IP-tala skráð) 13.7.2008 kl. 18:40]

Vita menn að Stóra-Bretland og Írland eru ekki í Schengen þrátt fyrir að þau séu í ESB. Þar tel ég að sérstaða þeirra sem eylönd hafi skift sköpum í þeirra afstöðu að vilja standa utan við Schengen-samkomulaginu. Það hefur alltaf vakið mér furðu hvers vegna eyland á norðurhveli jarðar hafi séð ástæðu tl að skrifa undir þennan samning sem virðist m.a. hafa opnað leið fyrir erlend glæpagengi að koma hingað til lands frekar en áður. Ég legg til að evran sem á að vera svo mikill bjargvættur og hjálpa okkur þegar sverfir að að hún verði kölluð sverfan en ekki evra þá erum við búnir að íslenska það orð jafnframt hefur í sér falið hvers vegna evran er svo góð. Sverfan þegar sverfir að!!! 

Baldvin Nielsen, Reykjanesbæ evru -og sverfufræðingur

[Edda (IP-tala skráð) 13.7.2008 kl. 23:00]

"Man kan ikke baade blæse og have mæl i munden" segja danir.....   en ég er nú alveg hjartanlega sammála "Londoner" í þessu máli... og þannig lagað líka "B.N" .... að vissu marki.