Myndarlegt sjóminjasafn í Reykjavík

Nokkur sjóminjasöfn starfa nú hér á landi eins og eðlilegt er hjá  þjóð,sem lengst af hefur lifað af sjósókn.Víkin - Sjóminjasafnið í Reykjavík  tók formlega til starfa 1. janúar 2005.

Stofnendur voru Reykjavíkurborg og Reykjavíkurhöfn og var rekstrarframlag

frá þeim hvoru um sig kr. 10 milljónir. Máttarstólpar safnsins eru

Eimskipafélag Íslands, HB Grandi og Glitnir og var sameiginlegt

framlag þeirra kr. 10 milljónir á árinu.

Á fyrsta fundi stjórnar  3. janúar það ár var Sigrún Magnúsdóttir ráðin

forstöðumaður. Ennfremur var ákveðið að fyrsta sýning safnsins yrði í tilefni

af aldarafmæli togaraútgerðar á Íslandi.

 

Leigusamningur um húsnæðið að

Grandagarði 8 var undirritaður milli

Faxaflóahafna og safnsins. Hann nær til

ársins 2030 og kemur þar m.a. fram að

safnið getur ráðstafað húsnæðinu skv.

sínum þörfum, m.a. breytt innveggjum

öðrum en burðarveggjum.

Unnið var að teikningum að útliti og

nýtingu hússins. Ekki er

komið í höfn endanlegt samkomulag um

útlit hússins. Safnið óskaði eftir

samkomulagi um að aðskilja inngang

safnsins frá inngöngum annarra aðila,

sem þótti nauðsynlegt fyrir starfsemi þess.

 

 Fram  fór standsetning safnsins að því marki sem þörf krafði til að unnt væri að

opna sýningu á 2. hæð í sumarbyrjun. Svalir voru steyptar við

norðausturenda hússins og brunastigi smíðaður frá þeim.

Gaflinn norðanmegin var opnaður fyrir stórum sýningargripum

og síðan lokað með dyrum og stórum glugga. Í aðalsal og

víðar var komið fyrir sýningarlýsingu. Í anddyri voru veggir

tveggja herbergja fjarlægðir. Skrifstofuálma var lokuð af. Lyfta

var sett í lyftustokk.Unnið var að aðgengismálum fyrir fatlaða og öryggisatriðum.

Stofnstyrkur til safnsins fékkst frá fjárlaganefnd Alþingis, kr. 5

milljónir. Sama upphæð hafði fengist árið 2004 frá sama aðila

og kom hún einnig að góðum notum.

Það er fagnaðarefni,að sjóminjasafnið í Reykjavík skuli hafa komist á fót. Safnið er hið myndarlegasta og Sigrúnu Magnúsdóttur,forstöðumanni,til sóma.

Björgvin Guðmundsson

 

Guðjón Arnar vill leyfa að veiða 220 þús. tonn af þorski

Guðjón A. Kristjánsson, formaður Frjálslynda flokksins, sagði á fundi  landsráðs flokksins á Laugarvatni í morgun, að grípa þurfi til aðgerða í fiskveiðistjórnun og setja á jafnstöðuafla, 220 þúsund tonna þorskveiði árlega næstu þrjú árin. Síðan verði árangurinn metinn. 

„Ég spái því að hann verði betri en það sem við höfum gert frá 1984 með kvótabraskkerfinu," sagði Guðjón. „Árangursleysi núverandi kvótakerfis í tæplegan fjórðung úr öld er algert. Markmiðin um trausta atvinnu og  byggð í landinu samfara uppbyggingu fiskistofna hafa alls ekki náðst. Nú er nóg komið af pólitískri fiskifræði og stjórnarstefnunni um samþjöppun veiðiheimilda á fáar hendur sem Sjálfstæðisflokkurinn hefur fengið ráðið í 17 ár samfelt. Því verður að linna. Þjóðin á auðlindina en hvorki Hafró né heillum horfinn Sjálfstæðisflokkur við völd í skjóli Samfylkingar."

Guðjón lagði einnig til, að á næstu þremur árum verði öll leiga og sala kvóta milli útgerða stöðvuð frá og með næstu áramótum og sett verði lög um það að aðeins ríki og sveitarfélög megi leigja kvóta til útgerðar. 

Þá lagði hann til, að á hverju næstu þriggja ára verði 150 þúsund tonn í aflahlutdeildarkerfinu hvert ár. 25 þúsund tonn verði í byggðapotti næstu tvö ár og síðan 10 þúsund tonn, þriðja árið.

Loks lagði Guðjón til, að loðnuveiðar verði ekki leyfðar næstu tvö ár, nema því aðeins að veiðistofn loðnu mælist yfir 800 þúund tonn. 

Þetta eru  róttækar tillögur hjá Guðjóni.En það vantar í þær hvernig á að bregðast við áliti Mannréttindanefndar um mannrettindabrot.Hugmyndir hans duga ekki sem lausn. 

 

Bj0rgvin  Gudmundsson

 

 

 

220 þúsund lesta jafnstöðuafli

Kostnaður við Baugsmálið 1 milljarður?

Ingibjörg Sólrún Gísladóttir, utanríkisráðherra, hefur sent frá sér yfirlýsingu vegna Baugsmálsins þar sem fram kemur að hún telji bersýnilegt að dómstólar kveða upp úr um að umfang rannsóknarinnar og ákæranna sem gefnar voru út upphaflega var alls ekki í samræmi við tilefnið.

Yfirlýsing Ingibjargar Sólrúnar Gísladóttur formanns Samfylkingarinnar vegna málalykta í Hæstarétti í gær:

„Víðfeðmasta opinbera rannsókn síðari ára sem hófst í tilefni af tilteknum kreditreikningi, hefur nú verið til lykta leidd í Hæstarétti Íslands eftir sex ára meðferð í réttarkerfinu sem kostað hefur ógrynni fjár. Hæstiréttur veitti öllum sem komu að útgáfu þessa tiltekna reiknings sýnilega jafna og réttláta málsmeðferð. Bersýnilegt er að dómstólar kveða upp úr um að umfang rannsóknarinnar og ákæranna sem gefnar voru út upphaflega var alls ekki í samræmi við tilefnið. Óhjákvæmilega hljóta íslensk stjórnvöld að draga lærdóma af þessari útkomu."

Talið er,að heildarkostnaður við Baugsmálið hafi verið 1 milljarður króna. Það er langt siðan ljóst var,að engar alvarlegar sakargiftir voru hér á ferð. Þegar héraðsdómur sýknaði sakborninga af flestum ákæruatriðum hefði ákæruvaldið átt að láta þar við sitja. Þá hefði mátt spara verulega fjármuni. En þaðtvar haldið  áfram að grafa og leita með litlum árangri.

  Björgvin Guðmundsson

 

Rannsókn og ákæra ekki í samræmi við tilefnið

Byrjað að grafa fyrir álveri í Helguvík

Skrifað var nú síðdegis undir samning milli Norðuráls og Íslenskra aðalverktaka um byggingu kerskála við væntanlegt álver Norðuráls í Helguvík. Var fyrsta skóflustungan að kerskálanum síðan tekin en undirritunin fór fram á kerskálalóðinni.

Viðstödd undirritunina voru m.a. Björgvin G. Sigurðsson, viðskiptaráðherra, Árni M. Mathiesen, fjármálaráðherra, John P. O Brien, stjórnarformaður  Century Aluminum, móðurfélags Norðuráls, Árni Sigfússon, bæjarstjóri Reykjanesbæjar og Oddný Guðbjörg Harðardóttir, bæjarstjóri sveitarfélagsins Garðs. Tóku þau öll skóflustungu á álverslóðinni. 

Ekki verður aftur snúið. Bygging álvers í Helguvík er hafin.Það undarlega er,að ríkisstjórnin þarf ekki að leyfa bygginguna. Það er sveitarstjórnin sem gefur leyfi'.Sjálfsagt verða áfram skiptar skoðanir um það hvort rétt hafi verið að leyfa bygginguna nýs álvers.

 

Björgvin Guðmundsson

 

Fyrsta skóflustunga að álveri

Mannréttindanefnd Sþ.: 5 dagar til stefnu

Það eru nú aðeins 5 dagar þar til ríkisstjórn Íslands á að svara úrskurði Mannréttindanefndar Sþ.  um að kvótakerfið í sjávarútvegi sé brot á mannréttindum.Í úrskurðinum var farið fram á það,að gerðar yrðu nauðsynlegar úrbætur á kvótakerfinu þannig,að ekki yrði áfram um mannréttindabrot að ræða.Sjávarútvegsráðherra og ríkisstjórnin ætla ekkert að gera í málinu.Sjávarútvegsráðherra ætlar að senda eitthvað málamyndasvar þess efnis,að  ríkisstjórnin muni taka málið  til athugunar og gera einhverjar breytingar einhvern tímann í framtíðinni.Þetta er svipað og eitthvað annað ríki,sem brotið hefði mannréttindi segði: Við skulum hætta mannréttindabrotum eftir nokkur ár.

Ísland hefur ekki sparað stóru orðin þegar mannréttindabrot hjá öðrum þjóðum hafa verið gagnrýnd.Það er því til skammar fyrir Ísland að stöðva ekki mannréttindabrot hjá okkur sjálfum  strax.

Það er aðeins ein leið til þess að stöðva mannréttindabrot í kvótakerfinu: Að innkalla veiðiheimildir á ákveðnum tíma og úthluta aftur þannig að allir sitji við sama borð.Við komumst ekki hjá því að fara þessa leið.

 

Björgvin Guðmundsson

Ríkisstjórnin hefur brugðist eldri borgurum.Það hefur verið stigið til baka!

Ríkisstjórn Sjálfstæðisflokks og Samfylkingar hefur brugðist eldri borgurum í kjaramálum þeirra. Stjórnarflokkarnir lofuðu því fyrir síðustu kosningar að bæta kjör aldraðra verulega.Samfylkingin gagnrýndi,að kjör eldri borgara hefðu dregist aftur úr í samanburði við launþega á almennum vinnumarkaði.Samfylkingin sagði: "Lífeyrir eldri borgara hefur ekki fylgt launavísitölu.Þess vegna hafa þeir ekki fengið sömu kjarabætur og aðrir hópar.Samfylkingin ætlar að leiðrétta þetta misrétti og vinna að því að lífeyrir dugi fyrir framfærslukostnaði eins og hann er metinn í neyslukönnun Hagstofu Íslands. Þetta verður gert í áföngum"




Þetta hefur ekki verið efnt á fyrsta ári ríkisstjórnarinnar. Það hefur ekki einu sinni verið stigið lítið skref fram á við í þessu efni enn. Það hefur verið stigið til baka, þar eð eldri borgarar fengu ekki sömu hækkun og launþegar á almennum vinnumarkaði við gerð nýrra kjarasamninga í febrúar sl. : Þar vantaði 9100 kr. á mánuði upp á. Laun verkafólks voru hækkuð í 145 þús. á mánuði ( lágmarkstekjutrygging í dagvinnu) eða um 16% en lífeyrir lífeyrisþega var aðeins hækkaður um 7,4% eða í 135.928 kr. Það hefur því orðið gliðnun á ný milli lífeyris og lágmarkslauna. Á sl. ári var lífeyrir almannatrygginga (TR) rúm 100% af lágmarkslaunum en nú er lífeyrir aðeins 93,74% af lágmarkslaunum (lágmarkstekjutryggingu).Þetta er slæm útkoma eftir eins árs stjórnarsetu núverandi ríkisstjórnar.







.



Það er vissulega mikilvægt að draga ur tekjutenginum bótaþega og það þarf að ganga lengra á þeirri braut. T.d. er enn alveg eftir að setja frítekjumark fyrir lífeyrissjóðstekjur. Það er enn mikilvægara en að setja frítekjumark fyrir atvinnutekjur. Það eru mun fleiri,sem hafa lífeyrissjóðstekjur en þeir sem hafa atvinnutekjur. Frítekjumark vegna lífeyrissjóðstekna mundi því koma mun fleiri lífeyrisþegum að gagni.Ég tel ,að það hafi í lífeyrismálum aldraðra verið byrjað á öfugum enda. Það átti að byrja á því að hækka lífeyri almannatrygginga almennt og að sjálfsögðu mest hjá þeim sem einungis hafa lífeyri frá almannatryggingum.Og samhliða átti að setja frítekjumark vegna lífeyrissjóðstekna.En hvers vegna var ekki byrjað á því að hækka lífeyri. Það er vegna þess að það er mun ódýrara fyrir ríkið að draga úr tekjutengingum. Ljóst er,að Sjálfstæðisflokkurinn hefur ráðið ferðinni í þessu efni. Og aðferðafræðin er öll frá Sjálfstæðisflokknum eða fjármálaráðherra enda þótt málaflokkurinn heyri undir Samfylkinguna. Þess vegna er lífeyrir adraðra ekkert hækkaður almennt og bótaþegar hlunnfarnir í kjölfar kjarsamninga. Þetta er allt komið frá Sjálfstæðisflokknum en Jóhanna lætur þetta yfir sig ganga.Kjósendur Samfylkingarinnar munu ekki sætta sig við það að Sjálfstæðisflokkurin valti þannig yfir Samfylkingunsa í málaflokki,sem heyrir undir Samfylkinguna. Ef lífeyrir aldraðra og öryrkja verður ekki leiðréttur myndarlega fljótlega hefur Samfylkingin ekkert í þessari ríkisstjórn að gera.

Björgvin Guðmundsson

www.gudmundsson.net

Jón Ásgeir sýknaður í 16 af 17 ákæruliðum

Gestur Jónsson, lögmaður Jóns Ásgeirs Jóhannessonar, sagði eftir að hann hafði lesið dóm Hæstaréttar í Baugsmálinu í dag, að dómurinn staðfesti hversu fráleitar sakargiftirnar voru, þegar stofnað var til stærsta efnahagsbrotamáls Íslandssögunnar á hendur Jóni Ásgeiri.

,,Þetta er mjög ítarlegur dómur, Jón Ásgeir er sýknaður í 16 af þeim 17. ákæruliðum sem hann er ákærður í, en sakfelldur fyrir hluta sakargiftanna í einum ákærulið. Sú sakfelling er í raun ekki sú sama og í héraðsdómi, þar sem hann hafði verið sakfelldur fyrir rangfærslu skjals og ranga tilkynningu til hlutafélagaskrár. Hann er núna sýknaður af því, en hins vegar talinn sekur um bókhaldsbrot," segir Gestur.

,,Ég vil ekki að draga úr alvarleika þess að fá sakfellingu í sakamáli, en þetta er auðvitað hreint smáatriði í samanburði við það sem lagt var upp með. Stóru tíðindin í þessu eru þau að þarna fær sex ára þrautaganga endi."

Málinu var þegar síðasta haust skotið til Mannréttindadómstóls Evrópu og segir Gestur dóminn í dag líklega eittvað sem Mannréttindadómstóllinn hafi verið að bíða eftir.

Miðað við það sem lagt var upp með  er það alger tittlingaskítur sem sakfellt er fyrir.

Björgvin Guðmundsson

 

 

I

I

Dómurinn staðfestir fráleitar sakargiftir

Héraðsdómur staðfestur í Baugsmáli

Hæstiréttur staðfesti í dag dóma, sem sakborningar í Baugsmálinu hlutu í Héraðsdómi Reykjavíkur. Var um að ræða lokaþátt málsins sem hófst fyrir sex árum. ´

 

Í héraðsdómi var Tryggvi Jónsson, fyrrverandi aðstoðarforstjóri Baugs, dæmdur í 12 mánaða skilorðsbundið fangelsi fyrir ýmis brot, þar á meðal fjárdrátt, og þeir Jón Ásgeir Jóhannesson, stjórnarformaður Baugs, og Jón Gerald Sullenberger, í 3 mánaða skilorðsbundið fangelsi fyrir að gefa út tilhæfulausan kreditreikning sem hafði áhrif á bókhaldslega stöðu almenningshlutafélagsins Baugs. 

Þar með er Baugsmálinu lokið fyrir dómstólum hér á landi en það hefur tekið 6 ár.Margir telja,að það hafi verið grafið og grafið og leitað að einhverju sakarefni á hendur Baugsfeðgum en  lítið fannst. Og eftirtekjan er rýr.

 

Björgvin Guðmundsson

Dómar staðfestir í Baugsmáli

LEB vill stórhækkun á lífeyri aldraðra,grunnlífeyri og tekjutryggingu

Nokkuð hefur borið á því í umræðunni um lífeyrismál aldraðra,að talsmenn ríkisstjórnarinnar hafi haldið því fram,að fullt samráð hafi verið haft við samtök aldraðra um þau skref sem stigin hafi verið í kjaramálum aldraðra.Þetta er ekki rétt.Það er forgangsmál Landssambands eldri borgara  að lifeyrir aldraðra frá TR verði stórhækkaður,bæði grunnlífeyrir og tekjutrygging. Helgi K.Hjálmsson,formaður LEB hefur lagt áherslu á það að grunnlífeyrir yrði hækkaður í 70-80 þúsund á mánuði.Þetta eru forgangsmálin.það er alfarið mál ríkisstjórnarinnar að byrja á því að draga úr tekjutengingum og láta hækkun lífeyris sitja á hakanum. LEB hefur aldrei samþykkt þá forgangsröð.Hins vegar fagna eldri borgarar hverju skrefi og vissulega eru minni    tekjutengingar mikilvægar. En ráðstafanir fyrir einstaka hópa eldri borgara mega ekki tefja heildarráðstafanir  í þágu allra aldraðra.

 

Björgvin Guðmundsson

4500 nýjar íbúðir í byggingu á landinu

Um síðustu áramót voru 6.200 nýjar íbúðir í byggingu og höfðu aldrei verið fleiri. Eru þá meðtaldar framkvæmdir þar sem einungis er byrjað að grafa fyrir grunni en auðvelt er að hætta við slíkar framkvæmdir.

Með hliðsjón af fjölda íbúða í byggingu í árslok 2007, og sem byrjað hefur verið á á þessu ári, má ætla að 4.500 íbúðir séu í byggingu í landinu um þessar mundir að því er fram kemur í fréttaskýringu í viðskiptablaði Morgunblaðsins í dag.

 

Þetta er einn af þeim þáttum sem tosa íbúðaverð niður,“ segir Þórhallur Ásbjörnsson, sérfræðingur hjá greiningardeild Kaupþings.

 

Kári Arngrímsson, forstjóri verktakafyrirtækisins Atafls, segir flesta hafa brugðist við breyttum aðstæðum með því að hægja á framkvæmdum. Hann segir að Seðlabankinn kanni nú hvað verktakar hafi byggt og selt í fyrra og í ár og hversu margar íbúðir séu leigðar út.

„Það hafa verið gefnar út yfirlýsingar um stöðuna á fasteignamarkaðnum án þess að vita í rauninni hver staðan sé. Það er svolítið alvarlegt að vera með vangaveltur um fasteignamarkaðinn án þess að hafa skýr gögn um ástandið,“ segir Kári.

Þessar tölur um nýjar íbúðir í byggingu leiða í ljós,að algert offramboð er nú á nýjum íbúðum og hætt við algeru verðfalli af þeim sökum.Sjálfsagt mun bygging einhverra  þessara úbúða stöðvast   vegna fjármagnsskort og þar eð ekki finnast kaupendur að   þeim.

 

Björgvin Guðmundsson

 

4.500 íbúðir í byggingu